إبراهيم عيسى: من سنة 92 وأنا على قوائم الاغتيال.. ومتمناش دي تكون نهايتي
تاريخ النشر: 19th, March 2024 GMT
علق الكاتب إبراهيم عيسى، على قرب وفاته أو أغتياله قائلًا: "ادعاء التواضع غرور، وبقالي 35 سنة صحفي موصلتش لـ شهوة جمع المال، ومعنديش شهوة لأي حاجة إلا الكتب، وآخر إحصاء كان عندي 7000 كتاب قريت نحو 80% منهم، ويرزقني الله للمال الطيب والوفير من مهنة أفنيت فيها جهدي وأنا ابن مدرس لغة عربية، وانا مع الاستثمار في العقول".
وقال إبراهيم عيسى خلال استضافته ببرنامج "أسرار" مع الإعلامية أميرة بدر المذاع على قناة النهار: "بالنسبالي فرج فودة عظيم واشجع الشجعان وفي مواجهة التطرف، أنا 59 سنة ولم أشعر في يوم اني احسد حد ايا كان، والأعمار بيد الله، ولو نهايتي قربت، فـ نهايتنا كلنا قربت، ولكن المحصلة بتقول كده،لان عندي ضغط وسكر وقلب، ومن 92 وموجود على قوائم الاغتيال وبيجي ف بالي ان ممكن يغتالوني، متمناش دي تكون نهايتي، مين يحب يموت بالاغتيال، أما الشراهة فـ الواحد لما يضايق ممكن ياكل كتير زي المحشي والحمام المحشي والفتة ودي أشياء عظيمة ربنا أكرم بها مصر والمسقعة والبشاميل واي طبيخ ما عدا السبانخ".
مواعيد برنامج أسرار
برنامج "أسرار" تقدمه الإعلامية أميرة بدر على شاشة النهار يوميًا خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
المصدر: بوابة الفجر
كلمات دلالية: برنامج أسرار الإعلامية أميرة بدر الكاتب إبراهيم عيسى خلال شهر رمضان
إقرأ أيضاً:
منة عدلي القيعي تكشف لأول مرة عن واقعة نجاتها من الموت| تفاصيل
كشفت الشاعرة الغنائية منة عدلي القيعي، عن معاناتها من نوبات اختناق لمدة 7 أشهر ، تسببت لها فى حادث سير صعب .
وقالت منة عدلي القيعي عبر حسابها على «فيسبوك»: “حكاية ماكنتش ناوية احكيها.. بس هحكيها.. من ٧ شهور وإحنا لسه بنسخن عشان نحضر لشغل رمضان، حسيت بصعوبة في التنفس كانت بتزيد كل يوم إلى أن تحول الموضوع لنوبات اختناق تقريبا.. كانت بتتسبب في تسارع في ضربات القلب توصل لـ ١٨٠ أو ١٩٠ وأوقات كتير الموضوع كان بيطول كنت بحس إني مش هعديها”.
View this post on InstagramA post shared by Menna el kiey منة القيعي (@mennaelkiey)
وأضافت: “بعد شهر واتنين من الفحوصات والتشخيصات المختلفة جالي نوبة من دول وأنا سايقة وتسببت في حادثة كانت صعبة شوية، راحت فيها عربيتي والحمد لله برضه نجوت منها بإصابات خفيفة وكنا بنحمد ربنا ألف حمد… بعدها الأمور تدهورت أكتر، والنوبات كانت بتوصل لمرتين و٣ و٥ في اليوم الواحد، فيه أيام كنت بوقف عربيات ناس ماعرفهاش في الشارع واقولهم خليكوا معايا من الخوف”.
وأكملت : “ابتديت رحلة علاج طبيعي للتنفس وكنت حرفيا بتعلم إزاي اتنفس من الأول، واليوم اللي كنت بتنفس فيه صح لدقيقة متواصل كنت بعيط من الفرحة.. ويوم بيعدي ويوم أحس أنه مابيعديش لحد ما وصلنا لهنا”.
وتابعت :"الـ ٧ شهور دول هما اللي ربنا كرمني فيهم بالأغاني دي… صاحبي يا صاحبي وكل سنة وتقابل حبيب وإلى أخره من الشغل اللي اتعرض في رمضان 25، أغاني منهم اللي اتكتبت وأنا في مستشفي واللي اتكتبت وأنا على جهاز تنفس واللي اتكتبت وأنا بعيط … فيه ايام من الإحباط كنت بفكر أبطل أحاول أخف، بس عمري ما فكرت أبطل كتابة، وكنت بدعي ربنا يكرمني ويجازيني وكنت بكلمه وأقوله يارب وقفني ووقفني على رجلي تاني".
واتمت:"اللهم لك ألف حمد وشكر 7 جوايز حصيلة 7 شهور مروا بكرم الله ولطفه… (فيه جايزتين مش معايا).. شكرا لأهلي وعيلتي وجوزي وصحابي والناس اللي اشتغلت معاهم كلهم…طلعت عنيكوا وقلقتكوا وعملتلكوا إزعاج واستحملتوني… شكرا من كل قلبي".
وفد سنغالي يبحث التعاون مع «ألف للتعليم»