إبداعات|| «ميس هناء»..هشام محمد يوسف - قنا
تاريخ النشر: 28th, December 2024 GMT
تابع أحدث الأخبار عبر تطبيق
ميس هناء..
لو سمحتي.. عايز أسأل
هو ليه أحمد صاحبنا
بيقولوله يا "دومة" دايمًا
وهو يسمعهم ويزعل؟
ليه عيال من تانية أول
ياجوا يعملوا عصبجية ويضربونا؟
هو ليه مستر محمد دمه واقف
زي ما كان قال عليه أستاذ سعيد؟
يعني إيه طالب بليد؟
ليه عيال المدرسة يتلموا تمًّا
يعجنوا ف عيل جديد؟
يعني إيه صاحب أصيل؟
يعني إيه رُد الجميل ؟
هو ليه لما أبكي وأزعل ببقا وحدي؟
يعني إيه واحد وحيد!
هما ليه لو قولت إني
عايز أمسك إيد زميلتي بيضربوني؟
من يوميها بخاف أحب
كنت أسلم نية في الدنيا المطب
فهمت من وقتيها معنى
إن فيه في القلب قيد
وإن فيه في حشايا نار
وإني عيّل
بس فيه في حيطاني
شرخ أكبر م الكبار
بقيت خايف أبُص عليها تلمحني
بقت خايفة تبص عليا ف مشوفهاش
ولا بنسمع أغاني ولا بنعرف مشاعر
كنّا حابين الاندهاش
هي ليه الدنيا دنيا
هو ليه الجنة بنروحها بحساب
يعني إيه بيحطوا كل الدين
في كام صفحة ف كتاب
كنت بسمع شيخ بيخطب
كان بنبرة فرحة منه
قالنا نغلط ونرجع
ربنا فاتح بيبانه
ربنا مقفلش باب
من يومين صاحبي اشتكاني
قال بعاتبك
وقتها كان نفسي أقوله
يعني إيه كلمة "عتاب"
ميس هناء.
كل دي أفكار بتشغل بالي دايمًا
لو مجاوبتيش عليها
هلقى عقلي بيشتكي
ويزيد في حيرتي
هبكي وازعل..
وأمّا ولا حد يواسيني
هجري وأمسك إيد زميلتي
المصدر: البوابة نيوز
كلمات دلالية: إبداعات هشام محمد يوسف قنا یعنی إیه هو لیه
إقرأ أيضاً:
بعد هشام عباس.. يحيى علاء يتعاون مع الهندي kaka في أغنية تجمع بين الهندية والعربية
طرح النجم الهندى kaka أغنية بعنوان CHAM CHAM وشاركة الغناء المطرب المصرى يحيي علاء صاحب أغنية "أنا السكران" واقتربت الأغنية من تحقيق 4 مليون مشاهدة في أقل من 24 ساعة، ويعد كاكا، أحد أبرز الأصوات الغنائية في الهند وباكستان وصاحب الأرقام القياسية في نسب الاستماع .
وبدأ التعاون بين الطرفين حين تواصل مدير أعمال كاكا مع يحيى، ليعقبه اتصال مباشر بين النجم الهندي ويحيى، تم خلاله الاتفاق على تلحين الأغنية الجديدة، وقد حضر كاكا بنفسه جلسة التلحين، وطلب من يحيى مشاركته في أداء الأغنية باللغة العربية، وهو ما وافق عليه يحيى بشرط أن يغني كاكا جزءًا من الأغنية بالعربية أيضًا، الأمر الذي رحب به النجم الهندي بحماس كبير، ويشارك في العمل أحد أبرز مخرجي بوليوود المعروفين .
المثير في الأمر هو التفاعل الكبير من وسائل الإعلام الهندية، التي سلطت الضوء على هذا التعاون الفريد، وتواصلت مع الفنان يحيى لطلب المزيد من التفاصيل، كما تلقى عروضًا لإقامة حفل غنائي مشترك بين الطرفين.
ويأتي مشاركة المطرب يحيي علاء بأغنية مع نجم هندى، بعد مشاركة عدد من المطربين مع نجوم في الهند من بينهم النجم هشام عباس، الذى يُعد من أوائل المطربين المصريين الذين خاضوا تجربة الغناء بالهندي، وذلك في أغنيته الشهيرة "نازي نا"، التي صدرت عام 2001 وحققت نجاحًا واسعًا في العالم العربي.