"أب مثالي".. أول رد من بسمة بوسيل عن صورها العائلية مع تامر حسني
تاريخ النشر: 15th, March 2024 GMT
صرحت الفنانة بسمة بوسيل طليقة الفنان تامر حسني على أنهم يسعوا للحفاظ على سلامة الصحة النفسية لأولادهما الثلاثة من خلال لقائها في برنامج ET بالعربي.
وعلقت بسمة بوسيل في لقائها مع برنامج ET بالعربي: “لازم نتجمع أول يوم رمضان وفي المناسبات علشان ولادنا يحسوا بالدفء، حتى لو اتطلقنا لسه بنحافظ على أولادنا هما ملهمش ذنب في اختياراتنا، وأهم حاجة عندنا الصحة النفسية بتاعتهم إحنا مش بنمثل إحنا عيلة متجمعين”.
وأردفت: “رغم الطلاق الحياة في البيت عند تامر زي البيت عندي وبروح وقت ما أنا عايزة وهو بيجي وقت ما هو عايز، إحنا مش عايزين نخلي أولادنا ضحية، مش عايزين نخلي ولادنا الضحية، وأنا وتامر بنحافظ على أن في ما بينا حب لأولادنا ولبعض وعندنا احترام لبعض وبالنسبة لينا العيلة هي رقم 1 ولو محاولتيش تخلي علاقتك بطليقك كويسة عشان ولادكم فأنتي مش أم كويسة، بصراحة تامر سباق أكتر مني وأنا محظوظة هو أب مثالي وبيعشق أولاده”.
طلاق تامر حسني وبسمة بوسيل
وكان قد أعلن كل من الفنان تامر حسني وزوجته المغربية بسمة بوسيل الطلاق رسميًا في أبريل الماضي، وذلك بعد أشهر طويلة من الشائعات التي تناولت انفصالهما، وكتب عبر حسابه في "ستوري إنستجرام"، تعليقًا على منشور لزوجته اليوم "وجعلنا بينكم مودة ورحمة بين الأزواج في كل حالاتهم، سواء تزوجوا أو لم يقدر الله الاستمرار.. فانفصلوا بالاتفاق الطيب وستظل بيننا المودة والرحمة وأجمل أولاد".
كما أضاف: "وسيظل بيننا الاحترام والتقدير، عشرة 12 سنة مش هينة، ربنا يكتبلك ويكتبلي كل الخير يا بسوم، سأظل الأب والأخ والصديق والسند.. في حفظ الله".
وكانت بسمة بوسيل أعلنت أولًا عبر حسابها في "إنستجرام" انفصالها عن والد أطفالها، وقالت "وجعلنا بينكم مودة ورحمة.. ده كلام ربنا في الزواج والطلاق، لقد تم الطلاق بيني وبين تامر وسيظل بينا كل ود واحترام، وربنا يكتبلك ويكتبلي كل الخير آمين يارب".
المصدر: بوابة الفجر
كلمات دلالية: بسمة بوسيل المغربية بسمة بوسيل تامر حسني وبسمة الفنانة بسمة بوسيل طلاق تامر حسني بسمة بوسیل تامر حسنی
إقرأ أيضاً:
شمس: إحنا في زمن مفيهوش جدعنة
حلت الفنانة شمس ضيفة على برنامج «تفاصيل» الذي تقدمه الإعلامية نهال طايل على قناة صدى البلد 2، وتحدثت بصراحة عن عدد من القضايا الشخصية والمهنية، مؤكدة رفضها لوصف المرأة بـ”الجدعة”.
وقالت شمس خلال اللقاء إنها تنزعج عندما يصفها أحد بـ”الجدعة”، موضحة: “أنا بزعل من اللي يقولي انتي جدعة.. مافيش ست يتقال عليها جدعة. الست اللي تتقال عليها جدعة تبقى ست مش كويسة وتستاهل اللي يحصلها.
إحنا مش في زمن الجدعنة، وماينفعش تكوني جدعة.”
ورفضت الفنانة كشف سبب هذا الموقف قائلة: “ما تسألينيش.. مش هرد على السؤال، لكن ممكن أكون جدعة في حياتي مع الناس اللي بحبهم، إنما في شغلي لا.”
وخلال الحوار، كشفت شمس أن اهتمامها الأكبر في الوقت الحالي هو ابنها الذي يشغل معظم وقتها: “ابني في أولى حضانة، وهو كل شغلي وتركيزي دلوقتي.”
وعن الصفات التي ورثها منها ومن والده، قالت شمس: “أخد مني الهبل والطيبة الزايدة، وأخد الجدعنة من باباه، والعصبية كمان.”
أما عن متابعتها للسوشيال ميديا، فأكدت أنها بعيدة عنها تمامًا: “مابتابعش حد.. بس لو زهقانة بدخل التيك توك أشوف كده.
ولما بشوف تعليقات الناس بتضايق وبحمد ربنا إني بعيدة عن السوشيال ميديا.
بقيت الحياة على السوشيال ميديا عبارة عن شلل.. بقينا بعيد عن الحقيقة، وبقى كله فيك ومصطنع ومصالح مادية.”
اللقاء أثار تفاعلاً واسعًا بسبب صراحة شمس وانتقاداتها المباشرة لنمط العلاقات على مواقع التواصل الاجتماعي.
من عالم العقارات إلى الدبلوماسية الفظة.. كيف انعكست النزعة الفوقية في هفوات خطاب توم براك؟