خيري رمضان: كولر مصاب بحالة من التوهان والجهل الكروي

أكد الإعلامي خيري رمضان، أن المدير الفني للنادي الأهلي مارسيل كولر أدار مباراة القمة أمام الزمالك بشكل في غاية السوء.

وقال رمضان خلال برنامج "مع خيري" المذاع على قناة "المحور": "أكتر شيء كنت مندهش له فرحة جمهور الزمالك، فرحانين ليه فرحانين بالتعادل إزاي أنتوا كان عندكم فرصة تغلبوا 3-4 مكنتوش هتلاقوا صيده زي الأهلي إمبارح أنتوا نازلين خايفين واكتشفتوا أن الفرقة دي بمدربها وهم".

وأضاف: "كانت وهم وبلا استعداد وبلا قراءة ويكفيك مشهدين، المشهد الأول 44 نقلة من لاعبي الزمالك قبل هدف التعادل، اتنين وكأننا نرى مباراة معادة، وأنا قاعد بقول لا يمكن يسمح لعمر جابر بالتقدم من الناحية اليمين أبدا".

وتابع: "لما حط كوكا قلت الراجل ده بيخرف تاني، كولر من السنة اللي فاتت وهو مصاب بحالة من التوهان والجهل الكروي جهل حقيقي، لعب كوكا باك شمال، وهو لاعب وسط ولعب بأكرم توفيق اللي بيلعب بقاله زمن في خط النصر باك يمين والاتنين معملوش كرة عرضية واحدة طوال المباراة".

وواصل: "عنده كريم الدبيس باك شمال عبقري وعندك محمد هاني حالته كويسة جدا ومنزل أحمد رضا جنب مروان عطية لاعبين ارتكاز عشان يبقوا مع الأربعة ستة بيدافعوا".

وأوضح: "مدرب عنده لاعيبة جايين من برة بفلوس كتير الزمالك قبل المباراة عنده مشاكل جايب بيسيرو من ست أيام في فرصة بعد كده إيه؟ مدرب مرتعش، ولم يقرأ المباراة وعندما أراد التغيير غير أسوأ تغييرات لفرقة عايزة تفوز مدرب اجمع عليه جمهور الأهلي بأنه لم يعد يصلح والأدارة في مأزق".

واختتم: "هذا المدرب بياخد 230 ألف يورو غير المساعدين بتوعه لو مشوه دلوقتي، هو معانا مفترض أن عقده ينتهي مع كأس العالم للأندية وهذا الرجل لن يحصل على الدوري المصري بهذا الفكر، ولن يحصل على إفريقيا لأنه عشوائي وعنيد ودمر كل المواهب في النادي الأهلي".

المصدر: صدى البلد