إلهام شاهين توجة رسالة دعم لـ محمد سامي
تاريخ النشر: 28th, March 2025 GMT
وجهت الفنانة إلهام شاهين رسالة دعم للمخرج محمد سامي بعد قرار اعتزاله عبر حسابه الشخصي بموقع التواصل الإجتماعي فيسبوك.
وكتبت إلهام شاهين :الجدع و إبنى الغالى المخرج الرائع محمد سامى ،سعدت جدا جدا بالعمل معك فى مسلسل سيد الناس ،شكرا لإختيارى فى دور جديد مختلف تماما بالنسبه لى شخصية إعتماد الهوارى علامه مميزة لها بصمتها فى مسيرتى الفنيه .
و أضافت: صحيح إنها شخصيه مستفزة و حاقده و غلاويه و شريرة و شلق و صوتها عالى و مزعجه و هذا هو التحدى تقديمى فى دور يعتبر مغامرة .. و قد تفاجأ به الجمهور .. و طبعا إعتماد لازم تتكره .. و أعتبر ده نجاح لتقديمى للشخصية ..
وتابعت : بشكرك على مجهودك و تعبك و إهتمامك بكل التفاصيل .. و أنا شاهده على المجهود الجبار لتجهيز العمل فى موعده .. و إنك كنت لاتنام أكتر من ساعتين تلاته .. و باقى اليوم شغل بلا لحظة هدوء أو راحه .
وأضافت : وأكيد إنت محتاج لأجازة و هدنه تلتقط فيها أنفاسك .. و أنا واثقه إنك ستعود لنا بعدها بعمل جديد و قوى لأنك تعودت على النجاح الكبير .. و ماشاءالله أعمالك هى الأكثر مشاهده فى رمضان ترتيبهم الأول و الثانى على منصة شاهد سواء على مستوى مصر أو على مستوى العالم .
و اختتمت :أتمنى لك النجاح و التألق دائما وحقيقى من كل قلبى هتوحشنى جدا فنيا و إنسانيا و فى إنتظارك قريبا يا فنان يا جميل وربنا يجمعنا دايما على كل خير .
اعتزال محمد سامي الإخراج الدرامي
أعلن المخرج محمد سامي خلال الساعات الماضية اعتزال الإخراج الدرامي بعد مشاركته فى ماراثون رمضان الحالي بمسلسلي “سيد الناس” و"إش إش".
وكتب محمد سامي عبر حسابه الرسمي بموقع فيسبوك:"وداعا الدراما التلفزيونية، السنة دي كانت آخر أعمالي التلفزيونية، واللي فيها بودع المسلسلات، رحلة طويلة حوالي ١٥ سنة، قدمت فيهم كل اللي قدرت عليه لإسعاد الجمهور العربي، وحققت بفضل ربنا نجاحات مع نجوم كتير ومع شركات وقنوات كلها مهمة".
وتابع : دايما الجمهور بيشجعني، سواء بردود الأفعال أو بتصويته ليا في الجوائز، وأي نجاح حققته كان بفضل ربنا والجمهور، يمكن المقربين ليا عارفين إني واخد القرار ده من فترة وهو اعتزال الإخراج التلفزيوني، ولكن كنت بنتهي من التزامات موقعة مع شركات ونجوم والحمد لله انتهيت منها وكان آخرها ٢٠٢٥، معنديش حاجة أكتر أقدر أقدمها في التلفزيون، وخايف من تشبع الجمهور من أسلوبي ومن الوقوع في فخ التكرار ودائرة المتوقع والملل، والوحيد القادر على الدوام هو الله وحده، الحمد لله آخر عملين ليا إش إش وسيد الناس حققوا نجاح أنا سعيد بيه.
