تامر حسني بعد وقف حفله بالإسكندرية بسبب الإغماء: «واثق إنه غير مقصود»
تاريخ النشر: 19th, October 2024 GMT
علَّق الفنان تامر حسني على حفله بالأمس في مدينة الإسكندرية، والذي لاقى حضورا جماهيريا كبيرا، ما أدى إلى وقف الحفل بعد حدوث حالات إغماء كثيرة.
ونشر تامر حسني، مجموعة من الصور عبر حسابه الرسمي على موقع الصور والفيديوهات «إنستجرام»، وعلق عليها، قائلا: «زيارتي للإسكندرية حدث عظيم بالنسبة لي بستناه كل سنة أو سنتين وخصوصاً إنه يوم تكريم للطلاب الجدد وده يوم غرضه التشجيع العلمي لطلاب مصر وليست حفلا من باب الاحتفال بلا هدف».
وأضاف: «تشرفت بوجودي وسط أهلي حبايب قلبي الجمهور السكندري العظيم، وعارف إن العدد كان فوق التوقعات بكتير، وبالفعل كان هناك تدافع من بعض الناس، وواثق إنه غير مقصود، بس يمكن عشان الحفلة دي تخطت التوقعات في حجم الحضور وخصوصاً الإقبال ساعة الحفلة كان مفاجئ للجميع».
وتابع تامر حسني: «غنيت ساعة ونص حرصاً على سلامتكم، مليون مبروك لجيل الثانوية العامة يا رب تكون سنة علمية سهلة وتعدوا منها على جامِعاتكم وحياتكم العملية بعد كده، وشكراً لكل اللي تعبوا في اليوم ده، كل التوفيق للجميع إسكندرية أجدع ناس».
View this post on Instagram
A post shared by Tamer Hosny (@tamerhosny)
المصدر: الوطن
كلمات دلالية: تامر حسني حفلة تامر حسني حفل تامر حسني تامر حسنی
إقرأ أيضاً:
ربنا يطمن قلبك وقلب أمه.. أنغام تدعو لـ آدم تامر حسني بالشفاء
حرصت المطربة أنغام، على دعم الفنان تامر حسني، بعد إجراء نجله آدم لعمليتين جراحيتين.
ونشرت أنغام صورة له مع ابنه عبر حسابها الشخصي بموقع إنستجرام وعلقت قائلة: "نرجو من الله الشفاء العاجل لآدم ايه العزيز تامر حسني، ربنا يطمن قلبك وقلب أمه يارب".
وأعلن النجم تامر حسني عبر حسابه الشخصي على فيسبوك، منذ قليل عن خضوع ابنه آدم لعمليتين جراحيتين كبيرتين بشكل مفاجئ، إثر انفجار الزائدة الدودية، موجها رسالة شكر لجمهوره على كم الدعوات التي تلقاها لشفاء ابنه.
وكتب تامر حسني عبر حسايه الشخصي فيس بوك: “على تليفوني و تليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بسو بقولكم كده عشان تبقوا حريصين مع نفسكم أكتر ولولادكم.. ومش كل سخونية تقولوا ده شوية برد و خلاص لا روحوا اكشفوا كويس و اعملوا سونار على البطن و الزايدة مرة و٢ عشان برضو ساعات مش بيبان و لازم الدكتور يضغط بطريقة معيّنة، تقريباً أقوى شوية عشان يعرفلإني سمعت كتير اليومين دول إن الزايدة خادعة”.
وتابع: “اطمنوا كذا مرة قبل لحظة انفجارها عشان بجد مشاكل بتحصل بعدها كبيرة و محزنة أوي.. وحبيبي آدم عمل عمليتين صعبين أوي عليه وبدعواتكم مستنيين النتايج تكون خير يارب و يعدي مرحلة الخطر”.
وأوضح: "اشفيه وعافيه يارب، هو وكل ولادنا بس هو راجل و هيتحمل وإن شاء الله ربنا يكرمه و يعافيه و يحفظه هو و إخواته و يحفظ كل ولادكم يارب وأحب أقول تاني شكراً من كل قلبي على دعواتكم.. أنا شايف قلب كل حد فيكم و هو بيدعي بصدق متشكر أوي يا جماعة شكراً لكل اللي اهتم وسأل عن ابني و دعاله هنا أو على التليفون واللي طلعوله صدقات لشفائه من غير ما يعرفونا شخصياً أنا مش لاقي كلام أشكركم بيه و أنا برضو بدعيلكم و بقول لكم مثلها وأضعاف أضعافها و ربنا يحفظكم ويحفظ أولادكم قادر يا كريم".
وزيرة البيئة تناقش مع المديرة التنفيذية لبرنامج الأمم المتحدة للبيئة آخر مستجدات مفاوضات معاهدة البلاستيك