غضب بالفيوم تجاه مرتضي منصور.. و«رجب بحة» يرد فى بث مباشر (فيديو)

خرج الحاج رجب محمد محمد شحاتة، وشهرته «رجب بحة»، وأهالي قرية منية الحيط بمركز إطسا في محافظة الفيوم، فى بث مباشر للرد علي اتهامات المستشار مرتضي منصور، بعد عرض الأخير صورة الحاج رجب وذكر اسمه واسم قريته فى بث مباشر وجه له فيه تهمه استخدام السحر لهزيمة الزمالك في مباراته مع الأهلي.

أخبار متعلقة

«خسرنا بسبب السحر».

. أول تعليق من مرتضى منصور على رباعية الأهلي في الزمالك

القمة حمراء.. الأهلي يسقط الزمالك برباعية في الدوري الممتاز

«في احتفالية الدوري».. الأهلي يُسقط الزمالك برباعية في الدوري الممتاز

ملخص فوز الأهلي أمام الزمالك 4-1 الدوري المصري

الحاج رجب بحة يرد فى بث مباشر علي المستشار مرتضي منصور: حرام عليك تشوه سمعتي ومعايا بنات علي وش جواز وحافظ القرآن

ويقول رجب محمد محمد شحاتة، وشهرته رجب بحة: "سيادة المستشار متهمني بالباطل إن أنا بسحر، وأنا راجل أمي لا بعرف أقرأ ولا أكتب ولا بعرف أعمل حاجة، وقسمًا بالله العظيم، قسمًا بالله العظيم مرة تانية، إني ما بعرف أعمل الحاجة دي، وإللي بيعملها بيقي مشرك بالله، وأن راجل شغال بنا عامل بإيدي، شغال أرزقي، ولو تيجي تتفرج علي المعيشة اللي عايشينها، وبيتي إللي عايش فيه، مش هترضاه لنفسك، وسمعتي وسمعة ولادي، كده غلط وكده ما ينفعش، وحرام عليك لما تشوه سمعتي بالطريقة دي، ومعايا عيال وبنات علي وش جواز، وأنا حافظ قرآن.

بث مباشر الحاج رجب بحة وأهل قريته يردون علي المستشار مرتضي منصور

أحد أهالي الفيوم: هي الكورة فيها سحر؟

وقال أحد أهالي قرية منية الحيط بمركز إطسا في محافظة الفيوم، «ياسيادة المستشار دا الراجل اللى انت بتتكلم عنه، وانت راجل دولة، إزاي تتكلم بالطريقة دي علي الناس، وإزاي بتتهم الناس بالباطل عشان واحد قالك كلمتين تطلع علي الهوا، فى بث مباشرتتكلم علي ولاد الناس، الراجل دا لا يعرف الأهلي ولا يعرف الزمالك، دا راجل بنا، راجل أمي لا يعرف كيف يكتب اسمه، إزاي بتتكلم عنه بالأسلوب دا علي الهوا، وعنده أولاد وعنده عيلة، الكلام دا غلط يا سيادة المستشار، إنت ما بتقبلش فى أولادك كلمة، إزاي تقبل تتكلم كده عن ولاد الناس، دا تهريج، راجل معاه أولاد وأسرة إزاي يتكلم عنه كده، وهو دا اللى خللي الزمالك يتغلب (4-1)، سحر إيه،هي الكورة فيها سحر؟».

أحد أهالي منية الحيط في الفيوم: لو كان هيسحر كان سحر لنفسه واتغني

وقال آخر، «الكلام اللى بتقوله دا يا سيادة المستشار غلط، لأن الراجل دا إمام مسجد، وبنصلي وراه، وهنقوم نصلي الفجر دلوقت وهو بيصلي الإمام بتاعنا، وكده غلط إنك تقول عليه ساحر، هو مش ساحر، ولو كان هيسحر كان سحر لنفسه واتغني».

وأضاف ثالث من أهالي منية الحيط بمركز إطسا في محافظة الفيوم، «يا سيادة المستشار إحنا زملكاوية، ومش مقتنعين بموضوع السحر، وإحنا مع الراجل دا إللي هو ابن عمي، ومفيش أسحار ولا الكلام ده».

أهالي منية الحيط: سنتخذ الإجراءات القانوينة ضد التشهير بالعائلة

وذكرت صفحة منية الحيط علي مواقع التواصل الإجتماعي أنه «تم التواصل مع أحد المحامين لإتخاذ الإجراءات القانونية الخاصة بالعائلة بخصوص تناول السيد رجب محمد شحاتة فى قناة الزمالك والتشهير بيه والتعرض له».

المستشار مرتضي منصور يهاجم الحاج رجب بحة بعد هزيمة الزمالك من الأهلي

وكان المستشار مرتضي منصور عرض صورة أحد الأشخاص فى بث مباشر وذكر إسمه وقال أنه يقيم في الفيوم فى قرية منية الحيط بمركز إطسا فى الفيوم، وذلك بعد تعرض الزمالك للخسارة أمام الأهلي بأربعة أهداف مقابل هدف، في المباراة التي أقيمت بينهما الخميس الماضي، ضمن مؤجلات الجولة الحادية والثلاثين من بطولة الدوري الممتاز.

وقال مرتضى منصور في تصريحات عبر قناة «الزمالك»: «اللي بيحصل فينا الموسم ده مش طبيعي، أنا مش هقول منشطات، بس في حاجة مش طبيعية، في واحد بعتلي رسالة لصورة الساحر اسمه رجب بحة، وطلع من الفيوم، بلد سيد عبدالحفيظ، ياريت حد من الفيوم يطلع يقولي مفيش حد بالاسم ده».

وأضاف: «الزمالك ميخسرش من الأهلي، وبعدين الأهلي كان بيلعب في السلام راح استاد القاهره ليه؟ عشان يتحكم في السحر، امبارح الاهلي يشوط تيجي جول والزمالك يشوطها في العارضة، الشغل امبارح كله كان على العارضة اليمين، أنا كنت بلاعب الجن الأزرق، لكن الجن الأحمر مقدرش، الشناوي مصدش حاجة في حد بديل بيصد، برافو عليك ياسيد عبدالحفيظ، عمرو السيسي أتصاب بعد ما نزل ومسكنا الماتش، عشان الجن اشتغل».

مرتضي منصور اليوم مرتضي منصور الزمالك اليوم محمد شحاتة الاهلي الأهلي نادي الزمالك مباراة الزمالك فوز الأهلي اخبار الزمالك رجب بحة بث مباشر السحر سحر الأهلي والزمالك الأهلي مباراة الأهلي والزمالك

المصدر: المصري اليوم