سحر رامي: "بسأل نفسي دايما حسين الإمام مات ليه وبكلمه في أوضتي"

كشفت الفنانة سحر رامي اشتياقها الشديد لزوجها الراحل الفنان حسين الإمام قائلة: "مفيش عندي وصف عايزة اقولك ساعات الولاد بيدخلوا عليا بيفتكروني مجنونة ولا حاجه بكلم نفسي بكون بكلمه يعني، مجنونة مش مجنونة بكلمه وباخد رأيه في الحياة، احنا كان عندنا كونتاكت كده مع بعض محدش بيفهمها غير أنا وهو، لو قولتها لحد هيبصلي الحاجات دي هو الوحيد اللي عارفها.

 تصريحات سحر رامي 

وتابعت خلال حوارها مع الإعلامية انجي هشام في برنامج المنسي عبر قناة هي: “لما احب اعلق على أحداث أو أي حاجه بكلمه بقوله”.

وكشفت عن الرسالة التي تحب توجها له دائما:' اللي دايما يقولو سبتنا ليه بس طبعا أنا مؤمنه ودي حاجه بتاعت ربنا لكن دائما بسال السؤال دا والتكتر انت فين وملهاش إجابة أنا عارفة لكن سؤال ٢٤ ساعه في دماغي انت فين ؟ انت في اي حته سيبتنا ليه، بحلم بيه وبقولوا في الحلم لما انت موجود سايبني ليه في الهم دا لكن مبيردش طبعا مش موجود.

 

تزوجت من النجم الراحل حسين الإمام، وأنجبت منه طفلان هما يوسف وسالم، فهي كانت تحبه كثيرًا، ورفضت الزواج بعد وفاته، وقالت في لقائها في برنامج "كلام الناس": أنا مش قادرة أقول إن حسين الإمام توفي، وساعات بكلمه وأقوله سايبنا ليه؟ وإحساسي أنه مشي شوية وواثقة إننا هنتقابل وأنا لحد ما أموت هفضل حرم حسين الإمام، ولا يمكن أتجوز تاني لأني ما زلت متجوزة".

شاركت في العديد من الأفلام والمسلسلات والمسرحيات، أهمهم:" أسوار المدابغ، أردت أن أعتذر، حرب الفراوله، إلا ابنتي، اليتيم والحب، كابوريا، الشجعان، الثعابين، فطوطة، لا للزوجات، رحيم، زواج بالإكراه، أهلا بالسكان، البعبع، مين ضحك علي مين، كعبلون".

وعن مشاركتها مع الفنان أحمد زكي في فيلم "كابوريا"، قالت سحر رامي: "حصلنا على جائزة عن فيلم كابوريا، والفيلم كان من الأعمال التي نجحت بشكل كبير للمخرج خيري بشارة، والفيلم كان بداية الفنان محمد لطفي الفنية، وأحمد زكي كان حبيبي وأتذكر له ذكريات جميلة، لأنه كان معنا في كل تفاصيل الفيلم، وكان عبقري".

 

المصدر: بوابة الفجر