في ذكرى ميلاده.. رشا العدل توجه رسالة لوالدها

يحل اليوم 2 نوفمبر ذكرى ميلاد النجم القدير سامي العدل، ووجهت رشا سامي العدل في ذكرى والدها، رسالة ذو كلمات مؤثرة بدأتها من مكانته في السينما المصرية، وصفته بأنه كان نجمًا عاليًا في السماء وليس مجرد ممثل عادي، عبر حسابها الرسمي على موقع التواصل الاجتماعي “فيسبوك”.

 

كتبت رشا سامي العدل  في ذكرى ميلاد والدها بتاريخ 2 نوفمبر عام 1946: “النهاردة عيد ميلاد حد مش زي أي حد، راجل مفيش منه اتنين بالنسبالي، أب مكانش عادي أو تقليدي، كان كل حاجة وعكسها، نجم عالي قوي في السما نوره ساطع، بس صعب أوصله، فنان مبدع في الجدعنة”.

 

وتابعت: “عيد ميلاد نجم قلبي ونور عيني سامي العدل، اللي الناس تعرفه كفنان، وأنا عرفته كأب وأخ وصديق وابن، وهو كان ضهرى وسندي في الدنيا وجوده بس في الحياة كان كافي من غير ما يعمل أي حاجة”.

 

وأضافت رشا: "اللي أقدر أقدمه أخلي الناس تدعي لك وتترحم عليك، وأتمنى ربنا يتقبل مني ومن كل الناس، علشان أنت تستاهل، مش علشان أنت بابا، ربنا يرحمك ويغفر لك يا أغلى الغاليين".

المصدر: بوابة الفجر