بعد تصدرها التريند.. أسما شريف منير ترد لأول مرة على أزمة «حلاقة شعرها» (صور)

خرجت الفنانة أسما شريف منير عن صمتها بعد تصدرها التريند عبر مواقع التواصل الاجتماعي، بسبب حلاقة شعرها «عالزيرو»، مشيرة إلى أنها أقدمت على هذه الخطوة لنفسها وليس لهدف تصدر التريند.

اسما شريف منير عن حلق شعرها

وشاركت أسما شريف منير عدد من الصور عبر حسابها الرسمي بموقع «فيسبوك»، وعلقت عليها: «طيب اول حاجة شكرًا على كل ردود الفعل، الوحشة والحلوة كلها، ساعات موقف زي دي بتخلي ناس تشوف ناس تانية عاملين إزاي مجرد أنهم بيعبروا عن رأيهم، وشكرا لكل الناس اللي كانت خايفة وقلقانة عليا، ممكن بقى أقولكم الحكاية من وجهة نظري ببساطة».

View this post on Instagram

A post shared by ???????????????? ???????????????????????? ???????????????????????? (@asma.sherif.moneer)

وأضافت: «أولا الحكاية جت بالصدفة جدا وكان قرار لحظي وانفعالي جدا ومش ندمانة عليه، تاني حاجة أنا مش بعمل كده عشان اطلع ترند بس كنت عارفة إني هبقي تريند، في فرق كبير بين عايزة وعارفة».

وتابعت: «على فكرة التريند نقمة مش حاجة حلوة خالص بس مش هدخل في الجدل ده دلوقتي، تالت حاجة أنا الحمد لله كويسة ومبسوطة ومش واخدة الخطوة دي بسبب اكتئاب خالص بالعكس، دي صفحة جديدة حلوة مليانة تفاؤل وقوة وإرادة وتحدي وجرأة وشجاعة وكل حاجة إيجابية في الكون».

وأوضحت ابنة الفنان شريف منير: «أنا فعلا من فترة كنت بمر بمرحلة صعبة جدا بس كنت في رحلة بقالي شوية بتعافي منها وبقف على رجلي من الأول وكان أخرها رحلة دهب، فا تاني بالعكس ده مش اكتئاب ده مرحلة انتقالية مؤمنة إني هحقق فيها حاجات كتير».

وواصلت: «آخر حاجة الجماعة اللي مكبرين الموضوع (ده شعري مش شعرك) حاجة كده بجد أخيرة، أنا عاجبني شكلي جدا بصراحة، شكله جامد ومديني ثقه في نفسي جدا، بحبكم أوي بجد».

اقرأ أيضاًننشر أسماء صغار ضحايا مستريح المواشي طه موسى منير

شريف منير في انتظار «قائمة الأماني» بمشاركة غادة عادل

أسما شريف منير تكشف حقيقة عودتها إلى زوجها: «نحاول إيجاد أحسن ظروف لنفسيتنا»

المصدر: الأسبوع