"ضحك كالبكاء".. "الحربجي ترامب" بيفكرني بـ"عاطف البرميل" اللي "اتكعبل" في عز جبروته
تاريخ النشر: 12th, February 2025 GMT
تابع أحدث الأخبار عبر تطبيق
طبعا اول سؤال هيقفز عالنافوخ: ايه اللخبطة اللي في العنوان ده، وانا مضطر احكي لكم الحكاية من أولها وبكل صراحة وبدون ادعاء بطولة: فأنا، وأعوذ بالله من كلمة أنا، لما كنا في تانية ثانوي كنا كل يوم نتعرض لعلقة ساخنة على ايدي بتوع تالتة ثانوي، وكلهم كوم و"عاطف البرميل" كوم تاني.
وكان عاطف البرميل ده الله اكبر حاجة كده زي "خوزاعة" اللي بيطلع في افلام الكفار، وكان الممثل الفتوة محمود فرج تقريبا نص حجمه.. المهم كل اعدائنا كوم والبرميل ده كوم تاني خااااالص.. فكانت الخبطة منه بانزلاق غضروفي او رباط صليبي وش، أما الشلوت فكان يجيب شرخ في الحال.. وكان اصحابي حبايبي كل يوم ياخدوا الطريحة مرتين الاولى في الفسحة والتانية في المروح.
وطبعا لظروف خاصة كنت بافضل القيام بدور المعلق على هذه المعارك والغزوات، ومن باب ابراء الذمة وحفظ ماء الوجه كنت دايما اعزم على زمايلي اني أخش معاهم في "العاركة"، لكن هما الله يبارك لهم كانوا دايما يعفوني ويقولوا لي: "كفاية عندنا جرحي.. مش ناقصة يتاخد مننا أسرى كمان.. مش هنعرف نحررك من عقاب فرج عفوا عاطف.
فأنا بطبيعة الحال كان لازم يكون ليا دور فاعل وايجابي.. فكنت قائد "حرس الشنط"، أخلي بالي منها بس، لكن مسألة حمايتها دائما كنت بافشل فيها، لأنه وبمنتهى البساطة "عيال أبو اسماعيل" بتوع تالتة ثانوي لما بيكسبوا الحرب كانوا بييجوا ياخدوا الشنط كغنائم.. وأنا طبعا كنت باشبعهم شتيمة ودعا.
المهم يرجع مرجوعنا لوجه الشبه بين "الحربجي ترامب" وعاطف البرميل: فكان هذا الفتوة لما "بيعكش" حد من فريقنا كان يصمم انه يضربه لوحده، وطبعا لازم ينكل بيه ويسففه التراب.. يمكن اكتر من اللي بيعمله عبده موته والأسطورة.. وأنا طبعا من باب الوفاء كنت اقعد احدف تراب على ظهره "في الخباثة" علشان مايعكشنيش انا كمان.. لحد ما في مرة جات حفنة تراب من اللي باحدفهم في عينه، وساعتها لقيناه عمال يصرخ زي العيال الصغيرة: "أه يا عيني يابا".. فبصينا لبعضينا وقررنا ساعتها "نستنهز" الفرصة الذهبية.. وبقي كل واحد من اصحابي يلطشه لطشة واحد يدوس على رجله ويروح زاقه والتالت يستخدم سلاح "الطوب الأعمى".. لحد ما هول لقيناه راح واقع من كتر "التلويش" اللي جنناه بيه واحنا زي النمل اللي بيتلم على الفيل.
ودي كانت زي ما بيقولوا نهاية كل مفتري.. ممكن تدخل حرب مع واحد وتنتصر.. لكن بكل تأكيد أول ما تحارب الفصل كله وتبدأ في استخدام القوة المفترية هتكون نهايتك حفنة تراب تعمي عينيك وتكتب نهايتك.
"الحربجي ت ر ا م ب" يعتقد أنه يجب أن يأمر فيطاع، يحلم فنسارع لتحقيق أوهامه دون أن يكلف نفسه عناء الغطاء وهو نائم، هو ربما يحتاج إلى 11 س ب ت م ر جديدة، ومن يدري: جميع الشواهد تؤكد أن "كعبلة الظالم" تأتيه وهو في عز غروره واتقاده أنه الأقوى بلا منازع أو منافس.. وغدا ستتذكرون ما أقوله.
المصدر: البوابة نيوز
إقرأ أيضاً:
مجدي الجلاد عن واقعة سايس نادي القضاة: صاحب السلطة مُقيد والناس فيها اللي مكفيها
كتب- محمد نصار:
علق الكاتب الصحفي مجدي الجلاد، رئيس تحرير مؤسسة أونا للصحافة والإعلام والتي تضم مواقع (مصراوي - يلا كورة - شيفت - الكونسلتو)، على واقعة التعدي على سايس نادي القضاة التي انتشرت مؤخرًا عبر وسائل الإعلام والسوشيال ميديا.
