محمد عبد الرحمن عن بريستيج: الاختلاف في الآراء معناه إن العمل كويس وعمل حالة

تحدث الفنان محمد عبد الرحمن عن ردود فعل الجمهور تجاه مسلسله الجديد “بريستيج”، والذي أثار حالة من الجدل والانقسام بين المتابعين ما بين مؤيد ومعارض.

وفي لقاء له ضمن برنامج “تفاعلكم”، قال عبد الرحمن:

“هي تجربة جديدة واستثنائية على كل الناس اللي شاركوا فيها، مش بس المخرجين، لأ كمان على مهندس الديكور وفريق الإخراج.

فإذا كنا قررنا نخوض التجربة دي، لازم نكون متقبلين ردود الفعل المختلفة. في مثل بيقول (لولا اختلاف الأذواق لبارت السلع)، وده طبيعي. في ناس هيحبوا المسلسل، وناس لأ، وناس ممكن يعجبهم 50% منه أو 30%، وناس مش هيعجبهم خالص.”

وأكد أنه يرحب بالنقد قائلًا:

“أنا بحب أسمع النقد اللي يقوللي أنا غلطت فين قبل ما أسمع اللي يقول برافو. النقد عمره ما يضايقني، بالعكس، هو اللي بيخليني أتعلم وأكون أحسن. وثقة الناس فيّا بتديني قوة، لكن كمان بتخليني أركز أكتر وأخاف على اللي جاي.”

واختتم حديثه قائلاً:

“الانقسام اللي حصل حوالين المسلسل ده معناه إنه عمل حالة، وإنه مش تقليدي. وده في حد ذاته نجاح، لأن مفيش عمل بيرضي كل الناس بنسبة 100%.”

 

 

أحداث المسلسل

تدور أحداث “بريستيج” في أجواء من الغموض والتشويق والكوميديا، حيث تضرب عاصفة قوية شوارع القاهرة، وتدفع 14 شخصًا من خلفيات اجتماعية مختلفة للجوء إلى مقهى وسط البلد. ومع انقطاع الكهرباء وعودتها، يكتشف الجميع أن هناك جريمة قتل وقعت داخل المقهى، لتبدأ رحلة من الشك والتحقيق بين كل الموجودين، في محاولة لكشف القاتل.

 

 

أبطال العمل

يشارك في بطولة المسلسل إلى جانب محمد عبد الرحمن:

مصطفى غريب، راندا عوض، دينا، سامي مغاوري، بسام رجب، آلاء سنان، أمينة البنا، معاذ نبيل، عمر الشريف، ومغني الراب زياد ظاظا، وصانع المحتوى عبد العاطي، مع مجموعة من ضيوف الشرف

 

طباعة شارك محمد عبد الرحمن بريستيج تفاعلكم

المصدر: صدى البلد