قعدة صعبة.. عمرو أديب يعلق على جلسة صندوق النقد الدولي (فيديو)

أكد الإعلامي عمرو أديب، أن عملية الإصلاح الاقتصادي دائما ما تكون صعبة، مشيرا إلى أن الدولة لا تريد أن تزيد الضغوط على المواطن.

النائب أيمن محسب يكشف موقف صندوق النقد من طلب مصر تعديل الاشتراطات الديهي: مطالبة السيسي بمراجعة اتفاق صندوق النقد أفحم أصحاب الألسنة الطويلة والعقول الفارغة

وقال عمرو أديب خلال برنامج «الحكاية» المذاع على قناة «إم بي سي مصر»: «أيام تفصلنا عن زيارة صندوق النقد الدولي، وعلمنا أن مدير عام الصندوق ستزور مصر لتناقش الرؤية المصرية وموضوع الإصلاح الاقتصادي».

وأضافعمرو أديب: «الأسبوع الجاي هتبقا فيه قعدة صعبة.. ولازم نحط ورقنا ونشوف معاهم حل، ومينفعش حد يقول هنهدها على دماغهم لأنها هتتهد على دماغنا كلنا»، مشددا على ضرورة معرفة فكرة الصندوق عن فكرة المرونة في سعر الصرف.

وتابع، «محدش يقول هو الصندوق بيعملنا إيه.. إحنا بنشتري صندوق ولازم تكون علاقتنا معاهم كويسة، ولكن المواطن فوق الجميع لذلك نحاول الوصول مع الصندوق لصيغة ما».

وأضاف عمرو أديب: «مشكلتنا ومشكلة دول نامية كتير مع الصندوق أن الإصلاحات بتبقى شديدة بتبقى قوية يعني المجتمع مبيقدرش يتحمل أوي هذه الإصلاحات بشكل مرن، فبيبقى في نوع من أنواع التفاوض والصراع في الآراء أنه أنا هعمل هذا الإصلاح، ولكن أنا في نفس الوقت مش عايز أحط المجتمع بتاعي تحت ضغط اقتصادي كبير، وهو بالفعل تحت ضغط اقتصادي كبير».

مش عايز أزود الضغط

وتابع: «أنا مش عايز أزود الضغط طيب إزاي أقدر امضي بالإصلاح بأقل ألم ممكن ولما حصل مرتين في البنزين أكيد هو شيء مؤلم وزيادة السولار ساهمت في زيادة أسعار كل شيء، فهو مباشر عليك، الكلام اللي بيكلموا عليه الإصلاح الاقتصادي ده مباشر».

وأردف عمرو أديب: «أنت بتتفاوض معاه وتقوله لو سمحت أيوة أنا اللي مقدم البرنامج الوطني ده واللي اتفقت معاك في هذا الأمر، وأرى أن الوضع الذي يدور حولي غير مطمئن وبيعمل ضغوط عليا كل يوم وأنا مصاريفي بتزيد وأنا بقولك لو سمحت عايزين نعيد النظر في هذا الاتفاق».

 

وأوضح: «طبعا الصندوق واضح في المسائل دي والست كريستالينا قالت الإصلاحات لازم عاجلا مش آجلا وقالت هي متفهمة للوضع المصري وموضوع الضيوف الموجودين ووضع السودان وغزة وقالت ممكن بعد كده تكلفة الإصلاح تبقى عايزة».

المصدر: بوابة الوفد