أنغام باكية : كان كل خوفي اسيب ولادي… ودعواتكم كانت دوائي
تاريخ النشر: 28th, August 2025 GMT
حرصت الفنانة أنغام علي توجيه رسالة صوتية إلى جمهورها عبر موقع فيسبوك، بعد أزمتها الصحية.
وقالت أنغام : أنا فكرت أكتب ولا أتكلم معاكم بصوتي وأقولكم شكرًا لكل واحد وقف جنبي ودعالي حتى لو مش بيحبني، أنتم دعيتوا وربنا استجاب، ودعاكم كان هو الدواء، وهو اللي خلاني أقف على رجلي بعد ربنا.
وتابعت : مش عارفة ما أبكيش من فرحتي وامتناني لله وليكم انتوا كمان دعيته لأم اتمنت من ربنا انها تكمل شويه حياه مع أولادها وتفرح بيهم وترجع تعيش وسطهم تانى أنا كان كل خوفي أسيب ولادي مش عايزه حاجه من الدنيا غير بس بدعي ربنا أرجعلهم نفسي اكمل معاهم شويه".
وتابعت باكية أنغام: لما شوفت دعواتكم وأنا في المستشفى كنت بضطر أفضّل مفتحة عيني عشان أقوم ، دعواتكم كانت أكلي وشربي ودوايا الحقيقي، وسبب إن أم ترجع تعيش مع أولادها تاني.
و استكملت أنغام: مكنتش عايزة حاجة من الدنيا غير أرجع لولادي وأعيش معاهم، عمري ما كنت بالخجل والضعف دا، لكن مش خجلانة من ضعفي قدامكم، أنتم أهلي ومش عيب أضعف قدامك.
وأضاف: "بشكر ولادي وأمي وصحابي وإخواتي وكل واحد ساعدني في مرضي حتى لو حرك السرير فقط.
المصدر: صدى البلد
كلمات دلالية: بكاء أنغام أنغام مرض أنغام انغام الفنانة أنغام
إقرأ أيضاً:
غادة عادل: دوري في فيها إيه يعني؟ هدية من ربنا ليا
عبّرت الفنانة غادة عادل عن سعادتها بتجربتها في فيلم "فيها إيه يعني؟" من خلال شخصية "ليلى"، قائلة:"ليلى بالنسبة لي كانت بمثابة هدية من ربنا، لأن السينما، والأدوار، والسيناريو، وتوافر عناصر الإخراج بتكون نعمة من نعم ربنا، ومش بتيجي كتير لأي ممثل".
وأضافت، خلال لقاء ببرنامج "الصورة"، الذي تقدمه الإعلامية لميس الحديدي على شاشة "النهار":"لما جالي دور ليلى، تذكرت نصيحة الفنانة العظيمة ميرفت أمين لما قالت لي إن الفنان ممكن يعد سنين طويلة جدًا لحد ما يلاقي دور حلو. ولما أفكر في الأدوار اللي جتلي قبل كده زي شقة مصر الجديدة وملاك إسكندرية، وبعد كل السنين دي، لما يجيلي دور زي ده، مش ممكن أفكر في فكرة السن، حتى لو كنت أكبر، كنت هعمله برضو".
وأشادت بالمخرج عمر رشدي، قائلة:"مخرج متميز، بيدي للفنان الراحة والثقة، ومابخلش على حد بأي توجيه. قدر يحطنا كلنا في المود".
وردًا على سؤال الإعلامية لميس الحديدي: "ده مخرج شاب، وأول فيلم ليه. هل تثقوا في مخرج أول مرة يعمل فيلم؟"جابت غادة:"من أول قعدة معاه، ارتحت، وقلت: هو ده".
مناقشة ترتيبات استئناف الرحلات الجوية بين ليبيا والإمارات