???? تحيرني جدا في عاداتنا وتقاليدنا مقولة بقولوها للنساء (اصبري، اصبري،اصبري)..!

قريت ان ٨٠٪ من المصابين بامراض المناعه هم من النساء، ونسبه عاليه منهم بكون السبب الضغوط النفسية… ومن عندي بضيف بتوقع الضغوط النفسيه الناتجة عن ضغوط اجتماعيه تحت مفهوم منظرنا شنو قدام الناستحيرني جدا في عاداتنا وتقاليدنا مقولة بقولوها للنساء (اصبري، اصبري،اصبري)، وهي جوه قلبها بتكون سامعاها ( اتقهري، اتقهري، اتقهري) لحدي ما تموت قهرا وفي الاخر يتلمو ياكلو غداها ويقول يا حليلها صبرت.

يا ايتها المرأة قومي اقري حقك وحقوقك ومستحقاتك في الاسلام، واطلعي من قوقعة الضحية الصابرة دي، لانو خووووووفي ربنا يسالك عن نفسك لي سكتي على قهرها ولنفسك عليك حق…. اتكلمي وعبري واجتهدي تصلحي حياتك ووضعك هو اصلا انت حتعيشي كم مره عشان تعديه كبت وزعل وحرمان وترضية للناس، كلمممممتك بتموتي قهر وهم حياكلو غداك وكمان حيقولو زيدو لينا ملاح القرع ده، اهم الاسباب النفسيه البتسبب امراض المناعه١. لمن تختي مشاعر الناس فوق مشاعرك٢. لمن تكبتي غضبك وما تعبري عنه بصوره صحية٣. لمن تشيلي مسؤليات اكبر من مقدراتك وتنسي روحك٤. لمن تفتكري ان تعديل مشاعر الاخرين مسؤوليتك( والطبيعي والمنطقي ان ال٤ نقاط الفوق دي تتخلصي منها سريييييع عشان صحتك حبيبتي) لازم توازني المعادله، وصح كتير يجب تنازل الفرد لمصلحة المجموعة، لكن الاكتر بكون ضياع المجموعه بسبب ضياع الفرد. واكيد ما حننسى مسؤلياتنا اذا تحتنا ناس بنرعاهم، بر الوالدين وجبر الخواطر، يعني كمان ما حنعيش ضرب من طرف في الارض صعبتها عارفه.إيثار صلاح التاياختصاصي صحة نفسية إنضم لقناة النيلين على واتساب

المصدر: موقع النيلين