تامر هجرس: بعتبر الصلاة والقرآن من أنواع التأمل (فيديو)

قال الفنان تامر هجرس، إنه في شهر رمضان لم يشاهد أي مسلسل من مسلسلات، وتفرغ للعبادة فقط خلال الشهر الكريم.

أخبار متعلقة

تامر هجرس: بدأت مسيرتي مع الكبار.. وعادل إمام هرم من أهرامات الفن المصري

تامر هجرس: «الراجل الشرقي لازم يحب مراته ويفتخر بيها.. والإشاعات اللي بتطلع عني بتسلّيني»

تامر هجرس: دراستى لعلم النفس ساعدتنى على تقديم «شوجر دادى»

وأضاف «هجرس» خلال لقائه ببرنامج «أسرار النجوم» مع الإعلامية إنجي على: «رمضان بالنسبة ليا عبادة ورياضة وعزومات مع الأصدقاء، وقررت أني مروحش أي سحور مش عايز أسهر، بروح أفطر مع أصحابي وبعد كده العبادة صلاة التراويح وقراءة القرآن».

تابع: «بالنسبة ليا الموضوع دا القرآن والصلاة نوع من التأمل، لأنك بتاخد وقت لنفسك بعيد عن أي دوشة أو زحام في المخ، المخ بيبقى مركز بس مع ربنا وربنا بيرفع الروح وقت الصلاة تحس أنك بتنضف، مهم أن أي بني آدم يكون عنده في اليوم وقت ينضف روحه عشان يدي إيجابية».

واستكمل: «أنا كل حاجة نفسي فيها عندي، ومش عايز أقول أني نفسي في حاجة لأني مكتفي بكل الأشياء اللي في حياتي، عايز يبقى عندي قناعة ورضا وأقرب من ربنا».

أخر أعمال تامر هجرس

شارك الفنان تامر هجرس مؤخرا في فيلم «شوجر داجي»، بطولة الفنانة ليلي علوي، والفنان بيومي فؤاد، ومن إخراج محمود كريم وتأليف لؤي السيد.

وتدور أحداث فيلم «شوجر دادي» في إطار كوميدي حول رجل يمر بأزمة منتصف العمر، وتقوده مراهقته المتأخرة إلى إقامة علاقة سرية مع راقصة، لتنقلب حياته وحياة أسرته رأسا على عقب.

تامر هجرس الفنان تامر هجرس تصريحات تامر هجرس اخر اعمال تامر هجرس

المصدر: المصري اليوم