مراته السبب.. شاب يحرق منزلا بداخله والده
تاريخ النشر: 13th, August 2023 GMT
أحال المحامي العام الأول لنيابة شرق القاهرة المتهم بإشعال النيران بالمنزل ووالده بداخله إلي الجنايات.
نص التحقيقات
س: ما تفصيلات حدوث الحريق في مسكنك؟
ج اللي حصل ان انا كنت قاعد فى البيت لقيت بنت ابنى جت بتقولى يا جدى عايزين هدوم من الشقة عشان نلبس عشان فيه خلافات بين ابنى وبين مراته قولت لابنى اديهم هدوم قالى لا وبعد شويه دخلى الاوضه وقالى طيب اديهم الهدوم وبعد كدة خليت بنت ابنى جت وخدت الهدوم وبعد لما خدت الهدوم جيه ابنى وقالى مين قالك اديها الهدوم قولتله انت اللى قولتلى قالى لا انا حولعلك فى الشقة قولتله تولع ايه راح طلع وولع في الشقه واتصلت علي النجدة جت.
س / ملك من المسكن محل الحريق ؟
ج العقار كله بتاعي والشقة دي أبني قاعد فيها.
س: متي وأين حدث ذلك ؟
ج الكلام دة حصل امبارح بالمرج.
م وهل شاهدت نجلك المدعو حال ادرامه النيران بالوحدة السكنية خاصتك ؟
ج: ايوة انا لقيته جاب بنزين من الشارع و طلع بس انا افتكرت بيهوش وطلع على الشقه وبعد كدة لقيت النار ولعت.
س : وما هي كيفية بدء أشعال النيران ؟
ج انا فجأه لقيت كل الغرف بتولع فطلعت اجري اشوف في أي وأخذت طفايات الحريق بتاعة العربيات بتاعتي .
س وما تعليلك لنشوب الحريق ؟
ج ابني هو الي ولع في البيت قاصد.
جاء بأمر الإحالة أن المتهم وضع عمداً نارا في الوحدة السكنية ملك والده بأن أوصلها بمصدر حراري فاشتعلت بها النيران حتى أتت على المنقولات.
المصدر: صدى البلد
كلمات دلالية: البيت إشعال النيران السكنية العقار وضع وحدة السكنية
إقرأ أيضاً:
رامي إمام يكشف رد فعل والده الزعيم على فيلم “البحث عن فضيحة”
كشف المخرج رامي إمام عن بعض التفاصيل الخاصة بالزعيم عادل إمام، وتطرق رامي إلى أعماله الفنية كاشفا عدد من التفاصيل التى يعلن عنها لأول مرة.
وقال رامي إمام: أنا عملت أعمال كتير منها أمير الظلام، وجميع المسلسلات اللي فيها أكشن ودراما، لكن دايمًا لما الناس توقفني في الشارع تسألني عن غبي منه فيه، وفين الجزء التاني، وكمان فيلم 1/8 دستة أشرار، الفيلم ده من أحلى الأفلام اللي قريبة لقلبي، التجميعة دي مكنتش متواجدة سنة 2006، وكان فيه روح حلوة، والأجواء واللوكيشنز كانت حلوة، وياسمين عبد العزيز إنها تقول نجيب نيكول سابا تبقى موجودة علشان تضيف كفنانة في ناحية الجمال البلدي اللي بتلعبه.
وأما عن تعاونه مع والده عادل إمام فى عدد كبير من أعماله أكد رامي إمام على أن العمل مع عادل إمام لا يختلف كثيرا عن العمل مع مجموعة النجوم الكبار، مضيفا: لأن في الأول وفي الآخر كل فنان ليه توجه وفكر معين، هو أبسط واحد موجود في اللوكيشن، وبيتقبل توجهات المخرج، وبييجي بدري، وتجربتي معاه الناس كلها تشهد عليها، والعراف من أحلى الأعمال، والناس في الشارع بتكلمني عن صاحب السعادة قد إيه مأثر فيهم.
وأوضح رامي إمام : بحب أشوف لوالدي فيلم “المشبوه”، ده من أكتر الأفلام اللي بحبها، لأني عارف كواليسه وإزاي كان تحدي إن والدي يعمله، وصعب النهاردة تجمع بين سعاد حسني وعادل إمام، الأداء التمثيلي ده حاجة تتدرس، وأتمنى أعمل له ريميك.
وقال رامي إمام عن فيلم “البحث عن فضيحة” الذى يتعاون فيه مع الفنان هشام ماجد: هشام ماجد بنعمل مع بعض البحث عن الفضيحة، هو حبيبي ومحترم وبيحترم شغله وهادي، ووالدي عادل إمام رحب بالتجربة، وهي مهمة أوي وليا على المستوى الشخصي إننا نعرف الجيل الجديد بأفلامنا والتراث الفني القديم.
وعن أعماله الجديدة، أشار إلى أنه يستعد لتقديم مسلسل عودة التلفزيون مع المؤلف يوسف معاطي، وهو موضوع مهم وجديد، ومن المقرر عرضه بعد رمضان، ويعد عودة له بعد غياب 5 سنوات.
حالة الطقس.. استمرار هطول أمطار رعدية مع رياح نشطة مثيرة للأتربة