رضا بوبو لاعب بيراميدز الجديد يوجه رسالة شديدة اللهجة لمسئول بناديه السابق
تاريخ النشر: 22nd, August 2023 GMT
وجه اللاعب محمد رضا بوبو المنتقل حديثا إلي صفوف الفريق الأول لكرة القدم بنادي بيراميدز، رسالة شديدة اللهجة منشور عبر حسابه الشخصي علي موقع التواصل الاجتماعي فيسبوك.
وكتب بوبو :"مبقيتش قادر اصبر اكتر من كده بصراحه حته لو العواقب كتير ولو هيحصل اي المهم اهدي النار الي جوايا شويه عشان اكون حتى ارتحت من جوايا وكده كده ربنا موجود وهيجبلي حقي.
وأضاف: انا كنت خلصت وجالي اتصال تعالى ضروري النادي عشان تمضي الاستغناء بتاعك عشان خلاص انت مشيت قولت حاضر وركبت عربيتى وطلعت علي النادي الساعه 11 بالليل الناس قابلوني فالنادي وقالولي عامل اي يارضا عايزينك تمضي ورقتين ورقة مخالصة والاستغناء قولتلهم الاستغناء حاضر همضي مفيش مشكلة امال اي الي يخليني امضي مخالصه وانا ليا 4 مليون 200.
وتابع: فيه واحد لاداعي لذكر اسمه لانه ده ميعرفش ربنا طبعا قعد يكلمني ولازم تمضي ولازم تمضي اقوله ازاي ياكابتن امضي مخالصة وانا ليا فلوس قولت مش همضي ومشيت ومضيت علي الاستغناء جالي اتصال امضي وانتي فلوسك عندي ومتقلقش امضي وانت وزملائك الي ماشييين هنيجي ونسلم عليكم وتاخدو الشيك بالدولار زي باقي الفرقة ونشكركم اكيد يعني قال اه امضى بس اتفقت مع الاتنين الي كانو معايا عشان كنا متفقين اننا هنعمل كل حاجه بالإتفاق مع بعض فقالو هنضمي كلنا ونروح التلات ناخد الفلوس.
وواصل بوبو: مضينا علي الورقه ومكناش مدين اي خوانه لحاجه جه التلات لقينا اللعيبة كلها صحبنا الي ف الفرقة طلعلهم فلوس وكلوا خد شيك ماعدا احنا التلاته والتلاتة المعاريين الي مشيو من النادي اتصلت بالشخص ده قولتلوّ الشيك بتاعنا امته قالي بليل يوم ف ناس الصبح وف ناس بليل وانت بليل قولتلو ماشي جه بليل كلمتو قالي الصبح فضلت علي الحال ده كل يوم يوم يقولنا التلات الجاي ييجي التلات يقول الاسبوع الجاي ييجي الاسبوع الجاي يتقال بكرا كمان يومين علي الحال ده"
وزاد:" ف حد مشكور طبعا بدون ذكر اسمو قالي انا بحبك وانت اخويا الصغير لو انت مفكر انك طلعلك فلوس يبقا بتحلم مصدقتيش وقولت لا اكيد الفلوس هتطلع الناس كلموني وقالولنا الفلوس عندنا وانا مصدقهم ومعايا".
واستطرد:" بس من الواضح ان مفيش فلوس جايه ولا اي حاجه علي العموم حسبي الله ونعم الوكيل ف كل واحد اكل حقي وتعبي الي شقيت فيه سنتين تعبت وسفر هنا ولعبنا افريقيا وخدنا بطوله وطلعنا مركز رابع سنتين يعني الحمدالله مقصرتيش ف حاجه بس فكرت ان حد ياكل حقك ف دي صعبه عليا اوي وانا زعلان لان مشفتيش التقدير انا".
وقال:"اتبعت انا وصحابي وحلينا ازمه للنادي برقم كبير يعني انا ممشيتش ببلاش ولا مكنتش بلعب ولا مكنتش مساهم ف ده كله عشان تاكل حقي بلطريقه دي انا عارف الكلام ده هيضايق ناس بس دي الحقيقة انا ليا حق وعلي حق وانا عمري ماكنت بخاف من اي حاجه".
