عائشة الماجدي: (أغضب يالفريق البرهان)
تاريخ النشر: 21st, May 2024 GMT
كالعادة يحزن الشعب السوداني كله إذا أُصيب عسكري جيش إصابة خفيفة لأن إصابة عسكري الجيش تعني إصابة قلب الشعب السوداني النابض كله بعله طويلة الأمد …عسكري الجيش الأغبش دا عندنا محل إحترام وتقدير وحب متبادل بينا وبينهم ( بنشهق ) فرح لمجرد فيديو يظهر فيه عسكري جيش فرحان وبهلل عندك فكرة يالسيد البرهان ولا الحوليك ديل مابوروك قدر شنو الجياشة ديل غاليين علينا !.
بمجرد ما يستشهد عسكري جيش الشعب السوداني بعلن الحداد وبتمسخ عليه الدنيا..
أولادنا الجياشة ديل يا البرهان درسوا وتعبوا
وإتستفوا رجالة وفراسة وحرارة قلب عشان خاطر شعبهم وأهلهم وتراب السودان وعشان يكون فداء للبلد ويحموا أرضهم وعرضهم ويختاروا الشهادة المحترمة ما شهادة ( الكفوف والتصفية تحت رجلين الملايش المقاطيع ديل ) نحنا يالبرهان الجياشة ديل داخرنهم لليوم الأبيض وداخرنهم نباهي بيهم الأمم عرفت يالفريق البرهان بنحزن لشنو عند شهادة جياشي؟ !!.
أولادنا الجياشة ديل يا سعادتك ما وقود حرب أبداً لا !!!!!!!
ولا مسخرة لعيال دقلو وعرب الشتات ومرتزقة الدول ديل رجال السودان القديم والجديد عمرهم ما ح نقبل ليهم الإهانة من جنجويدي ما بجيب في سوق الرجال قرش عشان يُهان علي يدو وتصل مرحلة الذلة ويستهتروا ويستمروا في تصفية الجياشة ودا ما الفيديو الأول كم مرة حدثت تصفية وبنشوف لكن بنسكت واهو وصلت بينا حد الحقارة بأولاد البلد الجياشة !!!
المهذلة التي حدثت للشهيد ( محمد صديق وصحبه ) دي وجعة ما بنسكت عليها يالفريق البرهان وبالمناسبة ح تغيير كتيير في سير المعارك ولو ما غيرت وقتها الشعب السوداني ح يعرف يغيير منو ونحنا ديل بندعم أي تغيير يحفظ كرامة الجندي السوداني دا ويخلي يموت بعزة وأظن عرفتني قاصدة ياتو تغيير يالفريق البرهان !!!
خلينا نسالك ياالسيد الفريق البرهان؟.
بالله أمس شفت فراسة ورجالة الفارس ( محمد صديق) وهو أشعث مُغبر بعد ما عذبوه الجنجويد وأرادو أن يصورو فيديو ليلحقو ( ترند الغباء ) حقهم.. هل لاحظت محمد صديق وهو يجهجه أفكارهم ويعلمهم مبدأ الثبات والرجالة ويرد عليهم ( من ياتو ناحية )؟!!!!!
رجالة زي دي قابلتك ياالفريق البرهان؟!.
طبعاً محمد صديق ما مشي قعد في ولاية آمنة وأننتظر أبداً محمد قال ليهم ( لو ما وصلناهم في محلهم بجوا لأخواتنا وأمهاتنا )
يعني محمد ما خندق وأنتظر !!
أقول ليك حاجة يالفريق البرهان سيبك من الشهيد محمد يمكن الرسالة ما وصلتك ولا يمكن الموقف البطولي دا الملتفين حولك ما عايزين يوروك لي !
سمعت فيديو الجياشة المعتقلين من قبل الجنجويد في مصفاة الجيلي الجياشي يعذبوا ويضربوا فيهو رمم الجنجويد ويضغطوا علي تحت وطأة التعذيب ليردد قول ( … عار على الجيش ) عارف يا سعادتك رد الشاب الجياشي المعتقل للجنجويد شنو رد عليهم في عز العذاب ( أنا رائد ود القائد ) أقول كيفن؟!.
وازيدك تاني نفس الجياشي المعتقل دا تحت التعذيب قالوا لي قول ( حار … ) قال ليهم ما قلتوا قبل التصوير عايزني اقول قدام التصوير !!!
السيد البرهان رجالة زي رجالة أولادنا الجياشة ديل لاقتك ولا سمعت بيها !!!
ما مهم انا بكلمكم برجالتهم شغلتنا شنو غير نتابع أخبار جيشنا وفخرنا كمان ..
عارف يا السيد البرهان ( الصفعة ، الكف ) في وجه محمد صديق دي صفعة في وجه كل الشعب السوداني ودا بقى ثأر لكل الشعب السوداني إلا الخونة والطوابير ديل ما تبع الشعب ربما إسمهم ( التبيعة ) ونحنا كشعب دا طرفنا منهم وبعد شوية ح ننزلهم بالأسم للشعب السوداني دا أي زول يطلع لينا وسخ كل واحد فيهم وتبقي كرامة لله في سوق النخاسة العامة …
وقبل أختم كلامي ياالفريق البرهان باقي القيادات لو ما ربطوا قاشهم سمح حيجي يوم والصفعة على خد محمد صديق ممكن عادي تكون في خد قيادي كبير !.
