بعد قليل.. الحكم على المتهم بإنهاء حياة صديقه «سيد بركة» في البراجيل
تاريخ النشر: 18th, December 2024 GMT
بعد قليل.. تصدر محكمة جنايات الجيزة المنعقدة في مجمع محاكم زينهم، حكمها علي المتهم بقتل صديقه «سيد بركة» في البراجيل بمنطقة أوسيم في الجيزة بسبب خلافات بينهما للحكم .
تحقيقات نيابة شمال الجيزة مع قاتل صديقه في البراجيل
وقال المتهم بقتل صديقه في الجيزة: بعد ما اتخانقنا قام سب لي وشتمني بأبويا وأمي رديت عليه الشتيمة علطول وسبتله قام هو واقف بالمكنة بتاعتي ونزل منها نزلت وراه لقيته بيشتمني تاني قمت قايله أنا اتخنقت منك ومسك فيا من فوق هدومي وأنا مسكت فيه من فوق هدومه وفضلنا ماسكين في بعض ومن قوة مسكتي ليه وهو برضه ماسك فيا من هدومي، وقع على الحجر بوشه وأنا وقعت فوق منه بس وشي لضهره قمت عدلته على ظهره لقيت وشه كله جاب دم وبالذات من مناخيره والحجر اللي وقع عليه لقيته برضه فيه دم وقعدت أزق في الحجر الكبير اللي كان موجود على الأرض اللي سيد وقع عليه بوشه لغاية ما الحجر بقى فوق صدر سيد.
وتابع قاتل صديقه في الجيزة، قمت واخد الشبشب بتاعه وحادفه بعيد في الزراعات، وبعد کده حطيت إيدي في جيوبه وأخدت التليفون بتاعه والفلوس وبطاقته ورخصة بتاعة مکنة كده كانت في جيبه، وبعدها ركبت المكنه بتاعتي ومشيت علطول وهو ده كل اللي حصل لغاية ما روحنا نقطة البراجيل وبعد كده مركز شرطة أوسيم وبعد كده لقيتهم من كثر ما الضباط كانوا بيتكلموا معايا وسألوني كتير أوي فرُحت قلتلهم كل حاجة والحقيقة اللي لسه حكيها دلوقتي وجابوني على النيابة وهو ده كل اللي حصل بالضبط.
س : متى وأين حدث ذلك تحديدا؟
أنا خاطب رحاب بقالي ٣ شهور من بداية شهر ١٢ السنة اللي فات ورحاب نزلت البوست بتاع فسخ الخطوبة الأسبوع اللي فات علطول، وخناقتي معاه وشتيمتنا لبعض واليوم اللي مات فيه كان يوم السبت الموافق ۲۰۲٤/٣/٢ بالليل بعد الساعة ۱۰ العاشرة مساء بطريق محور الضبعة الرئيسي منطقة الزيدية على طريق كله تراب (ترابي) جنب الأراضي الزراعية كوبري الضبعة مركز أوسيم الجيزة، ولما روحت مركز شرطة أوسيم وقلت كل حاجه لما ضباط المباحث في المركز قعدوا يتكلموا معايا كان يوم الأحد الموافق ٢٠٢٤/٣/٣ بعد أذان الظهر علطول بأوسيم في الجيزة.
اعترافات قاتل صديقه في الجيزة
س: من كان برفقتك تحديدا؟
أنا وسيد بريك الله يرحمه ومحمد بشير عبد السلام كنا بنوصله لبيته وقتها ووصلناه فعلا.
س: ما صلتك بسالف الذكر تحديدا؟
محمد بشير ده عيل صغير عنده ١٢ سنة كان بييجي ساعات في المغسلة يشتغل وياخد مصاريفه بتاعة المدرسة لإنه كان في المدرسة معظم الوقت وده اللي وصلناه أنا وسيد بريك وقتها.
س: ما صلتك بالمدعوة رحاب رشدي عبد العاطي تحديداً؟
دي كانت خطيبتي لغاية الأسبوع اللي قبل ما شهر ٣ يبدأ.
س: وما سبب وعلة نهو تلك الخطبة تحديدا؟
معرفش أنا لقيت مرة واحدة سيد بريك جاي بيقولي رحاب رشدي نزلت بوست على صفحتها.
