استشاري نفسي يتحدى السحرة بسبب مسلسل المداح: اللي يعرف يسحرني يتفضل

هاجم الدكتور وليد هندي الاستشاري النفسي، مسلسل المداح 5، الذي ينافس به الفنان حمادة هلال ضمن موسم مسلسلات رمضان 2025.

مسلسل المداح أسطورة العهد الحلقة 10.. مواجهة ساخنة بين ست الحسن والملك الأحمرمسلسل المداح الحلقة 9.. حمادة هلال ينتصر على الصاوي .. وغادة عادل فى مواجهة ساخنةمسلسل المداح الجزء الخامس 9.

. هل ينتصر حمادة هلال على الملك الأحمر ؟المداح الجزء الخامس الحلقة 8.. الملك الأحمر يخطط لهدم حمادة هلال

قال دكتور وليد هندي في مداخلة هاتفية مع الإعلامية رشا مجدي والإعلامي أحمد دياب، ببرنامج صباح البلد المذاع على قناة صدى البلد: «ما يقدمه مسلسل المداح تلاعب بعقلية الجمهور».

وتابع: «دائمًا نقول أن أنماط التنشئة الاجتماعية تخلق بداخلنا مشعوذ صغير، الحمدلله دلوقتي الوضع اختلف لا نرى أشخاص تتشائم من المقص المفتوح ولا الحذاء المقلوب».

واستكمل الاستشاري النفسي حديثه: «الدنيا تطورت مفيش خرزة زرقاء زي الأول ولا خمسة وخميسة، فمينفعش وسط التطوير اللي بيحصل ده يطل علينا عمل تاني يعملنا ردة عقلية».

السحر بإجماع الأئمة مش موجود 

وأضاف دكتور وليد هندي: «السحر بإجماع الآئمة مش موجود لأنه انتهى بوفاة الرسول، وقبل وفاته السحر كان تخيل حيث خيّل للناس تغيير شكل الحاجة، ورواية أن الرسول تم سحره غير صحيحة بإجماع الآئمة، الرسول منزه عن هذه الأشياء».

واستكمل: «هل من العدالة الإلهية المولى يخليني مسحور وآخرين يتحكموا فيّ؟.. والجن لو كان بيعمل كل حاجة ويقدر يسحر للناس كان نفع نفسه، أنا شوفت وقائع لدجالين ومشعوذين يتم القبض عليهم كانوا بيوهموا الناس لسنوات أن معاهم جن بيشوف الطالع والغيب طب ما كان شاف المخبرين والشرطة قبل ما يقبضوا عليه».

وتابع وليد هندي الاستشاري النفسي: «عايزين نحكم عقلنا وربنا قال جاهد الشيطان فإزاي يطلب مني مجاهدته ويقنعني يدخل جوه جسمي، مفيش سحر وبقول لجميع السحرة في العالم اللي يعرف يسحرني يسحرني».

المصدر: صدى البلد