وقال "الجلاد"، في فيديو عبر حسابه على فيسبوك: "لما ضابط شرطة، مع تقديري الشديد لكل ضباط الشرطة في مصر، يعتدي بهذه الوحشية وهذا العنف على سايس أمام نادي قضاة مصر على كورنيش النيل، طبقًا لبيان نادي القضاة اللي صدر، بيسرد وقائع هذه الواقعة، وعايز أقول إنها مش واقعة دي مصيبة، أن يكون هناك هذا القدر وهذا الحجم من الاستخدام المفرط للسلطة على راجل غلبان بيشتغل سايس، يبقى في حاجة غلط، نادي القضاة قال في بيانه وأنا بحيي نادي القضاة وكل قضاة مصر بصراحة، الجملة الأخيرة اللي ختم بيها البيان، قال إن كرامة هذا السايس الذي يعمل في نادي القضاة هي من كرامة كل القضاة، وإنه يعتز بكل العاملين أيًا كانت درجة أي حد في نادي القضاة، بنفس القدر لاعتزازه بالسادة القضاة في مصر".
وتابع رئيس تحرير مؤسسة أونا للصحافة والإعلام: "أنا متوقف أمام هذه النقطة بالتحديد، نادي قضاة مصر ضرب مثل ونموذج شديد الاحترام والتحضر والقوة في الحفاظ على كرامة العاملين فيه، قضاة أو غير قضاة، السايس هو له كرامة أيضًا هو إنسان، مواطن مصري يجب أن نحافظ على كرامته".
وواصل الكاتب الصحفي مجدي الجلاد: "النقطة التانية تتعلق بأمراض السلطة، خلوني بس اتوقف أمام هذه النقطة، وأنا أتحدث عن واقعة محددة صدر فيها بيان من نادي القضاة وبيان من وزارة الداخلية الموقرة في مصر، وقالت إن الضابط تم إحالته للتحقيق، وإن ده تم في غير أوقات العمل الرسمية بتاعته، ده كلام جميل، وكلامي ده مش بعممه، ولكن أنا بتوقف عند أمراض السلطة لدى البعض، إحنا في مصر للأسف، عودنا الكثيرين من أصحاب السلطة على مدى عود طويلة، على فكرة أنه فوق القانون، وأن المواطن العادي في مصر يجب أن يُحاسب وقتي في المكان ده، فهو صاحب سلطة ممكن يضربه ويفلت من العقاب، يضربه ضرب صعب جدًا، أنا شوفت الفيديو قلبي وجعني على هذا الشاب، السايس، المواطن المصري اللي اضرب بالشكل ده".
وأضاف: "فكرت، ودايمًا بحب أحلل الفكرة كده، هو عمل كده ليه هذا الضابط!، أكيد كل ضباط مصر محترمين جدًا ورائعين، لكن في استثناءات، في ظواهر سلبية وأشخاص سلبيين في كل عمل أو وظيفة في مصر، الضابط ده عمل ده ليه؟، لأنه اتعود أن عنده سلطة قوية جدًا فوق القانون، وأنه يستطيع أن ينفذ القانون اللي هو شايفه في نفس المكان ويعتدي على هذا السايس، المسألة دي محتاجة نتوقف أمامها كثيرًا ونقول إننا بحاجة ماسة جدًا لإعادة تعريف مصطلح السلطة في مصر، أنت في مكان أو وظيفة مدياك سلطة، السلطة دي مسارات استخدامها واستعمالها وتوظيفها في المجتمع، الشرعية، رايحة فين وجاية منين.. أنت صاحب سلطة وضبطية، رائع جدًا، أنت ضابط، أنت قاضي، لكن القانون يرتب صلاحياتك وسلطاتك، والإفراط في استخدام هذه الصلاحيات أو السلطات أو وضعها في مسار ظالم لمواطن عادي لا يمتلك هذه السلطات، بيعني أن لدينا أمراض اجتماعية ونفسية عند البعض".
وتساءل "الجلاد": المواطن اللي تعرض لمثل هذا الاعتداء الوحشي بهذا الشكل على يد صاحب سلطة، هيكون شعوره وإحساسه وانتمائه لبلده شكله إزاي لما ميعرفش ياخد حقه؟، طب هذا السايس وجد كيان كبير قوي جدًا اسمه نادي قضاة مصر، فاستطاع أن يقف في مواجهة هذه الواقعة وأن يطالب بحقوق هذا السايس لأن كرامته من كرامة نادي قضاة مصر، وقضاة مصر الأجلاء، طب ما في مواطنين كتير بيحصل ليهم ده، وممكن ميتصورش، ولا يشتكي، أنا عارف ده تصرف فردي بيعبر عن الشخص أو الضابط اللي عمل ده، وأكيد ضباط الشرطة في مصر بعيدين عن ذلك، لكن التصرف الفردي يجب أن يُحاسب عليه صاحبه فورًا وعلطول عشان متتكررش تاني، المرة دي نادي القضاة تصدى للموضوع، ووزارة الداخلية، في مرات تانية، وقائع تانية، ممكن ميكونش قدام نادي القضاة فالمواطن ميخدش حقه".
