أحمد سعد يطلق حبيبي ياه ياه بمشاركة عفروتو ومروان موسى
تاريخ النشر: 23rd, July 2025 GMT
أطلق النجم أحمد سعد قبل قليل أغنيته الجديدة "حبيبي ياه ياه" عبر قناته الرسمية على موقع الفيديوهات العالمي يوتيوب ومنصات الموسيقى المختلفة ضمن أغاني "الوش الثاني" من ألبومه الجديد "بيستهبل" بمشاركة عفروتو ومروان موسى في أول تعاون غنائي بين الثلاثي.
. رانيا فريد شوقي تحيى ذكرى ميلاد والدتها
الأغنية الجديدة من ألحان أحمد سعد وعفروتو ومروان موسى وأحمد طارق يحيى، وهي من كلمات فلبينو ومن توزيع أحمد طارق يحيى وميكس هاني محروس وماستر مازن مراد.
وأطلق أحمد سعد أغاني الوش الثاني من ألبومه الجديد "بيستهبل" اليوم بداية من الساعة الخامسة مساء بعد تصدر أغاني "الوش الأول" التريند عبر منصات التواصل المختلفة على مدار الأسبوع الماضي في مصر وعدد كبير من دول الوطن العربي والعالم وهي أغنيات " بطة ومكسرات وتاني وأخويا وبيستهبل".
*كلمات أغنية حبيبي ياه ياه*
حبيبي ياه ياه
حبيبي عنده معاد
هاجيبله طيارة
ودا لاجل الحب
ركبت فيها لوحدي
ده نسيني يا خسارة
وده لاجل الحب
ضربني نار بعنيه عديتها ما عاتبتوش
وده لاجل الحب
لطعني من ساعتين قال أيه بيظبط روج
وده لاجل الحب
اديته باسورداتي وسنابي أنا قفلته
ودا لاجل الحب
جبتله بيستاشيو وفي بوقه أكلته
دا الحب يا ناس عملوه
مافيهوش ولا لاء ولا No
اطلب بقى زي ما تطلب
وانا اقولك I Love You
حبيبي يا يا حبيبي يا يا
اطلب عيني هتاخد حضن معاها
اؤمرني يا يا عم العالم انت
لو نجمة من السما بربش تلقاها
دا باعتلي
موجيهات بتدمع
وانا اقول
شكله بيتدلع
اجي اصالحه يسيب قلبي يولع
ودا لاجل الحب
في الفجر
يصحيني من نومي
يغلبني
في طرنيب و في كومي
بطلت عشانه الاندومي
وده لاجل الحب
ببعتله الورد في عنوانه
و بجيبله الجوتشي بالوانه
فوت البادل انا علشانه
و ده معنى الحب
دا الحب ياناس عملوه
مفيهوش ولا لاء ولا No
اطلب بقى زي ما تطلب
وانا اقولك I Love You
المصدر: صدى البلد
كلمات دلالية: أحمد سعد مروان موسى عفروتو حبیبی یاه یاه أحمد سعد
إقرأ أيضاً:
قبل أمم أفريقيا.. رسالة حاسمة من أحمد موسى لمحمد صلاح.. فيديو
علق الإعلامي أحمد موسى على مشاركة النجم المصري محمد صلاح مع فريقه ليفربول، والفوز على برايتون بهدفين دون رد، ضمن مباريات الجولة الـ16 من منافسات الدوري الإنجليزي الممتاز.
وقال أحمد موسى، خلال تقديم برنامج «على مسئوليتي» المذاع عبر قناة «صدى البلد»، إن جماهير الريدز تغنت بنزول محمد صلاح، وطوال المباراة كانت تهتف باسم نجمنا المصري وتحتفي بمشاركته داخل الملعب.
وأوضح أحمد موسى، أن محمد صلاح سوف يغادر ليفربول عقب المباراة مباشرة، من أجل الانضمام إلى صفوف المنتخب الوطني والمشاركة في بطولة أمم أفريقيا، المقرر إقامتها في المغرب.
وتابع: محمد صلاح ساهم في فوز فريقه بعد صناعته الهدف الثاني للريدز، ليصبح أكثر لاعب مساهمة في الدوري الإنجليزي لفريق واحد.
وأشار أحمد موسى ، إلى أن صلاح، عقب جلوسه مع سلوت مدرب ليفربول، شارك كبديل في الشوط الأول وأكمل المباراة حتى نهايتها، معلقًا: «صلاح صنع الهدف الثاني للفرنسي إكيتييه، وصلاح النهاردة كان رايق ومبسوط وهو بيلعب، والمباراة النهاردة كانت من أكثر المباريات مشاهدة في ترقب لمشاركة الفرعون المصري».
وأضاف: «مفيش نجم ولا أسطورة عربي أو أفريقي على مدار العقدين المقبلين هيضاهي أرقام صلاح، مين عنده كم الجوائز والإنجازات دي؟ صلاح يستحق كل الدعم، وبالنسبة لينا محمد صلاح أسطورة، وصلاح محب لوطنه ودايمًا بيرفع علم مصر في كل إنجاز بيحققه».
وأردف: «محمد صلاح يليق به إنه يجيب أفريقيا مع مجموعة اللاعبين، وصلاح وصلنا مرتين لكأس العالم، ودلوقتي إحنا بنطالب صلاح وكل المجموعة بالفوز بالكان، وصلاح ناقصه فقط كأس العالم، 120 مليون مصري بيطلبوا منك البطولة، عارفين البطولة مش سهلة، لكننا نثق فيكم، أوصلوا النهائي وشوفوا الجماهير اللي هتيجي ليكم من مصر هتبقى إزاي».
واختتم أحمد موسى تصريحاته قائلًا: «إحنا دلوقتي بنشجع ليفربول ليه؟ علشان نجمنا صلاح، ولو صلاح راح فريق إكس كلنا هنروح نشجعه، لأننا بنشجع نجمنا في أي مكان، ونفس الكلام ينطبق على نجمنا عمر مرموش».
الظهور الأول لـ هدير عبد الرازق وطليقها أوتاكا أمام المحكمة