لمياء أحمد راتب عن والدها: كان بيقف على المسرح ودرجة حرارته 40

كشفت لمياء ابنة الفنان الراحل أحمد راتب، الصعوبات التي كان يواجهها والدها مع مهنة التمثيل، وذلك عبر صفحتها الرسمية على موقع التواصل الاجتماعي «فيسبوك».

لمياء أحمد راتب

وكتبت لمياء ابنة الفنان الراحل أحمد راتب، منشورا عبر صفحتها الشخصية على موقع التواصل الاجتماعي «فيسبوك»، قالت فيه: «تصدق يا بابا أن لحد دلوقتي في ناس فاكرة أن شغلك كان سهل، أنه كان هزار ولعب وشهرة بس.

. ميعرفوش إننا كان ممكن نقعد يومين منشوفكش من غير ما تكون مسافر لأنك كنت بتصور 18 ساعة متواصلة، ميعرفوش أنك كنت بتقف على المسرح ودرجة حرارتك 40».

وتابعت: «ميعروفش إنك كان ممكن تنام ربع ساعة في كرافان في التصوير لحد لما المشهد يجهز، أو تقعد تستنى 3 ساعات عشان يظبطوا إضاءة مشهد هياخد في تصويره ساعتين وهيظهر على الشاشة ٣ دقايق، ميعرفوش أنك كنت بتلبس صوف في أغسطس وبتنزل البحر في يناير، ميعرفوش أن مناخيرك اتكسرت في تصوير مشهد وأثرت على حياتك كلها، ميعرفوش أنك كنت بتحترم المخرج وتسمع كلامه وتقول له يا أستاذ حتى لو أصغر منك بعشرين سنة».

أحمد راتب وابنته

وأضافت: «أنا فخورة قوي إني بنتك، أنا عمري ما هنسى تعبك وشقاك اللي كبرت عليهم، أنا عمري ما هنسى أنك كنت أحن أب وإنسان في الدنيا، ربنا أنعم عليك إنك تربي بناتك التلاتة وتجوزهم وتشوف ولادهم، وبعت لك حج بيته لحد عندك، لو مكنتش في الجنة بكل اللي فات ده، فأنت فب الجنة بقلبك السليم الطيب، بحبك قوي وهفضل ادعي لك لحد لما أجيلك».

آخر أعمال أحمد راتب

وكانت آخر أدواره التي لم يكملها، دوره في مسلسل «الأب الروحي»، وأيضا فيلمي «جواب اعتقال ومولانا» الذي لم يتمكن من مشاهدتهما.

اقرأ أيضاالأحد.. انطلاق «القاهرة للفنون» في قاعة راتب صديق

تشخيص طبي خاطئ.. سر خطير حول رحيل الفنان أحمد راتب المفاجئ

ابنة أحمد راتب تكشف طريقة تعامله معهن.. عايزكم تعتمدوا على نفسكم (فيديو)

المصدر: الأسبوع