انتصار لـ«السيدات»: «مترضيش بضغوط من أي راجل في الدنيا وخليكي واثقة من نفسك»
تاريخ النشر: 8th, August 2023 GMT
قالت الفنانة انتصار إن الرجال يعانون من البطالة بسبب خروج المرأة للعمل، موضحة أن قلة الإقدام على الزواج هذه الأيام تعود للحالة المادية للرجل.
أخبار متعلقة
انتصار: «فيه برامج نسائية ضد الدولة».. وبدرية طلبة: «الطلاق قلّ علشان القتل بيزيد»
بدرية طلبة: «عندي 55 سنة ومش فارق معايا السن».. وانتصار تعلق: «عُمرها 75» (فيديو)
وأضافت انتصار في مقدمة برنامجها «من غير نفسنة»، الذي تقدمه مع الفنانة بدرية طلبة ونوليا، عبر شاشة قناة «هي»: الحالة الميؤوس منها هي اللي بتجمل كلمة السنجلة علشان تداري الألم والوجع اللي حصلها من الانفصال، في رجالة كتير حلوة بس مفيش جواز لأن البنات خرجت تشتغل فالرجالة قعدت على القهاوي، هيتجوزوا منين ما إنتوا خدتوا مكانهم، فأنا رأيي انسحبوا من سوق العمل وسيبوهم هما يشتغلوا.
وتابعت: البنات ساعات بتلجأ أنها تقول أنا سينجل من باب أنه مجاش حد، فبدؤا يروجوا لفكرة السينجل علشان متقولوش أنها معنسة أو متأخر الجواز، أو مطلقة ومجاش لها عريس عايز يتجوز تاني، دي تقيلة برضو، وكل ما يبروز أنها غير مرغوب فيها فتقول إنها سينجل مع إنها نفسها تتجوز ويكون لها بيت وأسرة.
واستكملت: الحياة مش حب وبس، الحياة اتنين بيساعدوا بعض، وبيحلموا مع بعض وبيفوتوا لبعض، وبيحطوا إيديهم في إيد بعض علشان يواجهوا الدنيا، والمروجين للسنجلة ضدكم وضد كل الستات، وضحكوا علينا وقالوا لينا اشتغلوا عشان نشتغل فالرجالة تضايق، وخدنا مكانهم والرجالة بقى عندها بطالة، وأنا بقول الكلام ده على مسؤوليتي.
وأوضحت: ضحكوا علينا وبقينا سناجل، 40 سنة وسينجل؟ يعني هتعملي إيه هتكمليها سينجل؟، مترضيش بضغوط من أي راجل في الدنيا وخليكي واثقة من نفسك.
«من غير نفسنة» برنامج نسائي ساخر يقدمه كلا من الفنانة انتصار وبدرية طلبة ونوليا، يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.
انتصار عمل المراة انتصار: مفيش جواز لأن البنات خرجت تشتغل الجواز مشاكل البطالةالمصدر: المصري اليوم
كلمات دلالية: زي النهاردة شكاوى المواطنين انتصار عمل المراة الجواز زي النهاردة
إقرأ أيضاً:
«افتكروني مجنون».. محمد رمضان يطرح أغنية جديدة بالتعاون مع البرازيلي Luck Muzik
طرح الفنان محمد رمضان، ديو غنائي بعنوان «افتكروني مجنون» بالتعاون مع المطرب البرازيلي، Luck Muzik، وذلك عبر موقع الفيديوهات «يوتيوب» وجميع المنصات الموسيقية.
أغنية «افتكروني مجنون»، من كلمات وألحان أمير شيكو، والكلمات باللغة الإسبانية لـ Luck Muzik، وتوزيع وميكس وماستر أحمد فيجو.
كلمات أغنية «افتكروني مجنون»وجاءت كلمات أغنية «افتكروني مجنون» لـ محمد رمضان المطرب البرازيلي Luck Muzik كالتالي:
افتكروني مجنون أنا برا الزوون.. دماغي دي مجرة وبرا الكون
إكس مربع أحط الجول.. قالوا مش هوصل وصلت فوق
طيرت فـ العالي وقعت الجوز.. أفصل فيها وأنا باكل لوز
أعلي الدوز فتمطر موز.. فتمطر موز
سيبت البنت في حيرة.. حركة في لقطة خطيرة
معروف من يومي حركاتي Movie.. Movie في لقطة مثيرة
جيت عندكوا ولعت حريقة.. شوفت الصعب صنعت طريقة
ساعة الضرب قلوبنا جريئة.. طالما جينا فيها خلاص ننهيها
خلاص نخفيها.. ونولع فيها».
آخر أعمال الفنان محمد رمضانطرح محمد رمضان، مؤخرا فيديو كليب أحدث أعماله الغنائية التي تحمل اسم «من ضهر راجل» عبر قناته الرسمية بموقع الفيديوهات العالمي يوتيوب ومختلف المنصات الغنائية الرقمية.
وجاء فيديو كليب أغنية من ضهر راجل بعد طرح محمد رمضان للأغنية بأسبوعين وتحقيقها نسبة استماع عالية، وهي من كلمات حمزة إكس، وألحان إسلام ساسو وحمزة إكس، وتوزيع موسيقي إسلام ساسو.
وتقول كلمات أغنية من ضهر راجل: في ناس معاك عشان مش عايزه غيرك وناس معاك علشان مش لاقية.. غيرك اللهم صلي عالنبي يا ساتر استرها ومتحوجناش لغيرك أسد أسود البلد.. وزعيم غابتهم نكشوني عاشوا في نكد.. قليت راحتهم الطلقة انا اللي ضاربها.. وعارفه طريق صاحبها اعدائي نفذ رصيدها.. طب هما فينهم أعيش راجل من ضهر راجل أعيش جدع من ضهر جدع أعيش وخيري على كل راجل قال عليا كلام مش جدع أعيش راجل من ضهر راجل أعيش جدع من ضهر جدع أعيش وخيري على كل راجل قال عليا كلام مش جدع لا جدع.. في ناس واقفين في ضهري.. وبيسندوني وفي ناس بترغي في ضهري.. ولا يشغلوني نقل الكلام شغلتهم.. ستاتهم أرجل منهم اللت على شفايفهم.. على طول شاغلهم أعيش راجل من ضهر راجل أعيش جدع من ضهر جدع أعيش وخيري على كل راجل قال عليا كلام مش جدع أعيش راجل من ضهر راجل أعيش جدع من ضهر جدع أعيش وخيري على كل راجل قال عليا كلام مش جدع.
اقرأ أيضاًأمير المصري يستعد للمشاركة في مهرجان فينيسيا السينمائي
تأجيل دعوى الفنانة عفاف شعيب ضد محمد سامي لهذا الموعد
كم عمر الدرع وأبناء درع السودان وهل لديهم ثقافة حرب عمرها يتجاوز العشرين عام