الناس كيمان، بنشتكي لناس معينه، ونتونس مع ناس معينه ❤️❤️

اتعلمنا في الفترة دي دروس حياتية كتيرة، وانا واثقة كل زول فينا دروسه أعمق وأقوى من التاني…. حكون سعيده نتشاركها ونتبادل الخبرات.من اكتر الدروس الاتعلمتها من الإمتحان النحن فيه ده١. ما ننتظر شرط معين للسعاده، ولا وقت معين، لأن السعادة قرار وممكن خلقها تحت أي ظروف وفي أي وقت.٢. التوكل، الرضى واليقين بالله وحمد الله هم أهم زاد في الطريق، ولمن تقرر تبدأ اي خطوة، توكل على الله، اعقلها، وكن على يقين أن الله معك، وبعدها ترضى بالقسمة والقدر.

٣.وراء الظروف النحن فيها، شئنا ام أبينا خير كبير شديييييد، نعرفه قريب أو لي قدام أو في الآخره بس الاكيد حنعرفه حنعرفه. بإذن الله ٤. الفكرة مش في انو لا نحتاج المالا كي نحيا بسعاده، الفكرة انك بالعندك كيّف روحك تسعد لحدي ما يجيك المال البيسعدك جد جد كذابين لو قلنا لا نحتاجه، فالمال والبنون زينة الحياة الدنيا. وطبعا كده الناس حتفتكرك دايما مقرررش وتعيش حياة الرفاهية وانت تكون حق البارد ما عندك وبرضو سعيييد ومبسوط.٥. الناس كيمان، بنشتكي لناس معينه، ونتونس مع ناس معينه، نشتغل مع ناس معينه ونبرمج مع ناس معينه وما بنلخبط الكيمان، فلكل كوم إنسان. وده قمة الذكاء الإجتماعي وبيبعدك عن التوقعات والخذلان والقيل والقال.٦. تحديد أولوياتك ده أهم بوصلة ترتكز عليها، وما تنساق الأولويات الآخرين، ركز في حقك وهدفك وخلي الناس نتاقلم وتحترم قرارك، فهذي حياتك وهذي قراراتك. يلا شاركونا شنو الدروس الاتعلمتها؟؟؟ إيثار صلاح التايإختصاصي صحة نفسية إنضم لقناة النيلين على واتساب

المصدر: موقع النيلين