أقوال مثيرة لزوجة المتهم بقتل ابن عمه في المنيب (خاص)
تاريخ النشر: 14th, March 2024 GMT
حصل موقع "الفجر" على أقوال زوجة المتهم بقتل ابن عمه بسبب شكه أنه سرق منه 4 آلاف جنيه، فاصطحبه لأرض خالية وقام بالتشاجر معه وعلى إثر ذلك طعن المتهم نجل عمه بسلاح أبيض أودى بحياته.
في السطور التاليه سنعرض أقوال "حنان محمد" 27 سنة ربة منزل، زوجة المتهم بقتل ابن خالتها في تحقيقات النيابةالعامة.
س: ما هي صلتك وعلاقتك بالمتهم علاء حسين حسن علي، تحديدًا ؟
هو جوزي
س: وما هي صلتك وعلاقتك بالمجني عليه سيد محمد حسن علي، إذا ؟
هو ابن عم جوزي وابن خالي
س: وما هي تفصيلات شهادتك تحديدًا ؟
اللي حصل ان انا كنت راجعه شقتي وأول ما دخلت المدخل لقيت سيد محمد حسن، الله يرحمه واقف قدام باب الشقة وأول ما شافني اتخض وارتبك وعمل نفسه بيخبط على باب الشقه ولما سألته انت واقف كده ليه، قالي انا بخبط علي علاء ومحدش بيرد قولتله علاء بره ولسه مجاش وحسيت إنه عامل حاجه فطلع هو شقته اللي في نفس العمارة بتاعتنا.
وانا بفتح باب شقتي لقيت الباب مفتوح اصلا مع اني كنت قفلاه بالمفتاح قبل ما امشی، وساعتها شكيت في سيد إنه دخل الشقة وخد منها حاجه ولما دخلت الشقه علشان اتأكد لقيت كل حاجه في مكانها والشقة مكنتش متبهدله وكلمت علاء جوزي وقولتله علي اللي حصل وجه من بره، وقالي إنه كان شايل فلوس 4000 جنيه في اوضة النوم ومش لاقيهم وقالي اكيد سيد دخل الشقة وخدهم بس انا معرفش إنه كان فيه فلوس اصلًا، وقالي انتي شوفتيه وهو معاه فلوس قولتله لا مشوفتش في ایده حاجه، راح طالع لعلاء شقته وقاله فين الفلوس، وانت دخلت الشقة وسرقت منها فلوس علاء رد عليه وقاله انا مخدتش حاجه ومدخلتش الشقة وأنكر وقعدو يتخانقوا بصوت عالي ويشتموا بعض.
واستكملت زوجة المتهم: جوزي قال لسيد تعالي ننزل الغيط اللي جنب البيت ونتكلم هناك بدل الفضايح دي وفعلًا نزلوا وراحوا الغيط وبعدها بنحو عشر دقايق لقيت علاء جوزي رجع وبيقولي انا ضربت سيد بإزازة واتعور قولتله ليه كده حرام عليك، وهو جراله ايه قالي مجر الوش حاجه اتعور تعويرة بسيطة قولتله طيب تعالي نروح نجيبه ونوديه المستشفى قالي لا ملكيش دعوه انتي انا هروح اجيبه، وراح علشان يجيبه ثاني من الغيط وركب توك توك من الشارع وانا نزلت الشارع وفضلت واقفه مستنياه يرجع لقيته راجع ومعاه سيد في التوك توك وبينزل دم من صدره ومغمي عليه ومبيتكلمش ركبت معاهم التوك توك وروحنا علي بيت ايمن اخو سید ونزلنا وركب معانا وعلاء جوزي قاله انا معرفش مين اللي عمل فيه كده وإنه لقاه مرمي في الغيط وطلعنا على مستشفي ام المصريين العام وهناك قالولنا ان سيد مات والمباحث جت خدت جوزي من المستشفي، وهناك انا قولت لأيمن علي كل اللي حصل وان علاء جوزي هو اللي ضرب سيد وعوره وقولتهلم في المباحث علي كل اللي حصل وهو ده كل اللي انا اعرفه عن الموضوع.
س: ما قولك فيما ثبت بمناظرة النيابة العامة لزوجك المتهم علاء حسين، من وجود اثر ( خدش ) بجوار العين اليسري ؟
الخدش ده كان حصله قبل الواقعة بيوم علشان كان بيشيل الثلاجة بتاعتنا في البيت واتخبط في سن باب الثلاجة وهو شايلها.
