«علاقتي بميدو ممتازة ولكن».. محمد شريف يكشف حقيقة المفاوضات مع الزمالك

علق محمد شريف، لاعب الخليج السعودي والنادي الأهلي السابق، على الأنباء التي ترددت بشأن دخوله في مفاوضات مع الزمالك، لا سيما بعد انتقال أحمد سيد زيزو للقلعة الحمراء.

وقال محمد شريف، خلال تصريحات تليفزيونية عبر قناة «MBC مصر»، إنه لم يتلق أي اتصالات مباشرة من نادي الزمالك، موضحًا: «محدش كلمني بشكل شخصي من الزمالك، ويمكن يكون في تواصل مع وكيلي، لكن أنا بطبيعتي مش بحب أكلم حد بشكل مباشر، عشان لو الموضوع ما تمش، ميبقاش شكلي وحش أو أكون محسوب على جهة معينة وأخسر باقي الناس».

وعن ما تردد بشأن طلبه الحصول على 50 مليون جنيه مقدمًا من الزمالك، نفى قائلًا: «الكلام ده مش صحيح نهائي، مفيش نادي بيبدأ التفاوض بالطريقة دي، وأنا أصلًا متكلمتش مع ميدو، ومش متأكد إذا كان كلم وكيلي ولا لأ».

وأضاف:« علاقتي بميدو ممتازة، وهو ساعدني كتير وقت وجودي في وادي دجلة، لكن ما حصلش بينا أي تواصل بشأن الانضمام للزمالك».

واستكمل: «لما كنت في وادي دجلة وقعت للزمالك فعلًا، وكان كابتن إيهاب جلال هو اللي طالبني، لكن الأمور متمتش في الآخر».

وعن الربط بين انتقاله المحتمل للزمالك وصفقة زيزو إلى الأهلي، قال شريف: «الكلام ده مش حقيقي، كل نادٍ له احتياجاته، واللاعب بيشوف ظروفه وبيقرر على أساسها، وأنا شخصيًا بهتم أكون في مكان يقدرني ويؤمن بي».

واختتم شريف قائلًا: «لسه ما حسمتش قراري النهائي بشأن العودة للأهلي أو الاستمرار في الخارج، اللي يهمني في النهاية إني أكون في مكان يقدرني ويحترمني».

المصدر: الأسبوع