تضامنًا مع غزة.. محمد سلام يعلن انسحابه من "زواج اصطناعي".. ويؤكد: "مش هقدر أكون جزء من اللي بيحصل"
تاريخ النشر: 25th, October 2023 GMT
حرص الفنان محمد سلام التضامن مع شعب فلسطين، ودعم القضية الفلسطينية، وذلك عبر صفحته الشخصية موقع تبادل الصور والفيديوهات "إنستجرام".
ونشر محمد سلام مقطع فيديو له يتحدث من خلال قائلا: "السلام عليكم، إن شاء الله المفروض بكرة أعرض مسرحية "زواج اصطناعي" في الرياض، المفروض إن هي مسرحية كوميدية وفيها أغاني واستعراضات، والمفروض إن إحنا هنعرض يوم 30 ونعرض في وسط الأحداث اللي بتحصل في غزة".
وأضاف "سلام": "أنا مش متخيل الصراحة إن هروح وأعمل مسرحية وأهزر وأغنية وأرقص وأخواتنا في فلسطين عمالين يتقتلوا ومفيش حاجة بتحصلهم وانا مش هقدر أسافر طبعا".
وكشف محمد سلام عن سبب رفض سفره في هذه اللحظة قائلا: "ليه بقول الكلام ده في آخر لحظة المفروض إن إحنا نسافر بكرة إن شاء الله، انا كنت علي أمل طول الفترة اللي فات إن ممكن الموسم يتأجل أو يتلغي زي مهرجان الجونة ومهرجان القاهرة، أو حتي الموضوع يهدي في فلسطين والناس تدخل، ونقدر نعرض بس مفيش حاجة بتحصل، لحد اللحظة اللي بتكلم فيها دلوقتي في ناس عمالة تموت ومفيش حاجة بتحصل ف انا إزاي هروح أعرض والناس بتحصلهم كده في فلسطين".
وتابع حديثه قائلا: "سامحوني لو إحساسي مبالغ بس أنا حاسس لو عملت كده هبقا زي اللي بقتلهم بظبط إني خذلتهم مش عارف أعملهم حاجة كفاية علينا السكوت اللي إحنا في كلنا، وكمان أنا مش هبقا ساكت بس ده أنا بهزر وبرقص واللي بيحصل بيحصل في فلسطين وانا بعتذر جدا إن أشارك في موسم الرياض".
وأستكمل محمد سلام حديثه قائلا: "المشكلة إن اللي بيحصل في فلسطين ده قضية كل مسلم في المقام الأول، لذلك واجب علي كل المسلمين إن هما يساعدو إخوانهم في غزة ويقدملهم اي مساعدة وانا دلوقتي مفيش اي حاجة أقدر أعملها زي زي ناش كتير جدا نفسنا تعمل حاجة ونساعد ومش قادرين نعملهم حاجة، ودلوقتي لو ربنا توفانا ونتسأل كلنا إنت ساعت أخوك المسلم في فلسطين عملتله ايه،اللي مقدرش يعمل حاجة هيسكت طبعا، وأنا هرد هقول ايه!؟ هقول إن الوقت اللي كان في اخواتنا الفلسطينين بيضربوا ويموتوا منهم الأطفال والنساء، انا كنت بعمل مسرحية كوميدية بضحك الناس وبرقص وبغني، طبعا لأ مش هقدر أعمل كده".
وأكمل: "وأنا كان عندي أمل المهرجان يتأجل أو يتلغي ولكن المهرجان مزال قائم مليش علاقة ليه مزال قائم مش هدخل فيها ولكن أنا مش هقدر أكون جزء من اللي بيحصل واقدر أشارك في المهرجان ده والمفروض إن إحنا منكتفيش بالدعاء لإخواتنا في فلسطين معرفش ايه اللي يحصل بس المفروض نعمل حاجة تانية".
وأضاف محمد سلام: "الفيديو ده مش مقصود منه حاجة خالص غير إن أنا فعلا في مشكلة انا بقالي كتير جدا مش عارف اسافر ولا اعمل ايه وامبارح كنت قاعد مع أصدقائي فنانين وفعلا في ناس قالتلي اسافر ده مصدر رزقك وفعلا التمثيل ده رزقي وزق أولادي واللي بصرف عليه من البيت هو التمثيل وأنا لو مسافرتش هل هموت من الجوع اكييد لاء بس الناس هي اللي بتموت هناك في غزة".
وأختتم حديثه قائلا: "ولو حد هاجمني عن التمثيل وقال إن ده رسالة أنا معاك في ده وان من ادخل البهجة علي قلب مؤمن له أجر طبعا ولكن السؤال مين اللي محتاجين إن ندخل البهجة علي قلبه دلوقتي!؟".
المصدر: بوابة الفجر
كلمات دلالية: الفنان محمد سلام الفجر الفني القضية الفلسطينية شعب غزة اللی بیحصل محمد سلام فی فلسطین
إقرأ أيضاً:
قبل عرضها غدًا.. تعرف على أسعار تذاكر مسرحية "مش روميو وجوليت"
أعلن المسرح القومي التابع للبيت الفني للمسرح، عن بدء عرض مسرحية “مش روميو وجوليت” بدءً من غد الإثنين من ثاني أيام عيد الأضحى المبارك، ضمن احتفالات وزارة الثقافة.
صناع مسرحية “مش روميو وجوليت”
مسرحية “مش روميو وجوليت” من بطولة الفنانة علي الحجار ورانيا فريد شوقي وميدو عادل وإخراج عصام السيد، صياغة شعرية أمين حداد وموسيقى وألحان أحمد شعتوت، واستعراضات شيرين حجازي، وديكور محمد الغرباوي، إضاءة ياسر شعلان، جرافيك محمد عبد الرازق، إعداد عصام السيد ومحمد السوري، ملابس علا جودةـ مي كمال، فوتوغرافيا عادل مبارز، دعاية محمد فاضل، مساعدا الإخراج حمدي حسن، ومحمود خليل، مخرج منفذ صفوت حجازي، وإخراج عصام السيد.
أسعار تذاكر ومواعيد عرض مسرحية “مش روميو وجوليت”
أسعار تذاكر العرض تتراوح ما بين “60 جنيهًا، 80 جنيهًا، 110 جنيهًا”، ويتاح الحجز من خلال شباك التذاكر في المسرح فقط من الرابعة مساءً كل يوم، فلا يوجد حجز أونلاين.
أبرز العروض المسرحية في عيد الأضحى
من ناحية أخرى، يقدم البيت الفني للمسرح برئاسة المخرج خالد جلال، 6 مسرحيات جديدة في عيد الأضحى المبارك، تشمل «مش روميو وجولييت» و«العيال فهمت»، و«مرايا إلكترا» و«ذات والرداء الأحمر» و«الحلم حلاوة»، «مغامرة في المدينة الأسطورية».
طقس الأحد: استمرار الأجواء الحارة بمختلف مناطق المملكة.. ورياح مثيرة للأتربة على بعضها