س: وما قولك فيما أقر به زوجك المتهم سالف الذكر بتحقيقات النيابة العامة من ان تلك الاصابة حدثت له جراء التشاجر مع المجني عليه وبواسطة ضربه بزجاجة؟
لا هو كداب والخدش ده حصله قبلها بيوم علشان كان بيشيل الثلاجة بتاعتنا في البيت واتخبط في باب الثلاجة، واكيد هو قال كده علشان يحاول يبرر اللي حصل
المصدر: بوابة الفجر
كلمات دلالية: المتهم بقتل ابن عمه قتل اللی حصل
إقرأ أيضاً:
الإعدام شنقا لسائق لاتهامه بقتل شخص بعد الاصطدام به بسيارة بالقليوبية
قضت الدائرة الأولى جنايات مستأنف، بمحكمة جنايات بنها، بالإعدام شنقا لسائق، وذلك بعد ورود فضيلة مفتى الجمهورية وإبداء الرأى الشرعى فى إعدامه، وذلك بعد قبول استئناف المتهم شكلا وفي الموضوع برفضه وتأييد الحكم المستأنف، لاتهامه بقتل شخص بعد الاصطدام به بسيارة ومر فوق جسده بها عدة مرات، وكذلك شروعه في قتل 4 آخرين منهم شقيقا المجني عليه، بدائرة مركز شرطة الخانكة بمحافظة القليوبية.
صدر القرار برئاسة المستشار صالح محمد صالح عمر، وعضوية المستشارين إيهاب فاروق فتح الباب، ومحمد صبحي إبراهيم، ومحمد عادل جمعة، وأمانة سر علي القلشي.
وتضمن أمر الإحالة الخاص بالقضية رقم 4029 لسنة 2024 جنح المركز الخانكة والمقيدة برقم 126 لسنة 2024 حصر كلى شمال بنها، أن المتهم "صبحان ع ص"، سائق، 42 سنة، مقيم سندوة مركز الخانكة محافظة القليوبية، لأنه في يوم 10 / 5 / 2023، دائرة مركز الخانكة محافظة القليوبية، قتل المجنى عليه رامى محروس عبد المجيد على، عمدًا مع سبق الإصرار.
وتابع أمر الإحالة، أنه على إثر خلف سابق بين المتهم والمجني عليه، عقد المتهم العزم وبيت النية على قتله وأعد لذلك أداتي اعتداء "سيارة نقل، فأس"، ونفاذًا لم انعقدت عليه عزائمه تتبعه بالسيارة قيادته وتحين الفرصة، وما أن ظفر به صدمه بتلك السيارة مسقطه أرضًا، وأنذاك وإلى اعتداءه بأن مر فوق جثمانه بالسيارة بادية الذكر - بنية إزهاق روحه بالتحقيقات، فأحدث إصابته التي أودت بحياته على النحو المبين.
وأوضح أمر الإحالة، أن المتهم شرع في قتل المجني عليهم "عبد المجيد.م"، "بكير.م"، "أحمد.س"، "أمين.م"، عمدًا مع سبق الإصرار بأنه على إثر خلف سابق بينه وبين الـ3 الأول منهم، عقد العزم وبيت النية على قتلهم، وأعد لذلك أداتي اعتداء "سيارة نقل - فأس"، ونفاذًا لم انعقدت عليه عزائمه تتبعهم بالسيارة قيادته وتحين الفرصة، وما أن ظفر بهم صدمهم بتلك السيارة بنية إزهاق روحهم، حال استقلالهم دراجتين بخاريتين فسقطوا أرضًا، وقد خاب أثر الجريمة بسبب لا دخل لإرادته فيه هو عدم وقوع إصابات جسيمة بهم وفرارهم من أمام السيارة قيادته على النحو المبين بالتحقيقات.
وأشار أمر الإحالة، أن أتلف عمدًا أمولًا منقولة لا يمتلكها هي "دراجة بخارية"، والتي كان يستقلها المجنى عليهما "رامي.م"، "أحمد. س"، بأن اصطدم بها بالسيارة قيادته فجعلها غير صالحة للاستعمال وترتب على ذلك ضررًا ماليًا تجاوز قيمته 50 جنيهًا على النحو المبين بالتحقيقات، كما حاز أداتي اعتداء "سيارة نقل - فأس"، مما تستخدم في الاعتداء على الأشخاص دون مسوغًا قانونيًا.
زلزال تركيا .. طفلة تفارق الحياة رعبا و69 مصابا