خالد الجندي: «الكون متعدد ليه عاوزين الفقه يكون واحد؟»
تاريخ النشر: 24th, April 2025 GMT
قال الشيخ خالد الجندي، عضو المجلس الأعلى للشئون الإسلامية، إن التعدد في الفهم الفقهي نعمة مش نقمة، ومش مطلوب أبدًا إن الناس كلها تمشي على رأي فقهي واحد، لأن ربنا نفسه خلق الكون كله على التنوع والاختلاف، فكان من الطبيعي إن الفقه كمان يحتمل التعدد والاختلاف.
وتابع عضو المجلس الأعلى للشئون الإسلامية، خلال حلقة برنامج لعلهم يفقهون، المذاع على قناة dmc، اليوم الخميس: «فيه ناس مستغربة ليه الفقه مش واحد؟ ليه عندنا مالكي وشافعي وحنفي وحنبلي؟! أنا بسألهم: إذا كان الكون اللي ربنا خلقه كله متنوع، من الألوان، للطبيعة، للناس، يبقى إزاي عايزين الفقه يبقى رأي واحد؟!».
وأضاف: «ربنا بيقول في سورة آل عمران: (هو الذي أنزل عليك الكتاب منه آيات محكمات هن أم الكتاب وأخر متشابهات)، يعني في آيات واضحة جدًا لا تحتمل إلا معنى واحد زي: (قل هو الله أحد)، دي آية محكمة، وفي آيات تانية ربنا خلاها تحتمل أكتر من تفسير، وده اسمه التشابه، وده اللي بيخلي الفقه واسع والآراء متعددة».
وأوضح «الجندي» أن المتشابهات في القرآن مش للتشويش، بل للتيسير والتوسعة، موضحا: يعني مثلًا، كلمة (قروء) في القرآن معناها إيه؟ هل هي الحيض ولا الطُهر؟ الاتنين اتقالوا في الفقه، وكل مذهب ليه دليله، كلمة (لامستم) معناها إيه؟ المس ولا الجماع؟ برضه فيها خلاف، الخلاف ده مش تناقض، ده ثراء فقهي.
وأوضح أن الفتوى نوعان: إما فتوى في أمر خاص، وفي الحالة دي لك أن تختار من بين الآراء الفقهية ما يناسبك من مذهب مالكي أو شافعي أو غيره، لأن فيه سعةـ لكن لو الفتوى في أمر عام يمس المجتمع كله، فلا يجوز لكل فرد يختار على مزاجه، لازم نرجع ونلتزم برأي المشيخة، لأن توحيد الكلمة أهم من تعدد الاجتهادات.
المصدر: الأسبوع
كلمات دلالية: المجلس الأعلى لعلهم يفقهون الشيخ خالد الجندي
إقرأ أيضاً:
أسما شريف منير ترد برسالة على منتقدي زواجها ثالث مرة «صورة»
ردت الإعلامية أسما شريف منير، عبر حسابها الرسمي بموقع تداول الصور والفيديوهات «إنستجرام» على منتقدي زواجها للمرة الثالثة، حيث تصدر اسم أسما شريف منير المشهد على منصات التواصل الاجتماعي لهذا السبب.
وشاركت أسما شريف منير، صورا عبر حسابها الرسمي على «إنستجرام»، لترد من خلالها على منتقديها، قائلة: «لكل شخص شتمني، تنمّر عليّا، أو أساء الظن بيّا، أنا مش بزعل، ومش باخدها على قلبي، مش لأني مبحسّش، لكن لأني تعلّمت إن القلوب اللي فيها نور، بتعفو، وبتعدي».
عرض هذا المنشور على Instagramتمت مشاركة منشور بواسطة ???????????????? c???????????????????? ???????????????????????? - اسما شريف منير (@asma.sherif.moneer)
كما أضافت أسما شريف منير: «لأن ربنا قال: “والكاظمين الغيظ والعافين عن الناس والله يحب المحسنين، أنا اخترت أبقى من الناس اللي ربنا يحبها، مش هرد إساءة بإساءة، ولا كلمة بكلمة، ربنا أمرنا نكون أرقى، حتى قدام الظلم: “ولا تستوي الحسنة ولا السيئة، ادفع بالتي هي أحسن.”».
وتابعت أسما شريف منير: «اللي بيني وبين ربنا عمره ما كان محتاج شهادة من بشر، واللي بيظن السوء، ربنا قال عنه:“يا أيها الذين آمنوا اجتنبوا كثيرًا من الظن، إن بعض الظن إثم.”،
أنا مسامحة من قلبي، مش ضعف، لكن قوة إني ما أخليش الحقد و الزعل يسكن في قلبي».
وأردفت أسما شريف منير: «سايبة كل حاجة لربنا، لأنه قال: “فمن عفا وأصلح فأجره على الله.”، أنا عندي رسالة أمل، وبدعي من قلبي إن ربنا يكرم كل ست، ويشجعها تتجوز وتبدأ من جديد من غير ما تخاف من المجتمع، ولا من نظرات الناس اللي كده كده الناس بتصطاد الأخطاء، ربنا يعفينا منهم، ولا من الكلام اللي بيقول: “مريضة”، “مستفزة”، “بجحة”، وكلام كتير مالوش لازمة. كله اتبدل بحسنات، ربنا هو اللي بيختار ويعوض مش الناس».
اقرأ أيضا:
«الشجرة المثمرة تُرمى بالحجارة».. رسالة غامضة لـ أسما شريف منير بعد زواجها
«نوبات هلع وصرع».. أسما شريف منير تكشف عن سبب زيادة وزنها
«مناخيري كبيرة».. أسما شريف منير تكشف عن معاناتها مع التنمر
3 إصابات شمالي الأردن بعد سقوط شظايا صواريخ (شاهد)