والله قلت أكلمكم بدري بدري !
ما هو طبعاً مافي فرق طالما في تراخي وفي عدم حسم وفي طوابير وفي تباطؤ يبقي كلو جائز وما بعيد….
علي كل حال نحنا كشعب غلبان منتظرين السيد الفريق ( البرهان ) يغضب ويثأر وياخد لينا بتار الشهداء ديل ونحنا كلنا خلفك !!! بس أبدأ …
والغريبة منتظرين متحركات الجزيرة الطلعت قبل تلاتة شهور ديك !
وأخيراً ياالفريق البرهان —
( التراب يدفن كل شيء إلا تاريخ الرجال ) …
وكفاية …
عائشة الماجدي
إنضم لقناة النيلين على واتسابالمصدر: موقع النيلين
كلمات دلالية: الشعب السودانی محمد صدیق
إقرأ أيضاً:
من عدو القلب إلى صديق الصحة.. الزبدة تفاجئ العلم بنتائج غير مسبوقة
تحول علمي لافت يعيد النظر في مفاهيم غذائية راسخة منذ ستينيات القرن الماضي، حيث كشفت دراسة حديثة أجراها باحثون من جامعة بوسطن الأميركية أن الزبدة، المصنّفة لعقود كعدو لصحة القلب، قد تحمل في الواقع فوائد صحية غير متوقعة، أبرزها تقليل خطر الإصابة بمرض السكري من النوع الثاني.
وبحسب الدراسة التي نُشرت في المجلة الأوروبية للتغذية السريرية ونقلتها صحيفة “ديلي ميل” البريطانية، فقد تابع الباحثون نحو 2500 رجل وامرأة تجاوزوا الثلاثين من العمر على مدار عدة سنوات، لرصد تأثير العادات الغذائية، خاصة تناول الزبدة والسمن النباتي، على صحة القلب ومستوى الإصابة بالسكري.
وأظهرت البيانات أن تناول 5 غرامات فقط من الزبدة يوميًا – ما يعادل ملعقة صغيرة – ارتبط بانخفاض خطر الإصابة بمرض السكري من النوع الثاني بنسبة تصل إلى 31%، كما بينت الدراسة أن الزبدة ترفع مستويات الكوليسترول “الجيد” (HDL) في الدم، وتساعد في تقليل مستويات الدهون الضارة التي تسبب انسداد الشرايين والنوبات القلبية والسكتات الدماغية.
في المقابل، كشفت الدراسة عن تأثيرات سلبية غير متوقعة للسمن النباتي، الذي روّج له منذ عقود كبديل “صحي” للزبدة، ووفقًا للنتائج، فإن تناول السمن النباتي ارتبط بزيادة خطر الإصابة بمرض السكري بنسبة تزيد على 40%، وبأمراض القلب بنسبة 30%.
ويرى الباحثون أن السبب في ذلك قد يعود إلى احتواء أنواع السمن القديمة على الدهون المتحولة، وهي مكونات صناعية ثبت ضررها على الصحة القلبية والتمثيل الغذائي.
هذا ومنذ ستينيات القرن العشرين، اعتمدت التوصيات الغذائية الغربية على ربط الدهون الحيوانية، مثل الزبدة، بارتفاع معدلات أمراض القلب، ودعت إلى تقليل استهلاكها لصالح الزيوت النباتية والمارغرين، إلا أن الدراسة الجديدة تضاف إلى سلسلة متزايدة من الأبحاث التي تُعيد فحص تلك الفرضيات، وتدعو إلى مقاربة أكثر توازنًا لا تكتفي بتصنيف الأغذية على أنها “ضارة” أو “مفيدة” بشكل مطلق.
والزبدة هي منتج غذائي يُصنع أساسًا من كريمة الحليب أو الحليب الكامل، وتُعتبر من أقدم الدهون الحيوانية المستخدمة في الطهي والتغذية حول العالم. تتميز الزبدة بنكهتها الغنية وقوامها الكريمي، وهي مكون أساسي في العديد من المأكولات التقليدية والمعاصرة.
وتتكوّن الزبدة بشكل رئيسي من الدهون المشبعة، التي كانت لفترة طويلة محور جدل طبي وتغذوي. تاريخياً، اعتُبرت الدهون المشبعة، مثل تلك الموجودة في الزبدة، عامل خطر رئيسي لأمراض القلب والأوعية الدموية، حيث ارتبط استهلاكها بارتفاع مستويات الكوليسترول الضار في الدم وزيادة احتمالات انسداد الشرايين.
ومع ذلك، تحتوي الزبدة أيضًا على نسبة من الكوليسترول الجيد (HDL)، فضلاً عن الفيتامينات القابلة للذوبان في الدهون مثل فيتامينات A وD وE وK، بالإضافة إلى أحماض دهنية قصيرة ومتوسطة السلسلة التي يمكن أن تقدم فوائد صحية متنوعة.
زلزال نحر الأضحية نيابة عن المغاربة يسقط مسؤولين كبار بالمجلس العلمي ووزارة الأوقاف