خالد النبوي يكشف موقف والده من عمله في التمثيل ونصيحة نور الشريف له
تاريخ النشر: 23rd, December 2023 GMT
متابعة بتجــرد: خلال حواره مع الإعلامي محمد سعد في برنامج sold out، كشف الفنان خالد النبوي عن رأيه في النجم الراحل نور الشريف، والنصيحة التي قدمها له، وكشف أيضًا عن حديثه مع والده قبل الشهرة، ورد فعل والده على عمله في التمثيل.
وقال النبوي: “والدي لما عرف إني اشتغلت في التمثيل لقيته بيقولي (أنت فاكر نفسك هتبقى نجيب الريحاني)”، وأضاف: “أنا كمان كنت بقول لنفسي هو أنا ممكن أبقى زي نجيب الريحاني مش معقول”.
وعن رأيه في الفنان الراحل نور الشريف قال: “مش سهل أبداً تبقى نور الشريف، أنا دخلت المكتب عنده وشوفت الـ22 جزء من موسوعة قصة الحضارة وهو كان بيعملنا لقاء علشان فيلم عايز فيه شباب صغير من المعهد، فأنا لما شوفت هو بيتعامل مع الكتاب إزاي قلت أنا عايز يبقى عندي الكتاب ده وفعلا جبته”.
وتابع متحدثاً عن نصيحة نور الشريف له: “هو اللي قالي لازم تستمر أنا كنت برفض أعمال هو قالي السينما لازم استمرار وإوعى تبعد حتى لو السيناريو مش عاجبك اعمله ومتقعدش في البيت لأن وأنت بتشتغل هيجيلك السيناريو اللي يعجبك لغاية لما تقدر تتحكم ومتعملش غير الكويس”.
وعن كيفية صناعة النجم قال: “في طريقين الأول إنك تخلي شخصياتك نجوم زي أحمد زكي يعمل شخصية يخلي الشخصية نجم، ولولا أحمد زكي أنا مكنتش هفكر في التمثيل، ولولا نجيب الريحاني مكنتش همثل وأنا طول الوقت بحب أشوف اللي قبلي”.
View this post on InstagramA post shared by CBC Egypt (@cbcegypt)
main 2023-12-23 Bitajarodالمصدر: بتجرد
كلمات دلالية: فی التمثیل نور الشریف
إقرأ أيضاً:
بعد انفعاله على والده.. نجل سائق محمد صبحي يرد :أبويا مش بيذل نفسه ومأجرمش
علق نجل سائق الفنان محمد صبحي على الفيديو المتداول الذي أثار جدلا على مواقع التواصل الاجتماعي ، والذي انفعل فيه صبحي على والده بعد تكريمه على مسرح الهناجر بدار الأوبرا المصرية، فبعد مغادرة الفنان للمسرح التف الجمهور والمصورون حوله فانزعج لتأخر السائق عليه .
وأرسل نجل سائق محمد صبحي رسالة إلى إحدى الصفحات التي تناولت الموضوع وعلق قائلاً: “الراجل اللي بيجري وراه ده هو أبويا، واللي حصل أن أبويا راح الحمام، وللعلم هو عنده 65 سنة يعني مش صغير لما طلع هو مكلموش لأنه مش بيطلع معاه كثير أصلا. هو سواق أخته مدام سلوى عشان كده هو كان بيكلمها لما خرج.. وأبويا غلط آه معترضتش”.
وأضاف: “بس اللي حصل ده عيب جدا ولاقيت ناس عمالة تقول السواق مهمل والسواق مش عارف إيه ولازم يقف جنب العربية موقف طبيعي جدا، ووالدي طول عمره سواق وبيحصل مع كل الناس نفس الموقف ده وعادي بيعدي هو ما أجرمش”.
وختم: “أنا طالب لو هتنزلي توضيح عشان الراجل ميبقاش متهان قدام العالم كله وكمان ألاقي كلام وحش من ناس لا عارفة ولا فاهمة اللي حصل، على فكرة أنا أبويا كان شغال مع واحد ومشي بسبب إنه قاله اغسل العربيات وده مش شغله.. يعني أبويا مش بيذل نفسه ولا هو اللي عمل كده في نفسه زي ما الناس بتقول”.
تصدر الفنان محمد صبحي مؤشرات البحث على جوجل خلال الساعات الأخيرة بسبب تداول فيديو له على هامش تكريمه بمهرجان "آفاق" بمسرح الهناجر في دار الأوبرا، وهو "بيزعق" للسائق الخاص به بعدم وجوده في انتظاره بجوار سيارته بعد انتهاء التكريم.
وتعرض الفنان محمد صبحي لهجوم كبير من رواد السوشيال ميديا، بسبب إهانته لسائقه، لكن الحقيقة أن أحدا لم يراع أولا الظروف الصحية للفنان الكبير بعد خروجه من المستشفى منذ أيام، وأنه لم يكن قادرا على الوقوف بجوار السيارة فترة طويلة لعدم وجود السائق.
الانتقالي يكثف انتشاره العسكري في المهرة ويستحدث نقاط تفتيش