حسن شاكوش يرد على محمود العسيلي: (أنا مش حافظ أغانيه و لا أعرفها!)
تاريخ النشر: 3rd, January 2024 GMT
البوابة-رد الفنان الشعبي حسن شاكوش على الفنان محمود العسيلي بعد تصريحات الأخير التى هاجم فيها مطربي المهرجانات بسبب اعتلاء صدارة الأعلى استماعا بالوطن العربي.
اقرأ ايضاًوقال حسن شاكوش عبر حسابه على موقع التواصل الاجتماعى (إنستغرام): (مينفعش نبقى في وش بعض نتكلم بأسلوب، وفي الضهر نتكلم بشكل تاني وبطريقة تانية، أنا مبحبش البني آدم اللى كده، محمود العسيلي جالي كذا حفلة وبنزل الاستيدج وأروح أسلم عليه ده ذوقيًا، وده اللى اتربينا عليه).
وأضاف:(أقسم بالله مش عشان حاجة أنا مش حافظ أغاني لمحمود العسيلي ولا أعرفها، إحنا الحمدلله والشكر لله مسمعين وموجودين في الوطن العربي، اللى هيحترمنا هنشيله فوق دماغنا، واللى مش هيتحترمنا مش هنحترمه، مينفعش يطلع من بوقي لفظ يضايق أي حد وأنا بيسمعني عائلات وأطفال وبتقول الراب كمان هينتهي، طب لما الشعبي والراب هينام مين هيبقى موجود؟ أمال مين هيرقص الناس، إحنا لازم نحترم بعضينا ونقدر بعضينا ونخاف على مشاعر بعض، أنا راجل بغني وفي سوق ووسط النجوم فلازم أكون عارف ده بيغني ايه وبيعمل إيه، عيب إنك تقول عصام صاصا ومش عارف بيغني إيه عصام صاصا؟ بيغني هيندي؟ ربنا يهدي الجميع).
يذكر أن محمود العسيلي ظهر فى أحد البرامج الفنية وقال: (أنا فيه واحد معرفوش خالص وعمري في حياتي ماسمعته هو الأكثر استماعا على جميع المنصات معرفش هو بيغني إيه فعلا بس هو الأكثر استماعا على كل المنصات أكتر من كل الناس في الوطن العربي).
وتابع العسيلي قائلا:(الراب هيجيله وقت ويختفى لأنه مبنى على موضة غير ناس قليلة جدا اللى عندهم حاجة ثابتة وبيبنوا، أنا بالنسبة لى مطربي المهرجانات موجودين هما كان نجاحهم كبير بس مبقوش زى الأول ودا اللي بتكلم فيه بتبقى ظواهر، فيه حاجات بتطلع ظاهرة زي شعبان عبدالرحيم و بتختفي).
المصدر: البوابة
كلمات دلالية: حسن شاكوش محمود العسيلي التاريخ التشابه الوصف محمود العسیلی حسن شاکوش
إقرأ أيضاً:
«وثيقة عمرها 50 عاما».. سر خطاب سعاد حسني إلى عبد الحليم حافظ و حقيقة زواجهما «صورة»
بعد أكثر من 50 عاما على حديث الزواج بين العندليب عبد الحليم حافظ، والسندريلا، سعاد حسني، حسم محمد شبانة، نجل شقيق الفنان الراحل عبد الحليم حافظ، الجدل حول زواج عبد الحليم حافظ و سعاد حسني، اليوم الجمعة، وذلك بعدما أسدل الستار عن وثيقة تكشف حقيقة هذا الزواج.
وفي هذا السياق، شارك محمد شبانة، عبر حسابه الرسمي بموقع التواصل الاجتماعي «فيسبوك» وثيقة تحسم الجدل حول هذا الزواج برسالة من السندريلا تكشف عن نهاية علاقتهما، تحمل الآتي: «عدى على وفاتك يا حليم حوالي نصف قرن والناس لسة بتسأل هل الإشاعة عن جوازك حقيقية ولا لأ؟، يا حليم أنت أعظم واحد غنيت للحب ومن وجهة نظري ده كان بسبب حرمانك منه من أول حب الأم اللي اتحرمت منه يوم ولادتك لحد الحرمان من حب الزوجة والأبناء».
وأضاف محمد شبانة: «عشان في ناس كتير بتحب تتشهر وخصوصا لما أضواء الشهرة عندها بتقل وتتطفي فيجيبوا سيرتك عشان يرجعوا تاني في دايرة الضوء، إشاعات كتير طلعت وأنت عايش منها الإشاعات اللي كانت بتقول أنك بتتدعي المرض علشان تنال تعاطف الجمهور وإن نزيفك علي المسرح كان كذب ولما سافرت في أخر رحلة علاج طلعت الأشاعة اللي بتقول إن حليم بيتدعي أنه مسافر لندن للعلاج وهو بيتفسح ويلف العالم ورجعت بعدها مصر في تابوت وأخرست ألسنة كل اللي كانوا بيقولوا أنك بتمثل وبتتدعي المرض».
كما تابع نجل شقيق الراحل عبد الحليم حافظ: «إشاعة الزواج اللي طلعت بعد وفاتك بـ 17 سنة من ناس المفروض أنهم كانوا أصدقائك واستمرت الإشاعة بدون أي مستند أو دليل وكان نفسي ألاقي حاجة تنفيها بدليل قاطع».