أقوال قاتل صديقه في الجيزة
س: وعلى أي شيء يحوي ذلك تحديدا؟
لقيتها كاتبة تم بحمد لله فشكلة خطوبتي.
س: وما التصرف الذي بدر منك حيال ما عملته تحديدا؟
رنيت على رحاب رشدي أشوف ايه اللي حصل وليه كتبت كده.
س: وهل استجابت لهاتفك تحديداً آنذاك؟
لا لقيتها حاطة تليفوني على بلاك ليست
المصدر: صدى البلد
كلمات دلالية: محكمة جنايات الجيزة البراجيل سيد بركة المزيد صدیقه فی الجیزة قاتل صدیقه فی
إقرأ أيضاً:
بسبب الشابو.. القصة الكاملة لشاب أنهى حياة والده صاحب الـ95 عاما بأسوان
فى واقعة مأساوية شهدتها أسوان اليوم ، والتى تمثلت فى تجرد أبن من كافة معانى ومشاعر الإنسانية حيث قام بإرتكاب أفظع الجرائم من خلال ذبح والده المسن وقطع رأسه وذلك تحت تأثير المخدرات .
ونستعرض تفاصيل “ القصة الكاملة ” لهذه الواقعة المؤسفة حيث كثفت الأجهزة الأمنية جهودها حيث نجحت فى إلقاء على الشاب القاتل مدمن للمخدرات، بعد ارتكابه هذه الجريمة البشعة ، وتم اتخاذ الإجراءات القانونية اللازمة.
واعترف الابن العاق، أمام ضباط إدارة البحث الجنائى بمديرية أمن أسوان، بارتكابه الواقعة تحت تأثير المخدر، وتم تحرير المحضر اللازم، وإحالة المحضر للنيابة لاستكمال التحقيقات.
وجاءت اعترافات المتهم بقتل والده ويدعى "أسعد.ع.ا" فى العقد الثالث من عمره، ويعمل فى إحدى شركات المقاولات بمدينة أسوان الجديدة.
وكشفت اعترافات المتهم، بخوف الأب الشديد من ابنه بعد أن تحول إلى شخص مثير للمشاكل بين أفراد الأسرة، وكان خلال الفترة الأخيرة كثير المشاكل مع زوجته وهى ابنة عمه، للدرجة التى تركت فيها الزوجة منزل الزوجية وفرت مع أولادها الأربعة لمنزل أبيها خوفًا من بطشه.
مشاعر الإنسانيةكان الابن العاق كثير تناول المخدرات، وتناول مخدر "الشابو" الخطير وصار يهدد أسرته بالقتل وخاصة أبوه المسن الذى "بلغ من العمر عتيًا" ووصل لسن الـ95، إلا أن الابن العاق لم يرحم والده الذى رباه صغيرًا وصار الأب يختبأ من ابنه العاق خوفًا من بطشه.
وفى صبيحة يوم الجريمة، نام الأب فى منزل أحد الجيران بعد زيادة المخاوف من قتل ابنه له أثناء نومه، واستيقظ الأب المسن على موعد أذان الفجر وأدى الفجر فى المسجد، ولم يسمع كلام جاره الذى نصحه بعدم العودة للمنزل.
إلا أن "القدر سبق الحذر" ودخل الرجل المسن بيته ليفاجأ بابنه العاق وهو يمسك خنجرًا فى يديه وينهال على والده ضربًا فى كل أنحاء جسده ثم واصل جريمته الشنيعة بفصل رأس أبيه عن جسده، وكان شقيقه وزوجة شقيقه ينامان فى المنزل الأسرى الكبير إلا أنهما لم يشعرا بالواقعة إلا بعد أن غرق الأب فى دمائه وفاضت روحه.
انتقلت قوة من المباحث التابعة لمركز شرطة أسوان، وتم التحفظ على المتهم لحين استكمال التحقيقات، وإيداع جثة الأب فى المشرحة تحت تصرف النيابة، وجارى استكمال الإجراءات القانونية حول الواقعة.
محافظة القاهرة: لا تداعيات للزلزال ولم ينتج عنه أى تأثير