بسمة وهبة تهاجم أحد المطربين: «إنت بقيت مادي جدًا مش كل حاجة الدولار والفلوس»

هاجمت الإعلامية بسمة وهبة أحد المطربين، موجهه له رسالة بعد ما حدث اليوم من إشادة نجوم الفن بالراحل المطرب علاء عبدالخالق.

أخبار متعلقة

«أحفاد مشتركين».. علاء عبدالخالق يكشف صلة قرابته بالخطيب‏ في لقاء سابق (فيديو)

أحمد سعد يرد على مطالبته بالاعتذار لسيدات تونس: «منظمة الحفل قالتلي انت فنان مش محترم» (فيديو)

منظمة حفل «تونس» تعتذر لأحمد سعد وتكشف سبب الأزمة

وقالت «وهبة» في تعليق عبر برنامجها «90 دقيقة» والمعروض على قناة المحور، اليوم الثلاثاء، موجهة حديثها لهذا المطرب، والذي لم تكشف عن اسمه، قائلة: «ياريت تتعلم أخلاقيات المهنة من اللى إنت شوفته النهارده، إنت بقيت مادي جدًا، مش حاجة الفلوس، وياريت تتعلم التواضع، نجوم كتير النهارده أكبر منك بكتير جدًا نعوا الراحل علاء عبدالخالق».

وأضافت: «لما كنت بدافع عنك، أنا كنت بدافع عن بلدي، ومش زعلانة إني دافعت، لكن إنت في الحقيقة ما تستهلش إنه حد يتكلم عنك، لأنك كنت قاعد بتتفرج على الحلقة ومش عايز تدخل وترد، ولا إنك تساعد زميل ليك، ولا حد بيكلمك عشان خاطر تعتذر، وإحنا بنتكلم وهندي الأمور، ونتكلم عنك بكل محبة».

وتابعت «وهبة»: «ياريتك تتعلم إن الفن مش بفلوس، ياريت تتعلم من الأصغر منك تامر حسنى، محدش بيطلب منه حاجة إلا ويعملها له، إنت فاهم الفن غلط، إنت بتساويه بالدولار والفلوس، وياريت تتعلم».

بسمة وهبة تامر حسني المطرب علاء عبدالخالق

المصدر: المصري اليوم