ماجد الكدواني يكشف سبب تخوفه من زواج ابنته
تاريخ النشر: 5th, September 2023 GMT
كشف الفنان ماجد الكدواني، عن سبب تخوفه من زواج ابنته ساندرا، وذلك خلال استضافته في برنامج “صاحبة السعادة" الذي تقدمها الإعلامية إسعاد يونس،عبر شاشة DMC.
ماجد الكدواني: مش قادر اتخيل أن بنتي هتتجوز
وقال ماجد الكدواني: "عندي مشكلة مش قادر اتخيل أن فيه راجل هياخدها مني وساعات بقولها مين الجزمة ده اللي هيجي يتجوزك وياخدك مني إحساس صعب".
واستكمل حديثة قائلا: "ولادي يوسف وساندرا نقطة ضعفي، هما ثمرة الحياة وثمرة الحياة غالية لما بشوف حد بيكبر ويتبني قدامي وجاء من لا شيء فهذه نعمة كبيرة فهم هدايا في الحياة، شوفتهم بيكبروا ويتكونوا وواخدين حتة مني مشاعر واحساسيس متتوصفش لكنها غالية أو ي، ربنا يحفظهم ويفرح كل الناس بأولادهم".
ماجد الكدواني: يوسف ابني صاحبي من صغره
وأكمل ماجد الكدواني: " يوسف ابني صاحبي من صغره كبير ومسئول وتطورت العلاقة إني بستشيره وبيهمني رأيه ولما جاء الجواز بتاعه يقرب زي اللى عنده عملية وخايف منها، ولحظة لما سافر أمريكا وكان بيدرس هناك كانت صعبة بالنسبة لي، أما ساندرا عندي مشكلة مش قادر اتخيل أن فيه راجل هياخدها مني وساعات بقولها مين الجزمة ده اللي هيجي يتجوزك وياخدك مني إحساس صعب".
وتابع ماجد الكدواني: "أحلى حاجة فرحت قلبي في يوم فرح ابني ده كلمة اتقالت على لسان الكل المحبة والحب الحقيقي ومش بغصب على حد يجي فرح ابني، واتفاجئت بوجود رامي إمام وكريم عبد العزيز وريهام عبد الغفور وهاني رمزي وشيرين رضا، ولمست حب حقيقي من كل الناس، وكريم عبد العزيز قال لي ده فرح ابني، وأحمد الجنايني تعب أكتر مني في تجهيز الفرح لإني كنت بجهز فيلم أبو نسب، فالمحبة نعمة كبيرة أوي والحمد لله والشكر لله".
ماجد الكدواني: بقيت عايش اليوم بيومه
وأكمل ماجد الكدواني قائلا: "بقيت عايش اليوم بيومه وامبارح خلص وبكرة بتاع ربنا، لكن دايما بنتأمل في أن ربنا بيجيب الخير ".
المصدر: بوابة الفجر
كلمات دلالية: ماجد الكدواني الفنان ماجد الكدواني الفجر الفني ابنه ماجد الكدواني اسعاد يونس ماجد الکدوانی
إقرأ أيضاً:
خالد الجندي: من يحرِم الأبناء من رؤية أحد والديهم نُزِعت الرحمة من قلبه
وجّه الشيخ خالد الجندي، عضو المجلس الأعلى للشؤون الإسلامية، رسالة مؤثرة إلى الآباء والأمهات الذين يستخدمون أبناءهم كورقة ضغط بعد الطلاق، مشددًا على أن حرمان الطفل من رؤية أحد والديه أو أجداده جريمة لا يرضاها الله ولا رسوله، وتتجاوز القوانين الأرضية إلى مخالفة صريحة لرحمة السماء.
وأوضح عضو المجلس الأعلى للشؤون الإسلامية، خلال حلقة برنامج "لعلهم يفقهون"، المذاع على قناة "dmc"، اليوم الخميس: "النبي ﷺ، قال: (ما أفعل وقد نُزعت الرحمة من قلبك؟)، اللي بيحرم عياله من رؤية أبوهم أو أمهم أو حتى جدهم وجدّتهم، ربنا نزع من قلبه الرحمة، لأن دي مش خصومة بين اتنين كبار، ده عقاب لأبرياء ملهمش ذنب".
وأضاف مستنكرًا: "المصيبة إن في حاجات القانون مش بيقدر يحسمها، يعني واحدة تقول له: مش هتشوف عيالك، وهو يقول: مش هدفع ولا مليم، لا نفقة ولا مؤخر، وبعدين تلاقي اللي بيتضرر في الآخر هم الأولاد".
وأوضح: "القرآن قال: (فَسَرِّحُوهُنَّ سَرَاحًا جَمِيلًا)، مش سرّحها نكد ومكايدة وتقطيع هدوم وخصومة مالهاش آخر، لأ، السرّاح لازم يكون جميل، ولو مش جميل، يبقى ربنا ما يرضاش عنه".
وأشار الجندي إلى أن بعض الأزواج يُمعنون في الإيذاء بعد الطلاق، قائلًا: "تلاقيه يجيب لها العفش من بائع الخُردة، ويقول لها: هو ده اللي عندي، ويقعد ينكّد عليها في كل حاجة، في المؤخر، في النفقة، في قائمة المنقولات، وكأنها حرب انتقام مش انفصال محترم".
وتابع: "اللي طالب رضا الكبير، لازم يتعامل بجمال، لأن ربنا مش بيرضى بالقُبح، ولا بالقسوة، ولا بالخصومة اللي تضيع عيال وتكسر قلوب".
???? ما هو الحلو الذى جلبته المليشيا إلى دارفور ؟