الرئيس السيسي: 6 أنفاق تحت قناة السويس لربط سيناء بالدلتا.. فيديو
تاريخ النشر: 25th, October 2025 GMT
قال الرئيس عبد الفتاح السيسي، رئيس الجمهورية، إننا ربطنا سيناء للي ميخدش باله، في 6 أنفاق موجودين تحت القنال، عشان تبقى سيناء والدلتا حتة واحدة.
وتابع الرئيس السيسي، في كلمته للحضور في احتفالية "مصر وطن السلام" بالعاصمة الإدارية الجديدة: شهر أكتوبر شهر جميل وهو شهر النصر، وعايز أقولكم النصر مجاش بالجيش أو القوة بس، لكن النصر بيجي أولا بقوة الشعب اللي بيرفض الهزيمة ربنا بيعينه على النصر.
وأشار الرئيس السيسي إلى أننا نريد تنسيق بين وزارة التربية والتعليم ووزارة الشباب والوزارات المختلفة، ننسق وننظم زيارات لأولادنا وبناتنا الصغيرين إلى سيناء.
والاحتفالية يتم تنظيمها تحت عنوان "مصر وطن السلام"، من إخراج ميدو شعبان، وتأتي في إطار احتفاء وطني يهدف إلى إبراز الدور المحوري الذي تقوم به مصر في دعم السلام والاستقرار على المستويين الإقليمي والدولي."
المصدر: صدى البلد
كلمات دلالية: سيناء الرئيس عبد الفتاح السيسي رئيس الجمهورية أنفاق القنال شهر أكتوبر الرئیس السیسی
إقرأ أيضاً:
الرئيس السيسي: النصر يأتي بقوة الجيش والشعب الرافض للهزيمة
أكد الرئيس عبد الفتاح السيسي، أن النصر لا يأتي بقوة الجيش فقط، وإنما يأتي أولا بقوة الشعب، مؤكدا أن الشعب الذي يرفض الهزيمة يتمكن من تحقيق النصر.
وأضاف الرئيس السيسي، خلال كلمته باحتفالية وطن السلام: «زي ما انتو شوفتوا اللي حصل في شرم الشيخ، اللي حصل ده فيه فضل كبير من ربنا، لينا الشرف ولينا الفخر ان ربنا هو اللي يساعدنا، لما ربنا يساعدك معناه ان قضيتك عادلة، مفيش فيها ظلم، مفيش فيها افترى، مفيش فيها اعتداء على حقوق الآخرين».
وبدأ الرئيس عبد الفتاح السيسي، كلامه في احتفالية وطن السلام قائلا: «بسم الله الرحمن الرحيم، دعوني أبدأ كلامي بالحمد، الحمد لله».
وقاطعه بعدها عدد من الحضور قائلين: بنحبك يا ريس، ربنا يحميك يا ريس، ربنا يخليك لينا يا ريس.
ثم قال الرئيس: « عايز أوضح نقطة مهمة، خلوني أرحب بيكم كلكم أولا، وخلوني أوجه كل التحية والتقدير للمصريين وللضيوف اللي معانا هنا في الاحتفالية، وأوجه الشكر للفنانين اللي شاركوا في الاحتلال خلى اليوم ده وخلى اللحظات لحظات جميلة».
وأضاف الرئيس السيسي: «لو عايزين نشكر نشكر صاحب الفضل، وده مش أنا، ده ربنا، ومش من دلوقتي، ده من زمان».
وأوضح الرئيس السيسي: «عايز أقولكوا على حاجة من سنتين، لما حصل اللي حصل بقيت أقول الأيام اللي جاية أيام صعبة، كل الدعوات اللي كانت بتطلب ان احنا نقبل ان هما يمشوا من القطاع، صعب عليك ان انت تلاقي نفسك أحيانا لوحدك وبتتعامل لوحدك وبتفكر لوحدك، انا بقولكوا الكلام ده بعد ما عدى سنتين وبعد ما كانت المسؤولية صعبة».
وأكد الرئيس السيسي أن القرار مسؤولية، وأنه كلما كانت المسؤولية تكون كبيرة كل ما القرار يبقى خطير.
وأضاف الرئيس السيسي: «كنا متأكدين وواثقين في ربنا إن الأزمة في القطاع هتنتهي، لكن أهم حاجة كانت بالنسبالنا، ان كل اللي بنعمله يكون في مصلحة الناس في القطاع، وفي مصلحة السلام».
وتابع حديثه قائلا: «كل أمر ليه حساباته، ولكن الحسابات مهما كانت دقيقة، فكل اذا كان ربنا هيساعد وهيسدد كل الأمور هتمشي».
وأضاف الرئيس السيسي: «وزي ما انتو شوفتوا اللي حصل في شرم الشيخ، اللي حصل ده فيه فضل كبير من ربنا، لينا الشرف ولينا الفخر ان ربنا هو اللي يساعدنا، لما ربنا يساعدك معناه ان قضيتك عادلة، مفيش فيها ظلم، مفيش فيها افترى، مفيش فيها اعتداء على حقوق الآخرين».
وطلب الرئيس السيسي من وزارة الداخلية ووزارة التعليم التنسيق لتنظيم زيارات للطلاب والشباب في سيناء، حيث قال: «لو سمحتوا وزارة التعليم ووزارة الداخلية ننظم لولادنا وشبابنا وشباتنا زيارات لسينا عشان يتعرفوا على تاريخنا وبطولات أهلنا هناك».
وقال الرئيس السيسي: «لازم نرحب بريتاج وكل اللي زي ريتاج».
وأكد الرئيس السيسي: «النصر مبيجيش بس بقوة الجيش، النصر بييجي أولا بقوة الشعب، الشعب هو اللي بيعين، الشعب الذي يرفض الهزيمة يتمكن من تحقيق النصر، تحيا مصر، تحيا مصر، تحيا مصر».
وشارك في احتفالية وطن السلام، نخبة من ألمع الفنانين المصريين والعرب منهم: «محمد منير وأصالة وأمال ماهر وأحمد سعد ومحمد حماقي وحمزة نمرة ومدحت صالح»، ومجموعة من ألمع الفنانين أبرزهم هشام ماجد ومصطفى غريب ومحمد سلام وأحمد غزي ونور النبوي ويوسف عمر ومصطفى عماد ومحمد سلام، كما أن هناك فقرة خاصة يقدمها أحمد غندور (الدحيح).
وتهدف احتفالية وطن السلام إلى تسليط الضوء على دور مصر المحوري في دعم السلام حول العالم، وجهودها المستمرة لتحقيق الاستقرار في فلسطين ودول أخرى.
الرئيس السيسي يبحث مع رئيس الأركان الباكستاني سبل تفادي التصعيد في الشرق الأوسط وجنوب آسيا
سفير أوكرانيا: المتحف المصري الكبير يعكس النهج الثابت للرئيس السيسي في صون التراث التاريخي لمصر
عاجل.. الرئيس السيسي يشدد على تنظيم احتفالات المتحف المصري الكبير بما يليق بمكانة الدولة
احتفالية وطن السلام.. الرئيس السيسى يستجيب للأطفال بالتقاط صورة تذكارية