بعد أزمة FBC.. أحمد موسى: أي حد يقولك ادفع 50 وخدها 80 قوله انت حرامي

علق الإعلامي أحمد موسى على أزمة عملية الاحتيال والنصب التي تعرض لها أكثر من مليون شخص، عبر تطبيق على الإنترنت، والمعروفة إعلاميًا بـ"قضية منصة FBC".

وقال أحمد موسى، خلال برنامجه "على مسؤوليتي" المذاع على قناة صدى البلد، إن القائمين على هذه التطبيقات أو المنصات يستقطبون الضحايا من خلال إغرائهم بدفع مبالغ بسيطة، ثم يطمعونهم في أرباح متزايدة حتى يتمكنوا من سلبهم مبالغ ضخمة.

وتابع: "أي حد يقولك ادفع 50 وخدها 80، قوله: انت حرامي"، مضيفًا: "الناس دي استدرجوا الضحايا وقالوا لهم ادخلوا المنصة وادفعوا مبلغ معين وهتاخدوا أرباح، في الأول بيكون المبلغ صغير، وبعد كده الضحية يلاقي نفسه بيكسب فيزود شوية، وبعدها يفضل يزود وفي الآخر ميلاقوش حاجة".

وحذر أحمد موسىن، المواطنين من الانسياق وراء مثل هذه التطبيقات المنتشرة على الإنترنت، قائلًا: "فيه ناس ماتت وجالها سكتة قلبية بسبب اللي حصل، من سنة كنت بشوف ناس بتبيع الوهم للناس، مستريح جديد، لكن المرة دي إلكتروني"، مشيرًا إلى أن أكثر الضحايا في عملية النصب من ثلاث محافظات: البحيرة، الدقهلية، والغربية، حيث وصل عدد الضحايا لأكثر من 600 ألف شخص.

ونصح المواطنين بوضع أموالهم في البنوك والابتعاد عن التطبيقات الإلكترونية، قائلًا:

“حضرتك عندك فلوس؟ حطها في البنك، البنك مش هيطير، روح البنك أمان، أي حاجة خارج البنوك مش هيرجعلك فلوسك، لو الناس دي منبره مصر فلوسك طارت، لكن لو جوه مصر هيجيبوهم”.

وأضاف: "يعملوا حفلة ويجمعوا الفلوس ويقولوا لكم الأرباح يوم الخميس، وييجي الخميس يقولوا لكم هنحتفل بالشجرة! انت تعرف حد منهم عشان تديله فلوسك؟ كل ما تجيب ناس أكتر، خسائرك تبقى أكبر، للدرجة دي البعض بيضحك على الناس؟ الطمع والجشع هما اللي عملوا فيكم كده، الفلوس اللي تجيلك بالطريقة دي حرام".

المصدر: صدى البلد