وأتم:" بس اذاي بتعرف تنام تحط دماغك علي المخده وانت اكل حق وشقي واحد طلع عيونو عشان يجمع رقم ذي ده وانت عايز تاكلو عليه بكل سهوله كده انا مكلمتيش حد من الصحافييين صحابي والي اعرفهم انهم ينزل الكلام علي لساني انا حقي عند ربنا وربنا هيجبهولي اضعاف وانا متاكد لاني مقصرتيش ف حاجه وربنا يعلم كده انا من جوايا ارتحت".
المصدر: صدى البلد
كلمات دلالية: بيراميدز لاعب بيراميدز الاستغناء
إقرأ أيضاً:
علي جبر: بيراميدز يمتلك أقوى إسكواد في إفريقيا.. و"عوامل خارجية" سبب خسارتنا للدوري والكأس
قال علي جبر قائد الفريق الأول لكرة القدم بنادي بيراميدز ولاعب الإسماعيلي والزمالك السابق، إن وجود لاعبين كبار أصحاب خبرات كبيرة في الدوري بجانب محترفين أكفاء حصدوا بطولات قارية هو ما منحنا ميزة المنافسة على كل البطولات والمنافسات المحلية والقارية رغم مرور 7 سنوات فقط على تأسيسه، مضيفًا: نخلق دوافعنا لأنفسنا وخبراتنا تمكننا من التركيز والفصل بين البطولات والمنافسات الكثيرة التي نخوضها.
علي جبر: بيراميدز يمتلك أقوى إسكواد في إفريقيا.. و"عوامل خارجية" سبب خسارتنا للدوري والكأسوأضاف علي جبر في تصريحات هامة لبرنامج نجوم دوري نايل مع أحمد المصري عبر إذاعة أون سبورت إف أم: المطالبة بفوز بيراميدز بالبطولات من أول يوم ضغوط حلوة مش وحشة، ودي ثقة كبيرة من الناس في قدراتنا وإمكانياتنا، لإن كل لاعيبتنا كبار وقادرين على استكمال ما فعلوه الموسم الماضي.
وتابع لاعب الإسماعيلي السابق: وجود الجمهور بيفرق مع أي لاعب، لإن الكرة أساسها الجمهور وإحنا بنلعب علشانهم، وجود الجمهور بيزود المنافسة بين الأندية وبيعلي المستويات وبيدي دوافع أكبر وبيرفع سقف الطموحات وبيخليك تتخطى أي مشكلات ممكن تحصل وبيزود قوة البطولة، مضيفًا: بيراميدز يمتلك أقوى إسكواد في إفريقيا وليس مصر فقط، القائمة تضم لاعبين كبار أصحاب خبرات يخلقون دوافعهم لأنفسهم ويعرفون ماذا يريدون من كل بطولة.
وأكد علي جبر على أن هناك عوامل خارجية ساهمت في خسارة الفريق لبطولتي الدوري وكأس مصر الموسم الماضي، قائلًا: لم يكن هناك تكافؤ فرص مع الأهلي في الدوري، خسرنا أهم مباراتين حاسمتين في الموسم بسبب اختيارات الملاعب والتوقيت غير المناسبة لنا.. بعكس منافسنا الذي تم تسهيل كافة الأمور له، مضيفًا: لازلنا متمسكين بأمل الفوز بالدوري بقرار من الفيفا بعد أزمة خصم النقاط.
وواصل لاعب الإسماعيلي السابق: توقيت مباراة نهائي كأس مصر أمام الزمالك كان صعبًا للغاية، يوم وقفة عيد الأضحى والجميع صائمون، متابعًا: كنا لسه مخرجناش من أجواء الفوز ببطولة دوري أبطال إفريقيا، عشان كده مكنش فيه تركيز كامل ولا دوافع مكتملة وده سبب خسارتنا للقب.
واختتم علي جبر حديثه: سعيد ببقاء المدرب الكرواتي كرونسلاف يورتشيتش معنا في الموسم القادم، لأن الاستقرار في كرة القدم واحد من أهم أسباب النجاح، طبيعي أن تأتيه عروض كثيرة وهو متوج بدوري أبطال إفريقيا، وإن شاء الله نكرر ما فعلناه معًا الموسم القادم، مضيفًا: الكرواتي هو من يصنع الضغوط ويخلق لنا الدوافع، هو جيد جدًا في هذه النقطة التي كانت تنقصنا كفريق، هو جمهورنا فعليًا، وهذه هي شخصيته الحقيقية في التدريبات والمباريات.
رسائل طمأنينة للمواطنين| المركزي يثبت الفائدة تأكيدا لتراجع التضخم.. خبير يوضح