شوبير يوضح كواليس رحيل المعد النفسي عن الأهلي

وجه الإعلامي أحمد شوبير، رسالة قوية إلى عماد فاروق المعد النفسي السابق للنادي الأهلي، عقب قرار رحيله من منصبه، بعد ساعات من تعيينه عبر برنامجه الاذاعي مع شوبير.

وقال أحمد شوبير "لازم أتكلم عن موضوع المعد النفسي، لأن كابتن عماد فاروق صديقي، أعلم أنه كان لاعب طائرة مميز في الأهلي، واللي اختاره كابتن محمد رمضان وأكيد عن قناعات".

وأضاف: "يسمحلي الكابتن عماد فاروق أني أختلف معاه، هو قال بنفسه أنا طلبت راتبا من 20 إلى 25 ألف دولار في الشهر، وسألت كابتن محمد رمضان هو انت بتاخد كام، وأنه اسمه أخصائي الاستثمار النفسي، مش معد نفسي".

وأشار شوبير إلي أن عماد فاروق طلب كمان تواصله يبقى مباشرة مع رئيس النادي ويكون له مكتب، ويتواجد على دكة البدلاء، وأنا مش عارف إيه ده كله، العملية زادت أوي، وأنا مش مبسوط ولا حد مبسوط بالحوار ده".

واختتم "كانت تجربة جديدة ومخدتش 48 ساعة وانتهت، وبتحصل في كل مكان، وارد أنك تاخد قرار أو فكرة وما تحصلش، أتمنى من الكابتن عماد يلتزم الصمت كفاية بقى، عشانه هو مش عشان النادي لأن الأهلي ما فيش حاجة هتقصر معاه".

المصدر: صدى البلد