عادل الخضري: ابني الموزع عمرو الخضري خد طريقه لوحده.. وكنت بقفل على نفسي وأبعد عن الناس في فترة غيابي
تاريخ النشر: 29th, March 2024 GMT
تحدث المطرب الشعبي، عادل الخضري، عن نجله الموزع الموسيقي عمرو الخضري، بجانب الكشف أمنيته.
وقال عادل الخضري، في لقائه مع الإعلامية إنجي هشام، في برنامج "المنسي" المذاع عبر شاشة قناة "هي": عمرو الخضري ابني وموزع كبير واشتغل مع نجوم الوطن العربي، وبيشجعني وبيقولي نعمل أغاني جديدة، وأنا مبتدخلش في شغله خالص ومجبتلوش ربع مطرب، وهو بفضل الله خد طريقه.
وتابع: لما كنت شغال كويس وبعدت فترة، أنا بنفسي اللي بعدت عن الناس وكنت بقفل على نفسي، لأن مش عاجبني اللي أنا فيه ومش عايز أظهر بالشكل ده قدام الناس.
وأضاف: اختفاء جيلنا مش بسبب النقيب مصطفى كامل ولا بسبب حد، ومفيش حد في إيده حل، واللي عايز يجتهد ويشتغل هيشتغل.
وعن أمنيته: أنا لسة مقدمتش ولا عملت حاجة، وربنا يديني العمر والصحة وأعمل حاجات كتير، وبإذن الله هرجع بقوتي تاني على الساحة الفنية.
وبرنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.
المصدر: بوابة الفجر
كلمات دلالية: عمرو الخضري المنسي
إقرأ أيضاً:
فتحي عبد الوهاب: أعجبت بسيرة نظام الملك.. وكنت أتمنى أن لايكون ضيف شرف في الحشاشين
قال الفنان فتحي عبد الوهاب إنه أحب شخصية "نظام الملك" في مسلسل الحشاشين، متابعًا:"أنا احترمت الشخصية دي، واحترمت سيرتها، وكنت أتمنى ألا تكون ضيف شرف. ورغم كونه دور ضيف شرف، إلا أنه كان مؤثرًا".
وردًا على سؤال الإعلامية لميس الحديدي:"فتحي عبد الوهاب معندوش مشكلة إن الدور يكون صغير أو قصير؟"أجاب، خلال لقائه في برنامج "كلمة أخيرة" على قناة ON:"لا يهمني قصر الدور أو طوله أو مساحته، لأنني أيقنت منذ البداية أن ما يبقى هو الدور والشخصية نفسها، وليس المساحة. الناس مش هتقعد تفتكر الأفيش، ومين اسمه يسبق التاني... هيفتكروا تأثير الشخصية".
وعن أقرب الشخصيات إلى قلبه مما قدّمه، قال:"دائمًا أحب آخر دور قدّمته".
وعن حبه للكوميديا وميله لها أكثر من التراجيديا، علّق قائلاً:"أحب الكوميديا الحقيقية... زي فيلم ثقافي. دي الكوميديا الحقيقية، ومثل فيلم إشاعة حب، مين فينا مش لسه بيضحك بعد كل السنين دي على يوسف وهبي وهو بيسخر من نفسه وأداؤه مع عمر الشريف؟ دي الكوميديا المستمرة الحقيقية، اللي مش معتمدة على الكوميديا اللفظية أو النكتة اللي ليها وقت وتنتهي".
وعن انتشار صور "السيلفي" الخاصة به على مواقع التواصل الاجتماعي، قال:"كان عندي نظارة غريبة في البيت، ومكنتش فاهمها... كان شكلها عجيب. جربت أشوف شكلها عبر الموبايل، مش المراية، ففتحت الكاميرا وبصيت، والصورة اتشيرت صدفة من غير ما آخد بالي... وبقى الشرق الأوسط كله بيسف عليا.
إختتم : " عجبتني، ومن بعدها عملت سيلفي الأنف العجيب مع كل الفنانين".
ضبط متهمين للتحقيق معهما فى حادث انفجار خط غاز طريق الواحات