محمد الشرنوبي: «أنا حاسس بأزمة شيرين عبد الوهاب عشان عايش نفس المشاكل»

محمد الشرنوبي.. كشف الفنان محمد الشرنوبي، عن تفاصيل أزمته مع شركة إنتاج سارة الطباخ، والتي تكون مشابهة لأزمة الفنانة شيرين عبد الوهاب مع شركة روتانا للمرئيات والصوتيات.

محمد الشرنوبي يدعم شيرين عبد الوهاب بعد أزمتها مع روتانا

ونشر محمد الشرنوبي، خلال الساعات الماضية، عبر حسابه على موقع التواصل الاجتماعي «إنستجرام»، مقطع فيديو، قال فيه: «أولًا بخصوص موضوع شيرين أنا مش فارق لي أى حاجة غير إني سمعت صوتك، وأن إحنا كجمهورك مستمتعين بصوتك ويا رب المشكلة اللى بينك وبين روتانا تخلص في أسرع وقت عشان نعرف نسمع صوتك بشكل طبيعى، وتأخدي حقك».

View this post on Instagram

A post shared by محمد الشرنوبي (@sharnouby)

أزمة محمد الشرنوبي مع سارة الطباخ

وتحدث عن معاناته مع شركة سارة الطباخ، والتي تشابه معاناة شيرين عبد الوهاب، قائلًا: «أكتر حد في الفترة دى حاسس بشيرين هو أنا، لأن بقالي 5 سنين في قضايا ومشاكل مع سارة الطباخ في الشركة اللى كنت ماضي معها، ومن سنتين وكام شهر بالظبط طلع حكم بالقضاء بانتهاء عقدي، وطلعت الشركة تقول لأ، وأنا طلعت أقول آه، لحد ما طلع 3 أحكام تأكدت أن العقد انتهى خلاص ومعنديش أي التزامات بأي شكل، وأكتر حاجة بتثبت أني بشتغل في التمثيل وماضي مع شركة من أهم شركات الوطن العربي وهي شركة مزيكا للمنتج محسن جابر، ودي شركة كبيرة وعندها شؤون قانونية وبتراجع ورق اللى بيشتغل معاهم، فالناس دي اتأكدت أن كل حاجة انتهت وإني معنديش التزامات، لأي شركة تانية ومضينا مع بعض وابتدينا نشتغل».

محمد الشرنوبي

وتابع: «المشكلة اللى بتواجهنا دلوقتي أن الأغاني بتفضل موجودة على كل المنصات، ولكن في صغرة في يوتيوب مش عارفين، نتعامل معاها وهي لما بنزل فيديو على يوتيوب، بيتحجب واليوتيوب بيدي مهلة للي عمل طلب إلغاء الأغنية 6 أيام عشان يرفع قضية ولو رفع قضية بندخل في سنة».

آخر أعمال محمد الشرنوبي

الجدير بالذكر أن آخر أعمال محمد الشرنوبي، أغنية «استغنينا»، الذي طرحها خلال الفترة الماضية عبر قناته على موقع الفيديوهات يوتيوب، ومختلف منصات الموسيقى الرقمية.

أغنية استغنينا، هى من كلمات وألحان عزيز الشافعي، وتوزيع إلهامي دهيمة.

اقرأ أيضاً«ألحاني».. محمد الشرنوبي يروج لأغنية «القلوب أسرار» من ألبوم أنغام الجديد

محمد الشرنوبي يعلق على تعاونه مع أنغام: «حلم من أحلامي» (صورة)

محمد الشرنوبي يعلن طرح أحدث أعماله الغنائية «استغنينا» (فيديو)

المصدر: الأسبوع