مصطفى بكري لأهالي قنا: احنا ولاد الغلابة ومكويين من الغلا زيكم

قال الإعلامي مصطفى بكري، عضو مجلس النواب، إن الشعب المصري يعاني من العديد من الأزمات، معقبًا «البلد دي بلد المصريين الوطنيين وبس اللى مكويين بأوجاع وجوع وألم الناس مش بلد اللي واقفين يتفرجوا»

وأضاف بكري، خلال تقديمه برنامج «حقائق وأسرار» على قناة «صدى البلد»: «في ناس بتشوف التكاسل في الأداء والفساد وبتتفرج عليه، البلد دى مش بلد حد بيحمي حد أو يغض بصره عن الحرام».

وتابع بكري: «أنا لسة جاي من قنا اليوم والناس بتشتكيلي الأسعار هنعمل فيها إيه وانتوا قاعدين ساكتين.. والله احنا مش ساكتين ومكويين زيكم واحنا ولاد الناس الغلابة والطبقة الفقيرة، كونك بقيت في مكانة أو منصب مش هننسى بلدنا ولا أهلنا ولا أرضنا ولا حياتنا الاجتماعية مينفعش نبقى حاجة تانية».

وأكمل بكري: «فيه فرق كبير ما بين إنك تدافع عن بلدك وأهلك وبين إنك تكون خنجر في ظهر وطنك منوها احنا مبنطبلش لو طبلنا نفقد مصداقيتنا أمام انفسنا احنا خايفيين على بلدنا البلد دى لو حصلتلها حاجة زي البلاد التانية مش هنسامح نفسنا لحد يوم الدين».

المصدر: الأسبوع