أحمد حسن يرد على شوبير: "بلاش مكايدة وتلقيح ومبنخافش من حد"
تاريخ النشر: 13th, December 2025 GMT
رد أحمد حسن، مدير منتخب مصر الثاني، عبر برنامج "الكابتن" على قناة دي إم سي، على تصريحات الإعلامي أحمد شوبير بشأن جهازه المعاون.
وأوضح حسن أنه لاحظ بعض الأشخاص الذين حاولوا شخصنة الأمور، مشيرًا إلى أن شوبير كان من بين هؤلاء الذين حاولوا تصعيد المواقف.
وقال أحمد حسن: «شفت بعض الناس شخصنت الأمور، ومنهم كابتن أحمد شوبير، ولقيت الناس بعثوا لي فيديو وهو مصمم يشخصن الأمور، لكن تمام، معنديش مشكلة، ومحدش يرجع يزعل بعد كده، لسه المشوار مع بعض مكملين».
وتابع حسن منتقدًا شوبير: «قال لي: أنا حذرت الكابتن حلمي من الجهاز المعاون، وهو قصده طبعًا الجهاز المعاون اللي أنا والحضري فيه، مش قصده حد تاني، وقال شغل المكيدة والتلقيح».
وأردف: «عايز أقول له يا كابتن شوبير: إنت تعرفني كويس، وأنا لو قليل الأصل هقول في وشك إنك قليل الأصل، إحنا مبنخافش من حد، ومفيش على راسنا بطحة، الحمد لله، وعمرنا ما كنا بنغلط في حد».
وأوضح أحمد حسن أن هذا الأسلوب ليس من شيمهم، وأنه ليس أسلوبهم الرد بهذه الطريقة: «إنما ده مش أسلوبنا، والأسلوب ده معروف أسلوب مين، ده سنة كاملة تلقيح على جمهور الزمالك ونادي الزمالك».
وأضاف: «عيب، مش إحنا اللي بنعمل ده لينا اسمنا ولينا تاريخنا، وبنحترم كل الناس، واللي يحترمنا نشيله على دماغنا من فوق».
وفي النهاية، أكد حسن: «إنما هنشخصن الأمور؟ محدش يزعل بعد كده، لأن إحنا كمان بنعرف نرد، وبنعرف نرد بأدب وباحترام، وبنعرف ناخد حقنا بأدب وباحترام».
المصدر
المصدر: بوابة الوفد
كلمات دلالية: أحمد حسن منتخب مصر الثاني أحمد شوبير شوبير الزمالك نادي الزمالك أحمد حسن
إقرأ أيضاً:
سامر أبو طالب يهاجم رامي صبري: مش بيرد على الرسايل
رد الملحن سامر أبو طالب بقوة على تصريحات الفنان رامي صبري، بعدم تعاونه مع بعض الملحنين والشعراء لغياب التجديد وتقديم أفكار مختلفة، مؤكداً أن الأخير "لا يفتح الشات ولا يرد على رسائل المبدعين".
وظهر سامر أبو طالب في فيديو متداول عبر حسابه بـ فيس بوك، وقال من خلاله : بقالنا كام يوم، زمايلي الملحنين والشعراء حاسين إن في تجاهل، وطلعوا اتكلموا وقالوا كلام من قلبهم، وأنا ضميت صوتي لصوتهم، والتجاهل هنا مش بنشحت من حد إنه يبص علينا أو يسمعنا، لأ، بنتكلم على إننا لما بنبعت لحد عارفنا ومسجل رقمنا، وفي بينا قعدات واشتغلنا مع بعض وبينا نجاحات، وفكرة إنك متردش أصلًا مش حلوة في حقك كـ نجم أو صانع، ممكن تقول مش عاجبني أو أي رد عادي، ده تقدير منك.
وتابع سامر أبو طالب: بحب رامي صبري على المستوى الشخصي والفني، ومحدش جاب سيرتك أصلًا لا من قريب ولا من بعيد، أنت من الناس اللي طلعت هاجمتنا وقالت معندناش جديد، لأ إحنا متطورين ومتجددين، وبشوف أنا نفسي متميز في حتتي وألحاني، أنت بس اللي مبتفتحش الشات عشان تشوف غيرك بعتلك إيه، قبل ما تتهمنا شوف بس.
وختم سامر أبو طالب: محدش جاب سيرتك أصلا لا من قريب ولا من بعيد، وأنت من الناس اللي مبتردش ولا بتفتح الشات، وإحنا متطورين ومبدعين، وأنا أشتغلت مع نجوم كبار زي الهضبة وتامر حسني وتامر عاشور.
وقد انتقد رامي صبري العديد من المبدعين الذين اشتكوا من قلة عملهم، وقال خلال ستوري عبر حسابه بـ انستجرام: عدم الرد على ملحنين ومؤلفين أو مبدعين بشكل عام، هو عدم التجديد، وإن مافيش أفكار مختلفة، مش عارف الناس مضايقة ليه من الاستوري بتاعتي رغم أنها حقيقة وأنا مش هعمل حاجة إلا لما تكون مختلفة وجديدة والمشكلة أن المطربين مش كتير يمكن ١٠ على عكس الشعراء والملحنين.
محللون يشرحون دلالات الظهور الدولي الأول لوزير الدفاع الأفغاني بموسكو