عمرو أديب يعلق على أزمة تهديد نادي الزمالك بالانسحاب من القمة
تاريخ النشر: 23rd, June 2024 GMT
علق الإعلامي عمرو أديب، علي أزمة تهديد نادي الزمالك بالانسحاب من مباراة القمة أمام النادي الأهلي يوم الثلاثاء المقبل، ضمن مباريات الدوري العام.
وقال عمرو أديب خلال برنامج "الحكاية" المذاع على قناة "إم بي سي مصر": "هو الزمالك هيلعب ماتش يوم التلات اللي جاي ولا لأ دا السؤال المهم في مصر، في ناس بتقول في النهاية الزمالك هيلعب وفيه ناس بتقول لأ خلاص مش هتنزل المرة دي".
وتابع أديب: "أنا رأيي أن الزمالك لازم يلعب مينفعش واحنا جوا الدوري تيجي فرقة معجبهاش ماتش أو كورة نطت علي الخط أو ما نطتش على الخط وفيه مؤجلات أو مفيش مؤجلات وتيجي فرقة تقرر أنها مش هتلعب مفيش حاجة اسمها مش لاعب، والزمالك مش بيلعب الماتش علشان الدوري والكأس الزمالك في المركز الـ11 مش مثلا خلاص والنقطة دي هتفرق معاه".
وأكمل:" أناشد مجلس إدارة الزمالك لو سمحتوا العبوا يوم التلات اللي جاي، وإزاي النهاردة وانا لاعب في الزمالك مبقاش عارف أهم ماتش في الدوري هلعبه ولا لأ، في حين إن الفريق التاني مجهز نفسه لكل شيء لماتش التلات الجاي وابن الزمالك حاطط ايده على خده ومش عارف هيلعب ولا لأ، هو فيه حاجة كده يا جماعة، أنت منتظر من لاعب بتقوله احنا مش لاعبين وبعدين تقول له يلا يا إبراهيم يلا يا محمد بكرة يا حبيبي عايزين نكسب الأهلي مفيش كده يا جدعان".
المصدر: الأسبوع
كلمات دلالية: النادي الأهلي القمة عمرو أديب برنامج الحكاية
إقرأ أيضاً:
تامر حسني رقم كام؟ منشور جديد من عمرو دياب بعد أزمة الترتيب
أعاد الفنان عمرو دياب، مشاركة منشور صفحة أنغامي عبر فيسبوك، التي كشفت عن ترتيب الأغاني عبر منصتها الموسيقية هذا الأسبوع، وذلك بعد الأزمة التي حدثت بين الأول والفنان تامر حسني، على ترتيب الأغاني.
وجاء ترتيب الأغاني، عبر منصة أنغامي للموسيقى، كما يلي: (1- أغنية بابا لـ عمرو دياب، 2- أغنية كيفك ع فراقي لـ فضل شاكر ومحمد شاكر، 3- أغنية حبك لو غلط لـ تامر حسني، 4- أغنية مستني ايه لـ تامر حسني، 5- أغنية ابتدينا لـ عمرو دياب).
أثار الفنان تامر حسني الجدل بمنشور غاضب مستنكرا فعل أحد المطربين ،وذلك بعد أن أشار الهضبة عمرو دياب أن ألبومة “الجديد لينا “معاد تصدر الترتيب الرابع بالتريند ،رغم أن الألبوم ليس في هذا الترتيب.
وكتب تامر حسني عبر حسابه على إنستجرام باستخدام خاصية القصص القصيرة: “مش غريبة شوية لما الفنان الكبير اللي بحبه وبقدره، ينزل صورتي عنده في الاستوري بكذا طريقة أن أنا رقم ٤!!؟ وهو عارف إن ألبومي مش 4، بدليل ترتيب تريند اليوتيوب اللي ألبومي كله احتله، وكنت رقم 1 من أول يوم في الأسبوع الأول من نزوله”.
وأضاف تامر حسني: “برضو ناس جمعتلي النتائج دي بس منزلتهاش عموما، هو ترتيب وبيتغير كل شوية، لينا ولزملائنا المطربين لما بينجحوا … الفكرة إن “ألبوم لينا معاد“ أنا تعبت فيه، والناس بتتكلم عنه بكل خير وده الأهم، فمش محتاج أعمل كده”.
وتابع تامر حسني: “أنا لما كنت تقريبا ١٠ أيام رقم 1 في أسبوع نزول الألبوم “لينا معاد”، زي ما انتوا شايفين أهوه في الفيديو اللي اضطريت أنزله أغانيا في التريند أعلى وهو كان تحت… احتراما ليه ولمحبينه منزلتش صورته وهي تحت، ولا نزلت أي خبر يقول إن ألبومي متصدر عليه، كنت بحتفل مع جمهوري دون المساس بصورة أو اسم أي فنان احتراما لمجهوده… بس مش عارف ليه هو يعمل كده، لأنه أكبر من كده ومش محتاج يعمل كده!! وعموما، ألف مبروك”.
لقاء جعجع – جنبلاط... تحالف انتخابي ع القطعة