يدخل من شباك المطبخ.. ننشر اعترافات المتهم بقتل عشيق زوجته فى حدائق المعادي
تاريخ النشر: 1st, January 2024 GMT
تحقيقات موسعة فتحتها الجهات المختصة في واقعة مقتل شاب في حدائق المعادي، حيث كشفت التحقيقات أن المجني عليه كانت تربطه علاقة آثمة مع زوجة المتهم الأول والذي أجبر زوجته على استدراجه بعد اكتشافه خيانتها له لتخلص منه.
وقال المتهم خلال التحقيقات "أنا سواق توك توك ومتجوز "أسماء " مراتي من سنتين ومخلف منها بنت بنزل الشغل الصبح بدري وبرجع بليل متأخر بقفل عليها باب الشقة بالمفتاح دايما وأنا نازل رايح شغلي علشان بتعمل مشاكل مع الجيران وأختي عائشة تعدي عليهم وتشوف طلبتها"
سمعت مراتي بتقولوا لعشيقها تعال البيتوأضاف المتهم في يوم بعد ما خلصت الشغل بتاعي روحت على بيت أختي عائشة علشان أنا متعود بعد ما أخلص شغلي أعدي عليها علشان أديها يومية التوك توك علشان التوك توك ده بتاعي أنا وهي ولما روحتلها البيت قالتلي شوف مراتك بتعمل ايه وفتحت الموبايل بتاعها وكان متسجل عليه مكالمة فيها مراتي بتكلم واحد اسمه أشرف وكانت بتقوله إنها قاعده في البيت لوحدها وإن أخت جوزي نزلت من البيت علشان تجيب طلبات ليا وانها شوية وهترجع وتجيبلي الطلبات وبعدين تمشي ياريت تيجي علشان تعمل معايا علاقة وهو رد عليها وقالها انه هيبقي يجلها وانا لما سمعت كده فضلت مش مصدق ومقولتش لمراتي حاجة.
وأوضح المتهم بعدها بيومين أختي جت عندي البيت نديت علي مراتي وقولتلها انتي بتكلمي رجالة وبتخليهم ييجوا البيت عندي وهي في الأول قالتلي الكلام ده مش صح فجبت موبايل اختي وسمعتها المكالمة وهي قالتلي أنا مش هعمل كدة تاني فأنا مسكتها وضربتها وقتها قالتلي إنه أشرف ابن الست اللي ساكنة معانا في البيت وأنا سألتها بييجي عندك إزاي قالتلي من الشباك بتاع المطبخ لما انا بنزل وأنا بعد ما عرفت كده نزلت أنا واختي وقفلت باب الشقة عليها وقولت لأختى أنا عاوز أمسك الواد ده وهو قاعد مع مراتي في البيت.
وأشار المتهم بعد تفكير وصلنا لإنها تكلمه على الموبايل وتجيبه البيت ولما ييجي تكون احنا عارفين وتمسكهم وأختي قالتلي نخلى مراتك تروح تقعد مع صاحبتها بدار السلام وفعلًا خليت مراتي تسيب البيت وتروح شقه صاحبتها علشان تكون تحت عنينا ومتعدش في البيت لوحدها واختي بعد كده خلت مراتي تكلم أشرف ده وتتفق معاه انه يجي البيت وهو اتفق معاها انه يجيلها يوم الإثنين علشان عنده شغل وانه هيجلها بعد العصر ولما جه أشرف دخلت البيت لقيته هو ومراتي على السرير وقالع البنطلون فضربته وربطته بحبل بعدها كلمت الشرطة تيجي تاخده عرفت بعدها أنه مات.
المصدر: بوابة الوفد
كلمات دلالية: حدائق المعادي تحقيقات علاقة آثمة خيانة زوجية المعادي فی البیت
إقرأ أيضاً:
بعد قليل .. بدء محاكمة المتهم بقتل صديقه في المرج
تنظر محكمة جنايات شمال القاهرة المنعقدة في مجمع محاكم العباسية، محاكمة المتهم بقتل صديقه، بإطلاق النار عليه من فرد خرطوش داخل شقة بالمرج ودفنه في حفرة داخل المطبخ.
وكشفت التحريات الأولية ، أن الجريمة وقعت عقب مشادة بين المتهم والمجني عليه، انتهت بإطلاق النار عليه، ما أدى إلى وفاته في الحال، ثم قام المتهم بمساعدة والده بحفر حفرة داخل المطبخ ودفن الجثمان بها في محاولة لإخفاء معالم الجريمة.
وبمواجهة المتهم، أنكر معرفته بمكان صديقه المختفي، قبل أن ينهار ويعترف بارتكاب الواقعة كما أن والده علم بالواقعة فور وقوع إطلاق النار، لكنه غادر الشقة ثم عاد لاحقًا وساعده في التخلص من الجثمان.
الخارجية المصرية: مسألة مرور السفن الأمريكية دون رسوم عبر قناة السويس مغلقة ومستنفدة