وأضاف: “كل يوم بلدي العظيمة مصر بتطلع صناع جداد موهوبين و مثقفين ويقدروا يقدموا أفضل من اللي قبلهم وهنفضل طول الوقت بنقدم أعمال مصرية يلتف حولها الجمهور العربي، بشكر كل حد ساعدني في الرحلة وبشكر كل زميل منافسته كانت دافع للتميز، بعتذر عن أي مشهد قدمته أثناء الرحلة ولم يلقي استحسان الجمهور أو إعجابهم في الآخر الفنان دايما بيجرب والفنون جنون زي ما بيقولوا”.
وأتم :" ادعولي الفترة الجاية عندي سفر خارج مصر لفترة عامين بتعلم فيهم حاجة جديدة بدرسها، حاجة كان نفسي أتعلمها من زمان و أجلتها كتير لحد ما لقيت نفسي بكبر وخايف يفوت العمر قبل ما أعمل حاجة نفسي فيها، مقتنع إن الشخص يقدر في أي وقت يقرر يوقف حاجة بيحبها عشان يعمل حاجة تانية بيحبها برضه، وعايز يجربها بس محتاج عيلة تسانده على اتخاذ قراره، كل التوفيق لكل زمايلي وبحبكم و بشكركم على سنين المنافسة الجميلة اللي عملت أسمائنا كلنا وأتمنى لنفسي التوفيق في الخطوة الجديدة
المصدر: صدى البلد
كلمات دلالية: الهام شاهين صور الهام شاهين محمد سامي اعتزال محمد سامي المزيد محمد سامی
إقرأ أيضاً:
بكاش مايوة.. بسنت شوقي تثير الجدل بإطلالة جريئة
شاركت الفنانة بسنت شوقي جمهورها صورا من عطلتها الصيفية عبر حسابها بموقع التواصل الإجتماعي إنستجرام.
وخطفت بسنت شوقي أنظار جمهورها بأطلالة جذابة جريئة علي الشاطي مرتدية كأش مايوة باللون الروز، مما حازت الصورة علي إعجاب متابعيها.
وكانت قد نفت الفنانة بسنت شوقي الشائعات المنتشرة حول حملها وانتظارها هي وزوجها الفنان محمد فراج أول أبنائهما.
وقالت بسنت شوقي في مقطع فيديو على “إنستجرام”: “أنا مش برد على الإشاعات خالص، بس لقيت الموضوع بيكبر أوي أوي، وأنا لغاية النهارده جالي أكتر من 5 آلاف رسالة، سواء شخصية أو من الشغل بيباركوا لي وكده، وأنا حسيت إني لازم أطلع وأقول، أنا مش حامل وكل اللي حصل إني نزلت أنا ومحمد Story، إن فيه مفاجأة، والمشكلة إن محمد كان لازم بينك وأنا بقى لي فترة قاعدة بقول أنا مش قادرة أستغنى عن البينك، فالناس توقعت إني حامل في بنت”.
وأضافت: "بس والله العظيم أنا مش حامل، ولو أنا حامل، مش حاسة إن لا أنا ولا محمد هنقولها بالطريقة دي، وبعدين ليه بكرة حامل؟ ما أنا حامل النهارده، مش احنا".
وأردفت: "كان نفسي أقول لكم إن المفاجأة إني حامل فعلًا بس ما حصلش!".
وتابعت: المفاجأة كانت الفيديو كليب "مستنيك" لحسين الجسمي، عشان أنا ومحمد عمرنا ما عملنا حاجة زي كده قبل كده، لإن الفيديو كليب بفكرته وإخراجه وكل حاجة، لأن هشام جمال عمل حاجة مختلفة جدًّا عشان كدة احنا فضلنا نقول مفاجأة كبيرة".
وأشارت: عايزة أقول بس شكرًا جدًّا على كل المشاعر الجميلة، والدعاء اللي جالنا إن ربنا يرزقنا الذرية الصالحة يارب في يوم من ما ربنا يريد، وبجد أنا حاسة بكل الحب، بس لسه ربنا ما أرادش، وبعدين يا جماعة أنا خاسة أصلا!
تعزيز الشفافية والمشاركة.. مذكرة تفاهم جديدة بين مفوضية الانتخابات ومؤسسة بحثية وطنية