ميدو بعد قمة شرم الشيخ: «كلنا ماشيين رافعين رؤوسنا بسبب اللي قدمه الرئيس السيسي»

أعرب الإعلامي أحمد حسام ميدو، عن سعادته بما تقوم به مصر في مؤتمر شرم الشيخ للسلام واحتفال السوشيال ميديا بالمشهد الدبلوماسي المشرف.

وقال: «ما قام به فخامة الرئيس عبد الفتاح السيسي هو شيء كبير وخطف أنظار العالم لأن مصر جمعت جميع رؤساء العالم من أجل السلام».

وواصل: «الرياضة جزء أصيل مما يحدث، ومصر دائمًا في الريادة، ومبروك لشعب فلسطين أن تعود الحياة لديهم بشكل طبيعي وكان عمل الرئيس في وقت طويل من أجل مصلحة مصر».

وأردف: «كل رؤوساء العالم كانوا لدينا وانبهروا بما قدمته مصر من أجل السلام وكل دا تم التحضير ليه في أسبوع واحد بس لإننا مستعدين والكبير بيثبت انه كبير بالشغل».

وأتم: «كلنا ماشيين رافعين رؤوسنا بسبب اللي قدمه الرئيس السيسي اللي مش بيتكلم كتير لكنه بيقدم كتير أوي لينا، وأما يجيي رئيس أمريكا ترامب ويتكلم ان مصر كانت سبب رئيسي في اللي حصل دي حاجة كبيرة وطبيعية في حق مصر لإننا دايمًا بتاريخنا الكبير بنتكلم عن نفسنا».

وواصل حديثه: «مش أي بلد تقدر تعمل اللي مصر عملته، ومهما اتكلم ناس كتير عن مصر مش هيأثروا في حاجة احنا في بلد لا يتم تهميشها، مصر بالقيادة السياسية تعدى كل الضغوط اللي اتحطت فيها من فتح المعابر وان الفلسطينيين يدخلوا مصر زي ما هما مخططين لكن مصر تقف لهم من غير سلاح وتقولهم احنا بلد الحرب لو عايزين حرب وبلد السلام لو عايزين السلام واتصدرنا المشهد بذكاء القيادة المصرية، الأسبوع دا كل مصري رافع راسه انه مصري كل العالم بيتكلم على مصر بس وعظمة المصريين».

وأنهى حديثه:«احنا اتأثرنا شوية وفي ضغوط شوية اقتصاديًا لكن دا طبيعي العالم كلوا بيعاني بسبب حرب أوكرانيا وروسيا، فالكل اتأثر بشكل طبيعي لكن عمرنا ما نتخلى عن القضية الفلسطينية زي ما بعض الخونة كانوا عايزين يوصلوا صورة للناس، كل الرؤوساء المصريين كلهم قضيتهم واضحة اتجاه فلسطين وعمرنا ما هنتخلى عن القضية ودايمًا في كل قواضي مصر كانت بتتكلم عن فلسطين وانها قضيتنا الأولى وأنا فخور اني مصري وكل مصري لازم بفتخر وبنشكر فخامة الرئيس عبد ال السيسي على مجهوداته العظيمة علشان نطلع بأفضل شكل ممكن وكان واقف أسد بيستقبل كل الناس وبيمثل وطن عظيم ولازم نشكره ونشكر كل أجهزة الدولة على مجهودهم الكبير وانهم خلونا رافعين راسنا».

المصدر: الأسبوع