> غريبة يا دُنيا العُملة والملاعب.. دِى العُملة عندنا دوارة.. شوية مكسب وشوية خسارة.. تسألوني: أيه مُناسبة الكلام ده يا كابتن كيكو؟! أجاوبكم :علشان لما ينزل فريقى «الجنيه الهرمى» و»الدولارالترمباوى» أرض المستطيل الأخضرلازم نفهم أن المباراة دِى مصيرية .. دِى مش مصيرية وبس.. دِى مباراة حاسمة على مستقبل فريق عُملة بلدنا !
> النهاردة شايف مُباراة حماسية وضربات قوية مُثيرة.
شواكيش ع التريند
> لو قُلت لك:3000 جنيه تكفى شهرياً؟- أكيد هتقولي: محتاجين كده بركة « الشيف الشربيني»!
> لو قُلت لك: قصة الغلاء وما فيها ؟!- أكيد هتقولي: اللى فيها 6000 جنيه ما يكفيها !
> لو قُلت لك: الأسعار رايحه على فين؟!- أكيد هتقولي: رايحة للسما ومش لاقيه حد ينزلها!
> لو قُلت لك: هل أكل اللحمة من الكماليات؟!- أكيد هتقولي: معلهش.. سألتك قبل ما تدبح!
> لو قُلت لك: الغلبان ديماً بيحلم بإيه؟!- أكيد هتقولي:100 جرام لحمة من» بيت اللوح»!
> لو قُلت لك: نصيحتك لما أركب مترو الغلاء ؟!- أكيد هتقولي: مش قادر تدفع «ما تركبش»!
> لو قُلت لك: الدولار بيجرى ورا إيه ؟!- أكيد هتقولي: ورا صاروخ الأسعار!
> لو قُلت لك: مصير الجنيه فى أسواق الغلاء؟!- أكيد هتقولي: ما يساويش على مفيش!
> لو قُلت لك: لما تروح أسواق الغلاء- أكيد هتقولي: بمشى أعمل «لايكات» على لهيب الأسعار!
> لو قُلت لك: سعر «العدس» فى شتاء الغلاء- أكيد هتقولي: اللى ميعرفش يقول « عطس»!
> لو قُلت لك: الحكومة تُطبق سعر «مرن « للدولار! أكيد هتقولي: يا سااااتر يا سااااتر !
> لو قُلت لك: مخضوض من رفع سعر الدولار!- أكيد هتقولي: هاتوله «طاسة الخضة»!
> لو قُلت لك: الدولار كسرحاجزالـ 50جنيه فى السوق السوداء؟!- أكيد هتقولي: يا نهارأخضر!
> لو قُلت لك: الدولار فوق صفيح ساخن!- أكيد هتقولي: يا نهار «تعويمى» وسخونته زيادة !
> لو قُلت لك: أحكى لى عن دولار الغلاء!- أكيد هتقولي: ما تحكيش ده الجنيه قُدامه ما يسويش!
> لو قُلت لك: نصيحة أيامنا الغابرة - أكيد هتقولي: منّ شاف زنقة «الدولار»هانت عليه زنقته!
> لو قُلت لك: علاقة «الهندزة» بالصحافة والإعلام؟ أكيد هتقولي: تظبيط مكن وتحسين صورة!
> لو قُلت لك: صاحب الصورة طِلع «باشمهندس» كورة!- أكيد هتقولي: ده لعيب الشو يا هندزه!
> لو قُلت لك: البيض التركى غزا الأسواق- أكيد هتقولي: يا بيض أبيض وصفاره مشمشى !
> لو قُلت لك: زيادة أسعار تطعيمات المسافرين! - أكيد هتقولي: يا مسافر وحدك.. وفايتنى!
> لو قُلت لك: تعليمك أهم من صحتك!! - أكيد هتقولي: يا وزير اللطف يا رب !
> لو قُلت لك: صرفت مرتبك من الــ ATM ؟- أكيد هتقولي: بلاش تحسدونى لما أسدد ديوني!
> لو قُلت لك: آخر صيحة فى عالم التسول؟!- أكيد هتقولي: «الشحات الآلي» ع الناصية !
> لو قُلت لك: أكبر عٌملة فى المتحف ؟- أكيد تقولى : مفيش غيره .. الجنيه الجبس !
> لو قُلت لك: شوفت الجنيه «المغسول» فى سوق الغلاء؟ - أكيد هتقولي: شوفته أكثر بياضا!
> لو قُلت لك: بلاش نتكلم عن دولار الماضي- أكيد هتقولي: كلامك « تعويم « ع الفاضي!
> لو قُلت لك: حكمتك هذا الأسبوع عالتريند- أكيد هتقولي: أتقى شر «الدولار» إذا غضب!
المصدر: بوابة الوفد
كلمات دلالية: محمد زكى الدولار تعويم
إقرأ أيضاً:
استقرار سعر الدولار أمام الجنيه المصري 28 يوليو 2025
شهد سعر الدولار الأمريكي أمام الجنيه المصري استقرارًا ملحوظًا خلال تعاملات اليوم الاثنين 28يوليو 2025 .
هبط سعر الدولار الأمريكي مقابل الجنيه المصري اليوم في بنوك (مصرف أبوظبي الإسلامي، تنمية الصادرات) لنحو 49.06 جنيه للشراء و49.16 جنيه للبيع.
تراجع سعر الدولار الأمريكي مقابل الجنيه اليوم في بنك القاهرة لنحو 49.04 جنيه للشراء و49.14 جنيه للبيع
انخفض سعر الدولار الأمريكي مقابل الجنيه اليوم في بنك التنمية الصناعية لنحو 49.03 جنيه للشراء و49.13 جنيه للبيع ٠
بلغ سعر الدولار الأمريكي مقابل الجنيه اليوم في بنك نكست نحو 48.90 جنيه للشراء و49 جنيه للبيع.
سجل سعر الدولار الأمريكي أمام الجنيه في بنوك ( الشركة المصرفية الدولية، الأهلي الكويتي) نحو 48.87 جنيه للشراءو48.97 جنيه للبيع. وتراجع سعر الدولار الأمريكي مقابل الجنيه اليوم في بنوك ( مصر، الأهلي، التجاري الدولي، العربي الإفريقي الدولي، فيصل الإسلامي) لنحو 48.85 جنيه للشراء و48.95 جنيه للبيع.
وانخفض سعر الدولار الأمريكي مقابل الجنيه اليوم في بنك ( المصرف العربي، ،الأهلي المتحد، قناة السويس، ميد بنك، HSBC، الإسكندرية) ليسجل 48.83 جنيه للشراء و48.93 جنيه للبيع.
وهبط سعر الدولار الأمريكي مقابل الجنيه اليوم في بنوك (المصرف المتحد، الكويتي الوطني، أبوظبي التجاري، التعميروالإسكان ) لنحو 48.82 جنيه للشراء و48.92 جنيه للبيع.
سجل سعر الدولار الأمريكي أمام الجنيه في بنوك (العقاري المصري العربي، قطر الوطني) نحو 48.81 جنيه للشراءو48.91 جنيه للبيع.
ويُتوقع أن تستمر حالة الاستقرار في سوق الصرف حتى نهاية فترة العطلة، في ظل توازن العرض والطلب وهدوءالأسواق العالمية.
لقاء جعجع – جنبلاط... تحالف انتخابي ع القطعة