تصريحات هشام عاشور عن نيللي كريم تكشف السبب الحقيقي
تاريخ النشر: 13th, June 2024 GMT
حرص الفنان هشام عاشور على كشف السبب الحقيقي وراء انفصاله عن النجمة نيللي كريم، الذي حدث خلال الأسابيع الماضية، وذلك بعد تداول أنباء تفيد أن أبناء نيللي سبب الطلاق.
وقال هشام عاشور: «أنا مش حاسس إنها طليقتي وليها كل الاحترام والتقدير وهتفضل حبيبتي وهنفضل أصدقاء وده كلام مفروغ منه، ومش كل الناس اللي بتتطلق الحب بيختفي، لكن بيحصل تقصير في بعض الأمور وكان واضح إننا هنوصل لطريق الانفصال».
وأضاف هشام عاشور: «كلام غير حقيقي، الولدين أصدقائي والبنات أيضًا، شائعات كثيرة مش هقول من صحفي، لأنه بيبقى عنده أمانة مهنة، لكن دول ممكن يبقوا من الشباب اللي بتروح الجنازات، ويصوروا ويقولوا أي كلام عشان يعملوا مشاهدات».
وتابع: «قبل زواجي من نيللي كريم وجدت بها طيبة مختلفة».
وأشار: «عندما عرضت عليها الزواج وافقت، وبعدها اتقال إني محطوط في خانة إني زوج نيللي كريم».
ولفت هشام عاشور إلى أن «نيللي كريم حقانية ومش مجاملة وقالت إن زواجها منِّي ضرني أكثر من إفادته».. مؤكدًا أن «نيللي كريم عمرها ما رشحتني في أي عمل فني ليها».
هشام عاشور يرد على لقب «جوز نيللي كريم»
وعلق هشام عاشور على لقب «جوز نيللي كريم»، قائلًا: «أنا معروف في العالم بتاعي لكن مرة واحدة طلعت لعالم كبير جدًا».
وأضاف: «وده لأن العالم بتاعها أكبر مني بكتير جدًا، والناس عارفة أني أحرف واحد في الاسكواش وأنا اخترعت ضربة جديدة في الاسكواش من كتر ما أنا بحب اللعبة، وكنت بلعب ماتشات استعراضية أكتر من الماتشات العادية في كل مكان في العالم وخاصًة الدوري الألماني».
وتابع: «معرفتش أطلع منها ازاي فجأة بقيت زوج نيللي كريم والخبرات دي أنا اتعلمت منها، أنا بضيف للي معايا واللي معايا بيضيف لي، وفي الوقت ده أنا زودتها في حاجات وهي زودتني حاجات، ومقدرش أزعل وأقول الوقت ده كان وحش لأنه كان وقت حلو».
وأوضح هشام عاشور: كلمة طليقتي نيللي كريم أنا مش حاسسها، احنا بعدنا عن بعض، هي لها كل الاحترام والتقدير وهتفضل حبيبتي طول عمرها، والعشرة اللي بينا دي كلها، احنا محصلش بينا كارثة".
وتابع هشام عاشور: قررنا ناخد طريقين مختلفين، لكنها هتفضل حبيبتي وصاحبتي، ودا كلام مفروغ منه، مش لازم كل اللي بيتطلق الحب ينتهي بينهما، في حاجات معينة بتكون مش موجودة أو اختفت، فالناس بيبقى ليها معزة كبيرة عند بعض، بس مش عايزة تبقى هنا، لكن مش لازم أن الناس لما تطلق يبقى خلاص كرهوا بعض ومش عايزين يشوفوا بعض".
واستطرد: كان بقالنا فترة واضح إننا هنروح للحتة دي، ولا صحة للشائعات حول انفصالنا بسبب أودلادها، الولدين أصدقائي، ومافيش الكلام دا.
واستكمل هشام عاشور: لما اتجوزنا في 3 شهور منذ تعرفنا، اتخذنا القرار لوحدنا وبسرعة، وفي نفس الوقت طلاقنا كان لوحدنا وبسرعة، ومحدش اتدخل.
وكانت انفصلت نيللي كريم عن زوجها هشام عاشور، الجمعة 31 مايو، بعد زواج استمر لعامين ونصف العام، وكانا تزوجا في أغسطس من عام 2021، وأقيم حفل زفافهما في الساحل الشمالي.
وهشام عاشور لاعب إسكواش سابق، اتجه إلى التمثيل مؤخرا وشارك في عدد من الأعمال مع زوجته نيللي كريم منها مسلسل "عملة نادرة" ومسلسل "روز وليلى".
المصدر: بوابة الوفد
كلمات دلالية: نيللي كريم انفصال نيللي كريم نيللي كريم وهشام عاشور طلاق نيللي كريم مسلسل نيللي كريم هشام عاشور ونيللي كريم نيللي كريم مسلسل زواج نيللي كريم وهشام عاشور نيللي هشام عاشور نیللی کریم وهشام عاشور هشام عاشور
إقرأ أيضاً:
هشام الجخ يوضح حقيقة فيديو مفبرك يهاجم فيه إدارة الأهلي
خرج الشاعر هشام الجخ عن صمته لينفي ما تم تداوله على مواقع التواصل الاجتماعي من قصيدة منسوبة إليه، وفيديو يظهره وهو يهاجم إدارة النادي الأهلي، مؤكدًا أن كل ما نُشر في هذا السياق لا يمت له بأي صلة.
وعبر حسابه الرسمي على موقع «إنستجرام»، أوضح الجخ أن الفيديو المنتشر مفبرك، قائلاً: «انتشرت لي قصيدة مفبركة وفيديو مزيف، أظهر فيه وكأنني أهاجم إدارة النادي الأهلي وأنتقدهم، وهذا غير صحيح تمامًا».
وأكد الجخ انتماءه القوي للنادي الأهلي، قائلًا: «أنا أهلاوي قديم وصميم، وباحترم جمهور الزمالك، وحتى لو كنت زملكاوي، مش ممكن أكتب قصيدة تهاجم الأهلي بهالأسلوب المبتذل».
وأشار إلى أن ما يتم تداوله يدخل ضمن حملة ممنهجة لتشويه صورته، لا علاقة لها لا بالفن ولا بالأخلاق، مطالبًا جمهوره بعدم الانسياق وراء الشائعات أو تصديق الأخبار المفبركة
تعزيز الشفافية والمشاركة.. مذكرة تفاهم جديدة بين مفوضية الانتخابات ومؤسسة بحثية وطنية