مقدار زكاة الفطر.. الإفتاء توضح كيفية تقدير قيمتها بطريقة بسيطة
تاريخ النشر: 30th, March 2025 GMT
مقدار زكاة الفطر.. ساعات قليلة وينتهى شهر رمضان المبارك ونستقبل عيد الفطر، ويتساءل الكثير عن مقدار زكاة الفطر ليقوموا بإخراجها قبل صلاة العيد.
وقد أوضحت دار الإفتاء المصرية عبر صفحتها الرسمية على فيسبوك، قيمة زكاة الفطر 2025 كيف قدرت هذه القيمة بطريقة سهلة وميسرة ولغة عامية أيضا بسيطة.
قيمة زكاة الفطرة 2025وقالت دار الإفتاء المصرية ان قيمة زكاة الفطر لهذا العام 35 جنيه وهذا الحد الأدنى لها (يعني طلع أكتر من ٣٥ جنيه لو معاك ودخلك يسمح لك).
وأجابت عن من يقول: إن ٣٥ جنيه قليل مش هتعمل حاجه وقالت:
يبقى تطلع ما ترضاه نفسك وتحس إنه له قيمه لكن لا تقل عن ٣٥ جنيه ولا تلزم غيرك يطلع زيك لأن ممكن يكون غير قادر، وكمان تقدر تطلعها فلوس لا تشتر بها شيء.
كيف قدرت قيمة زكاة الفطرة 2025
وكشفت عن إنها حسبت القيمة على القمح اللي هو نوع من الأنواع المذكورة في سنة سيدنا رسول الله صلى الله عليه وآله وسلم والخاصة بزكاة الفطر، بالإضافة إلى أنه غالب طعام المصريين بيتعمل منه العيش اللي هو وجبة أساسية وكمان بيدخل في أطعمة كثيرة جدًا.
سعر أردب القمح
وأوضحت ان سعر أردب القمح دلوقتي ٢٠٠٠ جنيه مصري من أحسن الأنواع، وأردب القمح فيه ١٥٠ كيلو، يبقى سعر الكيلو ١٣.٣٣ ثلاثة عشر جنيه وثلاثة وثلاثون قرشًا تقريبًا.
قيمة زكاة الفطر فى القمح
ونوهت ان زكاة الفطر في القمح (٢.٠٤ كيلو)، يبقى نضرب ٢.٠٤ كيلو * ١٣.٣٣، هيطلع الناتج ٢٧.١٩ جنيه مصري.
ولفتت الى انها قالت ان قيمة زكاة الفطر 2025، حوالي ٣٥ جنيه يعني زودت كمان عن الحد الأدنى بشويه.
إخراج زكاة الفطر مالا
وبينت أن بعض الناس مفكره إن ناخد الفلوس نشتري بها أرز مثلا
لأ طلعها فلوس وربنا يتقبل منك.
حكم اخراج زكاة الفطر أول رمضان
وذكرت انه يجوز إخراجها كمان من أول رمضان لحد قبل صلاة العيد.
المصدر: صدى البلد
كلمات دلالية: زكاة الفطر شهر رمضان إخراج زكاة الفطر مالا المزيد قیمة زکاة الفطر دار الإفتاء ٣٥ جنیه
إقرأ أيضاً:
عندى شعور مستمر بعدم الرضا .. أمينة الفتوى توضح
أجابت الدكتورة زينب السعيد، أمينة الفتوى بدار الإفتاء المصرية، على سؤال إحدى المتصلات التي تعاني من مقارنة نفسها بسلفتها وشعورها بعدم الرضا؟.
وقالت أمينة الفتوى بدار الإفتاء، خلال تصريح تليفزيوني: "أنا أولًا أحب أحيي صاحبة السؤال لأنها التفتت لنقطة سلبية داخل نفسها، ودي بداية ممتازة للإصلاح.. إن الإنسان يلاحظ إنه عنده خلل أو تقصير، فده أول خطوة للعلاج".
وأضافت السعيد: "الرضا في الحقيقة قرار.. لأن اللي مش راضي هيفضل طول عمره يبص للي في إيد غيره، حتى لو كان عنده من النعم ما يكفي، ومش هيشعر بالسعادة أبدًا. وعلشان كده بنقول: من رضي فله الرضا".
وأشارت إلى أن الرضا مش مرتبط بالغنى أو الفقر، بل هو شعور داخلي ينبع من التسليم لقضاء الله، قائلة: "احنا بنقول في الدعاء بعد الأذان: (رضيتُ بالله ربًا)، طيب هو أنا راضية بربنا؟ يبقى لازم أكون راضية بقضاؤه، وقدره، وبقسمته في الرزق، لأن اللي يقول (رضيت بالله ربًا) وهو مش راضي باللي كتبه ربنا له، يبقى هو لسه محتاج يفهم المعنى صح".
وتابعت: "الواحد لو بص للحاجات اللي عنده، هيلاقي نعم كتير جدًا مش عند غيره.. ربنا سبحانه وتعالى قسم الأرزاق بـ 24 نوع من العطاء، وكل واحد واخد نصيبه المتوازن فبدل ما نبص لغيرنا، لازم نشوف إحنا ربنا إدانا إيه، ونقول: الحمد لله".
تخرج 9 دفعات من الضباط وضباط الصف بالمدرسة العليا للمشاة بشرشال