محمد صلاح العزب يكشف أسباب توقف أخر مشروع سينمائي لمحمود عبدالعزيز «أوضتين وصالة»
تاريخ النشر: 13th, July 2023 GMT
شرح المؤلف محمد صلاح العزب الأسباب التي أدت لتوقف فيلم «أوضتين وصالة» بطولة النجم الراحل محمود عبدالعزيز، مشيرًا إلى أنه عمل على المشروع مع المخرج شريف البنداري لمدة 8 سنوات.
أخبار متعلقة
نبيلة عبيد تتذكر محمود عبد العزيز مع اقتراب ذكرى رحيله
بسبب «رأفت الهجان».. عمرو الليثى يكشف سر غضب محمود عبد العزيز من عادل إمام
«زى النهارده».
وأضاف العزب عبر «فيس بوك»: «أنا هتكلم كتير اليومين اللي جايين عن فيلم (أوضتين وصالة)، وهحكي حوارات كتير حصلت في الفيلم ده، أولا ليه فيلم أوضتين وصالة ما اتعملش، الفيلم ده أول سيناريو كتبته في حياتي في سنة ٢٠١٠ وفاز بجايزة ساويرس في ٢٠١١، ومضيته مع صديقي العزيز المنتج محمد حفظي في ٢٠١١، واشتغلنا في الفيلم ده أنا وصديقي العزيز المخرج شريف البنداري على الفيلم في كل ما يتعلق بكل حاجة سيناريو وإخراج وإنتاج وممثلين ومنح وديكور ولوكيشنات تصوير إلى آخره... اشتغلنا في الكافيهات والبيوت والشركات والشوارع والتليفونات لمدة ٨ سنين (أيوه الرقم ده حقيقي)».
وتابع: «الفيلم قراه الفنان محمود عبدالعزيز وأعجب بيه جدا بعد ما كان محبط من فيلم إبراهيم الأبيض ومش عاوز يعمل سينما تاني، وبعدما قرأه قرر إن ده الفيلم اللي يختم بيه حياته السينمائية، واشتغلنا على الفيلم أنا وشريف والساحر الله يرحمه لمدة سنتين ما بين بيت محمود عبدالعزيز في زايد وكابينته في المنتزة، ولما جه وقت الاتفاق ع الفلوس عشان ندخل نصور محمود عبدالعزيز الله يرحمه طلب ٤ مليون جنيه، وحفظي مرضيش يدفع غير مليون جنيه واحد.. فمحمود عبدالعزيز الله يرحمه قال أنا مش فارق معايا الفلوس بس أنا مش هقلل من نفسي، وده رقم مياخدوش عيل صغير، ومكملش الفيلم».
وأختتم: «وبعد وفاة محمود عبدالعزيز الله يرحمه الفيلم راح للفنان الكبير يحيي الفخراني، ودي قصة تانية».
فيلم أوضتين وصالة أوضتين وصالة محمد صلاح العزب النجم الراحل محمود عبد العزيزالمصدر: المصري اليوم
كلمات دلالية: شكاوى المواطنين محمود عبدالعزیز
إقرأ أيضاً:
تعاني من الألم.. محمود سعد يكشف تفاصيل رحلة علاج أنغام
كشف الإعلامي محمود سعد تفاصيل الحالة الصحية و رحلة علاج الفنانة أنغام عبر حسابه الرسمي بموقع فيسبوك.
و كتب محمود سعد :من قبل ما أنغام تسافر هي قالت إن عندها كيس على البنكرياس، قالولها إن في مستشفى متخصصة في ميونخ (ألمانيا) متخصصة في البنكرياس.
و تابع :هناك عملت منظار دخل من الفم وشال اغلب الكيس وعملوا التحاليل اللازمة وطلع حميد الحمد لله
-هي الحمد لله كويسة وبتتحرك وبتاكل وهتخرج بكرة او بعده ان شاء الله
-اللي فاضل من الكيس جزء بسيط مش لازم يتشال وهتتابعة لما ترجع مصر ان شاء الله علشان تتأكد انه مش هيكبر وان شاء الله المتوقع انه يفضل مستقر.
و أضاف:هي الحمد لله بخير وكل اللي بتعاني منه في الوقت الحالي هو الألم.. فدعواتكم ان ربنا ويخفف عنها ويتم شفاها على خير ان شاء الله.
و كان قد طمأن الاعلامي محمود سعد الجمهورر عن الحاله الصحية للفنانه أنغام عبر حسابه الشخصي بموقع التواصل الإجتماعي فيسبوك.
و كتب محمود سعد :حمد الله على سلامتك يا صديقتي الغالية جدا جدا.. رغم كل الأخبار الكتير المنشورة هنا وهناك،الخبر الدقيق الصحيح ان أنغام الحمد لله (زي الفل).. اتكلمنا النهاردة اكتر من مرة وهي الحمد لله بخير وتخرج من المستشفى بكرة او بعده بالكتير ان شاء الله.
وأضاف : أنغام طلبت مني اطمن كل حبايبها وشرحتلي حالتها الصحية بالتفصيل والنهاردة الساعة ٧ ان شاء الله هنعمل لايف مخصوص اقولكم فيه تفاصيل رحلة علاجها في المانيا ومحبتها الكبيرة ليكم.
إطلاق البرنامج التأهيلي لتدريب 1000 شاب وفتاة ببورسعيد