"أنت وحشتني أوي".. رانيا فريد شوقي تحيي ذكرى والدها الـ 26
تاريخ النشر: 27th, July 2024 GMT
في ذكرى رحيل الفنان فريد شوقي، أحيت الفنانة رانيا فريد شوقي ذكرى والدها، الـ 26 معبرة عن اشتياقها له، وذلك عبر حسابها الرسمي على موقع تبادل الصور والفيديوهات “إنستجرام”.
فنشرت رانيا فريد شوقي مقطع فيديو به مجموعة من الصور لوالدها عبر حسابها الرسمي بموقع تبادل الصور والفيديوهات “انستجرام” قائلًا: “26 عامًا على رحيلك اتحرمت منك ومن حنيتك ودلعك وكنت أميرتك وماكنتش بشيل هم حاجة لأنك كنت سندي وضهري وقوتي ومصدر العطاء والسعادة وحصن الأمان، وساعات بسأل نفسي لو كنت لسه عايش يا ترى أنا كنت همر بكل اللي حصل لي في حياتي الإجابة أكيد لأ”.
وتابعت رانيا فريد شوقي: “كنت دايمًا بتتكلم معايا وتقنعني وتنصحني وتحميني حتي من نفسي وأموت ولا تزعل مني أنت وحشتني أوي وأنا دايما بتكلم معاك حتى لو مش سامعني بس برتاح لما أفضفضلك طب عارف إيه اللي بيهون عليا فراقك حب جماهيرك وكلامهم عنك بكل حب وأصحابك والعائلة وأمي الله يرحمها حتى هي سبتني وراحتلك وناهد أختي راحتلك قبلها سنة قاسية أوي عليا يا بابا بحاول اتعايش وأهرب للشغل، وأنا حقيقي وحيدة من غيركم مفيش حاجة تعوض الأب والأم يا رب قويني وصبرني”.
المصدر: بوابة الفجر
كلمات دلالية: الفنانة رانيا فريد شوقي الفنان فريد شوقي رانيا فريد شوقي موقع انستجرام فريد شوقي رانیا فرید شوقی
إقرأ أيضاً:
منة عدلي القيعي تكشف لأول مرة عن واقعة نجاتها من الموت| تفاصيل
كشفت الشاعرة الغنائية منة عدلي القيعي، عن معاناتها من نوبات اختناق لمدة 7 أشهر ، تسببت لها فى حادث سير صعب .
وقالت منة عدلي القيعي عبر حسابها على «فيسبوك»: “حكاية ماكنتش ناوية احكيها.. بس هحكيها.. من ٧ شهور وإحنا لسه بنسخن عشان نحضر لشغل رمضان، حسيت بصعوبة في التنفس كانت بتزيد كل يوم إلى أن تحول الموضوع لنوبات اختناق تقريبا.. كانت بتتسبب في تسارع في ضربات القلب توصل لـ ١٨٠ أو ١٩٠ وأوقات كتير الموضوع كان بيطول كنت بحس إني مش هعديها”.
View this post on InstagramA post shared by Menna el kiey منة القيعي (@mennaelkiey)
وأضافت: “بعد شهر واتنين من الفحوصات والتشخيصات المختلفة جالي نوبة من دول وأنا سايقة وتسببت في حادثة كانت صعبة شوية، راحت فيها عربيتي والحمد لله برضه نجوت منها بإصابات خفيفة وكنا بنحمد ربنا ألف حمد… بعدها الأمور تدهورت أكتر، والنوبات كانت بتوصل لمرتين و٣ و٥ في اليوم الواحد، فيه أيام كنت بوقف عربيات ناس ماعرفهاش في الشارع واقولهم خليكوا معايا من الخوف”.
وأكملت : “ابتديت رحلة علاج طبيعي للتنفس وكنت حرفيا بتعلم إزاي اتنفس من الأول، واليوم اللي كنت بتنفس فيه صح لدقيقة متواصل كنت بعيط من الفرحة.. ويوم بيعدي ويوم أحس أنه مابيعديش لحد ما وصلنا لهنا”.
وتابعت :"الـ ٧ شهور دول هما اللي ربنا كرمني فيهم بالأغاني دي… صاحبي يا صاحبي وكل سنة وتقابل حبيب وإلى أخره من الشغل اللي اتعرض في رمضان 25، أغاني منهم اللي اتكتبت وأنا في مستشفي واللي اتكتبت وأنا على جهاز تنفس واللي اتكتبت وأنا بعيط … فيه ايام من الإحباط كنت بفكر أبطل أحاول أخف، بس عمري ما فكرت أبطل كتابة، وكنت بدعي ربنا يكرمني ويجازيني وكنت بكلمه وأقوله يارب وقفني ووقفني على رجلي تاني".
واتمت:"اللهم لك ألف حمد وشكر 7 جوايز حصيلة 7 شهور مروا بكرم الله ولطفه… (فيه جايزتين مش معايا).. شكرا لأهلي وعيلتي وجوزي وصحابي والناس اللي اشتغلت معاهم كلهم…طلعت عنيكوا وقلقتكوا وعملتلكوا إزعاج واستحملتوني… شكرا من كل قلبي".
أسعار الأسماك والجمبري اليوم السبت 31 مايو 2025.. البوري بـ 200 جنيه