داليا البحيري عن المقاطعة الاقتصادية للتضامن مع غزة: «حاسة بانتصار»

أعربت الفنانة داليا البحيري عن سعادتها بالمقاطعة الاقتصادية ضد شركات التابعة للكيان الصهيوني المحتل، مشيرة إلى أن ذلك يجعلها تشعر بالانتصار والفخر، وذلك تضامنا مع غزة.

وشاركت داليا البحيري صورة عبر حسابها الرسمي بموقع «إنستجرام»، وعلقت قائلة: «أنا حقيقي سعيدة جدا كل لما أعدي من قدام ستاربكس ولا ماكدونالدز وألاقيهم بينشوا بحس كده بانتصار، وفرحانة أوي ببنتي وأصحابها اللي بقوا واعيين وفاهمين».

View this post on Instagram

A post shared by Didi Mahmoud (@daliaelbeheri)

وأضافت داليا البحيري: «بكلم كيمي إمبارح كانت مع أصحابها لقيتها بترد عليا وهي بتغني أنا دمي فلسطيني، كما كيمو اللي بتسمع تايلر سويفت تخيلوا شكرا غزة اللي زعلان ومتضايق من پوستاتي عن غزة وعن فلسطين في حاجة اسمها خد استراحة، عشان ما اعكرش عليك صفو حياتك».

وتابعت: «في اللالا لاند!!!وممكن كمان تعملي unfriend لطيف برضو! ده تل أبيب ذات نفسها يا مؤمن فيها مظاهرات ضد اللي بيحصل في غزة!!!! ده غير المظاهرات في كل عواصم العالم!!!ده الأمريكان ذات نفسهم مقاطعين ماكدونالدز وستاربكس وشيپسي وپيبسي وغيرهم منتجات تانية كتير اللي هي صناعة أمريكي أصلا».

وواصلت: «مقاطعين منتجات بلادهم عشان موالية للكيان الصهيوني، عشان موالية للانسانية!!! مضايقاك أوي پوستاتي؟! بلاش تشوفها….لأن باختصار كل واحد حر!!! دي اختيارات في الحياة! أنا عندي أصحاب مش مقاطعين ولا مقتنعين بالمقاطعة!».

وأردفت: «مزعلتش منهم ولا حكمت عليهم لأن في ضميرهم هما شايفين إن ده حيضر اقتصاد البلد …كل واحد حر! انا حأفضل اعمل شير واكتب وادعم منتجات بلدي وحافضل أقاطع المنتجات الموالية وأحرر نفسي وضميري»

وأضافت: «مش طول عمرنا بنقول الحل في تشجيع المنتج المصري، أهو جت علي الطبطاب يلا نشجع المنتج المصري اللي حقيقي يقدر ينافس بقوة، محدش يزايد علي حد دي قدرات…كل واحد حر!!بالمناسبة دي ال paper bag اللي فيها الكوكيز بتاعة».

اقرأ أيضاًأحمد سلامة: الفنان تقع على عاتقه مسئولية مجتمعية كبيرة تجاه أبناء وطنه

بعد انفصالها عن أحمد فهمي.. فنان كويتي شهير يغازل هنا الزاهد

فنون جميلة أسيوط" تنظم معرضاً فنياً وندوة تثقيفية بمشاركة الفنان محمد كمال حسين

المصدر: الأسبوع