عمرو أديب يوجه رسالة غاضبة لأصحاب المخابز (فيديو)

أبدى الإعلامي عمرو أديب، عدم رضاه عن جودة الخبز، قائلا: "أنا عايز اتكلم عن الجودة في الخبز أو العيش، الشعب المصري يأكل عيش، يجب أن تنظر الدولة بالاهتمام الشديد، يجب أن تهتم الدولة بمستوى الخبز الرغيف يجب أن يعود جيدًا”.

شعبة المخابز تعد بانخفاض جديد بسعر الخبز في هذه الحالة (فيديو) الفينو بـ50 قرش.

. تطبيق خفض سعر رغيف الخبز السياحي ببنها  طعم العيش وشكله ليس كما ينبغي

ووجه عمرو أديب، خلال برنامجه “الحكاية” المذاع على قناة “أم بي سي مصر” رسالة إلى أصحاب المخابز بضرورة تحسين جودة الخبز السياحي، لاسيما بعد تراجع أسعار الدقيق، قائلا: " “يا جماعة شوية جودة، الأسعار خلت التجار ينقصوا جودة حاجات كتيرة، لازم نرجع تاني إنه يبقي فيه جودة للمواطن، الحاجات دي بديهية، ومفيش حد في المنطقة حوالينا عنده عيش وحش، أنا عايز آخد رغيف أعرف أكله مؤخرًا، طعم العيش وشكل العيش ليس كما ينبغي”.

وأضاف: “الدولة بتجيب دقيق محترم بسعر جيد، وأنت واخد السعر اللي إنت عايزه، إحنا عايزين نبتدي نرجع تاني، قليل أوي الناس اللي بتكلم عن الجودة، الجبنة في ماركات كثيرة ليست بنفس الطعم الألبان في ماركات كثيرة ليست بنفس الطعم”.

وأوضح عمرو أديب: “قليل أوي من المطاعم السندوتش فيها محترم، لازم نرجع تاني للجودة يا جماعة، طيب ماشي عندنا ظروف بتخلي الكهربا تتقطع، ومش عارف إيه، ولكن في النهاية الأكل اللي ولادي بياكلوه أقدر أقول إن مستوى الخضار والفاكهة جيدة، ولكن إحنا عايزين ناخد عيش، أنا من مدمنين العيش وبقف في الشارع اشتري عيش وأنقي عيش”.

وتابع “طبعًا مسألة السعر مهمة، وطبعًا إن النهاردة نبتدي نشوف أن أسعار الخبز السياحي نزلت فعلًا زي الدولة ما بتقول”، معقبا: "الأمهات في البيوت بيشتكوا من الرغيف الفينو، ده إنه بعد شوية مبيتفتحش، إنت واخد حقك وسعرك راضي ودقيقك تمام، لو سمحتم الكواليتي الجودة مع مشكلة الأسعار قلت مفيش دولة بتشتكي من مستوى العيش”.

وأردف عمرو أديب: “إحنا كنا في أزمة طاحنة ودلوقتي بقينا في أزمة، الاقتصاد المصري بدأ يتنفس، معندكش الزنقة بتاعة إنك عايز تدبر قسط أو قلقان من توفير سلعة، الأسعار بيتم التعامل معها أنه تبتدي تنخفض، ممكن يكون في قفزات بعد كده صعب، إلا لو حصل قفزات في الدولار، ودا أمر مش وارد”.

 

المصدر: بوابة الوفد