وواصل: «أنا كنت عارف ومتأكد إنك ماتجوزتش لأنك كنت عايش لأهلك وفنك، ومرضك خلاك تخاف تتجوز وتظلم معاك زوجة وأبناء وكفاية عيلتك إللي عاشوا معاك قساوة مرضك وده اللي أكدتهولي أمي وقبلها جدتي علية الله يرحمهم ويحسن إليهم».
وأضاف شبانة: «احنا كأسرة عمرنا ما جرينا ورا تريند أو شهرة زائفة أو تاجرنا بأخبار كاذبة وبنحترم نفسنا وبنحترم جمهورك العريض في العالم كله ومحبيك، وبنلتزم الصمت وبنحاول دايماً نحافظ علي سمعة وسيرة الأسرة الطيبة ولما بنتحدث أو بننفي أي إشاعات أو أخبار لازم يكون معانا دليل أو حاجة تثبت صحة كلامنا للحفاظ علي مصداقية العائلة وحب الناس وأحترامهم لينا يجبرنا أننا منقولش حاجة إلا لو متأكدين منها بنسبة 100%».
وأردف: «رداً علي كل الأكاذيب والإشاعات التي طالت حليم وهو في قبرة بين يديّ الرحمن وطالتنا نحن كعائلة وأرهقتنا وأحزنتنا كثيراً لمدة عقود، بقالي فترة طويلة بدور علي أي دليل مادي يخرس الألسنة ولكني كنت علي وشك أني أفقد الأمل».
وتابع: «لكن مؤخراً قررت أحاول محاولة أخيرة وقررت أنبش في كل الأوراق وفتحت غرفة ملحقة بالمنزل واللي جدتي علية كانت محتفظة فيها بكل "الأوراق والمتعلقات الشخصية وحتي التراث الفني لحليم" وطبعا بما أنك أنت سايب إرث كبير من مقتنيات، جوابات، مستندات وصور وحاجات ممكن أقعد سنين طويلة أدور فيها موصلش لحاجة».
وأضاف: «من يومين بس وأنا بقلب في جواباتك الشخصية وبقراها بتمعن لقيت جواب مرسل لك بخط يد السيدة اللي بعض الأشخاص أشاعوا إنك إتجوزتها، سطور قليلة في صفحة واحدة فيها رد على إشاعات بقالها 31 سنة والناس بتتكلم عنها لحد النهاردة».
وواصل: «هذا الخطاب أرسلته السيدة الفاضلة لحليم بعد أن قرر حليم إنهاء علاقة الحب التي كانت في بدايتها ونحن كعائلة لم ننكر أبداً أنه كان بينهما بداية قصة حب بريئة ومحترمة لم تكتمل وحليم قرر إنهاء تلك العلاقة لأنه لم يكن في أرتياح وأصبحت العلاقة بعد ذلك مجرد علاقة صداقة وزمالة عمل يسودها التقدير والأحترام من الطرفين».
وتابع: «للرد المسبق على كل إللي هيشككوا في هوية صاحبة الجواب، لم يتم نشر الجواب إلا بعد التحقق منه وتقدروا بنفسكم وبكل سهولة تطابقوا خط اليد للأستاذة الفاضلة مع أي جوابات أو رسائل أخري لها بخط يدها، أنا حقيقي مرتاح وسعيد دلوقتي إن بعد 31 سنة قدرت أظهر الحقيقة لجمهورك وأيضاً لجمهور السيدة الفاضلة التي لم تتدعي أبداً طوال حياتها أنها تزوجتك.
ربنا يرحمك يا حليم و يرحمها ويرحم أمواتنا جميعاً».
لكل محبي حليم حول العالم إليكم نص هذا الجواب في حالة عدم التمكن من تفسير خط اليد في الصورة المرفقة:
حبيبى حليم،
"حاولت ان انام حاولت ان انام وانا اقنع نفسي
انك لابد انك ستتصل بي خصوصا بعد.ارجو انك
تخلينى اكلمك كده زى مابتكلم
وصلتني للعربيه بتاعتى نص توصيله كنت فاكره
انك ضرورى حتكلمنى في التليفون اول ماتوصل
بعد ماتكون وصلت مفيد ولكنك لم
تتصل بى ولم تفكر فى
حليم انا لا ادرى ماذا افعل اننى فى قمه العذاب
اننى ابكى وانا نائمه ابكى ليلا نهارا ولا احب
ان ترى دموعى لاننى احبك ولا اريدك تكرهنى
ولماذا تكرهنى بعد ان كنت تحبنى الان
تقول لكل الناس انا لا احبها ولكنى
احبك يا حليم. ماذا افعل قل لى يا حليم
اننى اصبحت حقيقه يا حليم اتعس مخلوقه على وجه الارض".
اقرأ أيضاً20 يونيو.. أنغام تستعد لحفلها في مهرجان ليلة عمر الغنائي
رسميًا.. عودة المقاولون العرب ووادي دجلة للدوري الممتاز
حسام موافي: فشل الكلى قد يسبب أنيميا مزمنة.. والنزيف الشرجي مؤشر خطير
بكام في البنك المركزي؟.. سعر الدولار مقابل الجنيه المصري اليوم الإثنين 19 مايو 2025