وأوضح "الجلاد": "يا جماعة، الأمراض دي محتاجين نتغلب عليها، أنت مش وظيفتك كذا فتبقى فوق القانون، ومش سلطاتك كذا فمتتحاسبش، ومش صلاحيتاك اللي بيرتبها القانون كذا فتعتدي وتظلم مواطن في كرامته وبدنه، إحنا محتاجين نعرف كويس جدا، أن المواطن له حقوق، وهذه الحقوق ليست خصمًا من أي فئة، الراجل السايس بيطبق النظام والقانون، بيقولك متركنش قدام النادي، المكان ده غير مخصص للركنة، فينضرب ليه!، يُعتدى عليه ليه!، يتهان ليه! أنا بأقول للمرة المليون، إحنا محتاجين نستخدم سلطاتنا بشكل رشيد، صاحب السلطة مقيد بسلطات وصلاحيات، الإفراط فيها بيؤدي لمشاكل ضخمة جدًا".
واختتم قائلًا: "كويس أن نادي القضاة عمل ده، وكويس وبحيي وزارة الداخلية أنها تصدت للواقعة، وبتحقق معاه، لكن عايز أقول لأصحاب السلطة في مصر، بالراحلة شوية، بالراحة، اللي إداك سلطة لازم يحاسبك عليها، وقبل ما السلطات والقانون يحاسبوك عليها في مصر، ربنا هيحاسبك، بالراحة شوية، بلاش العظمة دي علشان عندك سلطات، بلاش الغطرسة دي، بلاش السطوة دي على المواطنين العاديين، الناس فيها اللي مكفيها".
لمعرفة حالة الطقس الآن اضغط هنا
لمعرفة أسعار العملات لحظة بلحظة اضغط هنا
مجدي الجلاد واقعة سايس نادي القضاة الاعتداء على سايس نادي القضاةتابع صفحتنا على أخبار جوجل
تابع صفحتنا على فيسبوك
تابع صفحتنا على يوتيوب
فيديو قد يعجبك:
الأخبار المتعلقةإعلان
أخبار
المزيدالثانوية العامة
المزيدإعلان
مجدي الجلاد عن واقعة سايس نادي القضاة: "صاحب السلطة مُقيد والناس فيها اللي مكفيها"
روابط سريعة
أخبار اقتصاد رياضة لايف ستايل أخبار البنوك فنون سيارات إسلامياتعن مصراوي
اتصل بنا احجز اعلانك سياسة الخصوصيةمواقعنا الأخرى
©جميع الحقوق محفوظة لدى شركة جيميناي ميديا
القاهرة - مصر
41 29 الرطوبة: 25% الرياح: شمال شرق المزيد أخبار أخبار الرئيسية أخبار مصر أخبار العرب والعالم حوادث المحافظات أخبار التعليم مقالات فيديوهات إخبارية أخبار BBC وظائف اقتصاد أسعار الذهب الثانوية العامة فيديوهات تعليمية رياضة رياضة الرئيسية مواعيد ونتائج المباريات رياضة محلية كرة نسائية مصراوي ستوري رياضة عربية وعالمية فانتازي لايف ستايل لايف ستايل الرئيسية علاقات الموضة و الجمال مطبخ مصراوي نصائح طبية الحمل والأمومة الرجل سفر وسياحة أخبار البنوك فنون وثقافة فنون الرئيسية فيديوهات فنية موسيقى مسرح وتليفزيون سينما زووم أجنبي حكايات الناس ملفات Cross Media مؤشر مصراوي منوعات عقارات فيديوهات صور وفيديوهات الرئيسية مصراوي TV صور وألبومات فيديوهات إخبارية صور وفيديوهات سيارات صور وفيديوهات فنية صور وفيديوهات رياضية صور وفيديوهات منوعات صور وفيديوهات إسلامية صور وفيديوهات وصفات سيارات سيارات رئيسية أخبار السيارات ألبوم صور فيديوهات سيارات سباقات نصائح علوم وتكنولوجيا تبرعات إسلاميات إسلاميات رئيسية ليطمئن قلبك فتاوى مقالات السيرة النبوية القرآن الكريم أخرى قصص وعبر فيديوهات إسلامية مواقيت الصلاة أرشيف مصراوي إتصل بنا سياسة الخصوصية إحجز إعلانك
بدرية طلبة تنفي اتهامات القتل وتجارة الأعضاء وتؤكد نيتها اللجوء إلى القضاء